Hechos 25:6 - Chayahuita (Shahui)

⁶ Inaquë shonca tahuëri pochin iꞌhuatantarahuaton, Sisariaquë paantarin. Tahuëririnquë coisë shiranënquë huënsërahuaton, Paono amatërin.

Hechos 25:6 ပူးပေါင်းရင်းမြစ်များ

Mateo 27:19

Huaꞌan shiranënquë huënsëasoꞌ, saꞌinintaꞌ nanan aꞌpatiirin Quisoso ocoicaso marëꞌ. “Achin tashiꞌ aꞌninquëchin huaꞌnarahuë. Quisoso huaꞌnato, chiníquën paꞌyanahuë. Inasoꞌ noya quëmapi. Co mantaꞌ onporinhuëꞌ niꞌton, nichaꞌëquëꞌ. Co tëpacasoꞌ yaꞌhuërinhuëꞌ,” itërin saꞌini. Ina marëntaꞌ Piratori co yatëparinhuëꞌ.

Juan 19:13

Ina natanahuaton, “Coꞌchi nanitërahuëꞌ Quisoso ocoicaꞌhuaso paya,” taꞌton, aipiran quëpantarin. Quëpantarahuaton, anaꞌintacasoꞌ shiranënquë huënsërin. “Shancori iꞌiratëꞌ,” itopiquë yaꞌhuërin. Cotio nananquësoꞌ, Capata, itopi.

Hechos 25:1

Nasha huaꞌan canquirin huachi, Pisto itopisoꞌ. Sisariaquë huëcaton, cara tahuëri iꞌhuatërin. Ina quëran Quirosarinquë paꞌnin.

Hechos 25:10

—Co nohuantërahuëꞌ. Quëmasoꞌ Noma copirno acorinquën niꞌton, nontaranquën. Shaꞌhuirapirinacosoꞌ isëquë anoyatacasoꞌ yaꞌhuërin. Co mantaꞌ cotioroꞌsaꞌ onpotërahuësohuëꞌ, nitotëran.

Hechos 25:17

Napoaton isëquë huëꞌpachinara, co huaꞌquirahuëꞌ. Tahuëririnquë coisë shiranënquë huënsërahuato, Paono amatërahuë.

Hechos 25:4

Napotopirinahuëꞌ, co huaꞌan nohuantërinhuëꞌ. “Inca. Co yaquëntarahuëꞌ. Sisariaquë aꞌpairapi. Co huaꞌqui quëranhuëꞌ inaquë cantaꞌ paantarahuë,” tënin.

Hechos 25:5

—Napoaton paꞌpato, caraíchin huaꞌanquëmaꞌ huëcoꞌ paꞌahuaꞌ, tënahuë. Paono co noyahuëꞌ nipachin, inaquë shaꞌhuirapicoꞌ, itërin.

Hechos 8:40

Pinipiso nipirinhuëꞌ, Asotoquëꞌpa yaꞌnochanin. Ina quëran paꞌsahuaton, ninanoroꞌsaquë noya nanan shaꞌhuitëraꞌpiarin. Sisariaquë huarëꞌ shaꞌhuiraꞌpiarin.

2 Corintios 5:10

Aꞌna tahuëri Quisocristo oꞌmantahuachin, yaꞌipinpoaꞌ coisë pochin shaꞌhuitarinpoaꞌ. Yaꞌipi ninëhuasopita yonquiaton, aꞌnaya aꞌnayanpoaꞌ noꞌtëquën nontarinpoaꞌ. Co noya nipatëhuahuëꞌ, co Yosëꞌpaꞌ acanaarinpoahuëꞌ. Noya nipatëhuaꞌ, acanaarinpoa huachi.

Santiago 2:6

Canpitaso nipirinhuëꞌ, saꞌahua nininsopita co onpopinchin nosororamahuëꞌ. Maꞌhuanoꞌsasoꞌ nonpintatënënquëmaꞌ, ihuarinënquëmaꞌ. Aparisitërinënquëmaꞌ. Coisëquë shaꞌhuirapirinënquëmaꞌ. ¿Ina nipirinhuëꞌ paꞌyataramaꞌ ti?