Hechos 25:5 - Chayahuita (Shahui)

⁵ —Napoaton paꞌpato, caraíchin huaꞌanquëmaꞌ huëcoꞌ paꞌahuaꞌ, tënahuë. Paono co noyahuëꞌ nipachin, inaquë shaꞌhuirapicoꞌ, itërin.

Hechos 25:5 ပူးပေါင်းရင်းမြစ်များ

Hechos 18:14

Paonori yanontapirinhuëꞌ, huaꞌani itapon: —Canpita cotioroꞌsanquëmaꞌ co yanatananquëmahuëꞌ. Pasoꞌ quëmapi co noyahuëꞌ ninin naporini, nataꞌintohuëꞌ. Ihuatërin, ahuëtërin, inaporin naporini tëhuënchinsoꞌ, natanacasoꞌ yaꞌhuëꞌitonhuëꞌ.

Hechos 23:30

Ina quëran cotioroꞌsaꞌ chinotopi tëpacaisoꞌ, natantërahuë. Napoaton aꞌnaroáchin aꞌpatëranquën. Cotioroꞌsantaꞌ nani shaꞌhuitërahuë yaꞌhuëranquë paatonaꞌ shaꞌhuirapicaiso marëꞌ. Nani huachi,” itërin, ninshitaton.

Hechos 24:8

“Noma huaꞌan yaꞌhuërinꞌpaꞌ paatomaꞌ, shaꞌhuirapicoꞌ,” itërincoi. Napoaton isëquë huëꞌnai.] Noꞌtëquën shaꞌhuirapiarai. Quëmari Paono natanquëꞌ inachachin shaꞌhuichinquën, itërin Tirotorori.

Hechos 25:16

Ina itohuachinacora, cari itapo: “Noma piyapicoi co topinan quëran anaꞌintëraihuëꞌ. Cato yaꞌpi maꞌsha nionpotohuachinara, cato chachin coisëquë paꞌsapi. Shaꞌhuirapihuachina, aꞌnantaꞌ aꞌpanitacasoꞌ yaꞌhuërin. Ina quëran coisëri noya nitotaton, tëhuënaꞌpi noꞌtëquën anaꞌintarin. Ina pochin Noma piyapicoisoꞌ ninai,” itërahuë.

Hechos 25:25

Natanpirahuëꞌ, co mantaꞌ onporinhuëꞌ. Co tëpacasoꞌ yaꞌhuërinhuëꞌ, tënahuë. “Noma copirno chachin yanontarahuë,” itërincoso marëꞌ inaquë yaaꞌpapirahuëꞌ, co nanitërahuëꞌ topinan aꞌpacaꞌhuasoꞌ.

Hechos 25:4

Napotopirinahuëꞌ, co huaꞌan nohuantërinhuëꞌ. “Inca. Co yaquëntarahuëꞌ. Sisariaquë aꞌpairapi. Co huaꞌqui quëranhuëꞌ inaquë cantaꞌ paantarahuë,” tënin.

Hechos 25:6

Inaquë shonca tahuëri pochin iꞌhuatantarahuaton, Sisariaquë paantarin. Tahuëririnquë coisë shiranënquë huënsërahuaton, Paono amatërin.