Hechos 25:19 - Chayahuita (Shahui)

¹⁹ “Paono co quiya pochin Yosë chinotërinhuëꞌ. Nisha imarin. Aꞌna quëmapi Quisoso itopisoꞌ chiminaponahuëꞌ, nani nanpiantarin,” toconin, topi. Inaíchin shaꞌhuirapipi.

Hechos 25:19 ပူးပေါင်းရင်းမြစ်များ

Hechos 17:31

Aꞌna tahuëri co noyahuëꞌ nipisopita noꞌtëquën anaꞌintarin. Nani Quisoso acorin coisë pochin nicaton, yaꞌipi piyapiꞌsaꞌ noꞌtëquën shaꞌhuitacaso marëꞌ. Inasoꞌ piyapi chachin niꞌton, chiminpirinhuëꞌ, Yosëri ananpitaantarin. Napoaton inasoꞌ, Yosëri acorinsoꞌ, tënëhuaꞌ,” tënin Paono.

Hechos 18:15

Nipirinhuëꞌ, nisha nisha nanan cotioroꞌsanquëmaꞌ yaꞌhuëtërinquëmaꞌ. Nipënënamasoꞌ quiricantaꞌ yaꞌhuëtërinquëmaꞌ. Co casoꞌ nohuantërahuëꞌ ina yonquicaꞌhuasoꞌ. Canpita capini anoyatocoꞌ, itërin.

Hechos 18:19

Ipisoquë canconpachinara, nonshipi. Aquirosoꞌ saꞌinë chachin inaquë quëparitërin. Paonosoꞌ yapaantahuachina, cotio niyontonpiso pëiquë yaꞌconahuaton, aꞌchintërin. Cotioroꞌsarëꞌ ninontopi.

Hechos 2:32

Iporasoꞌ Quisoso chachin Yosëri ananpitaantarin. Quiyari niꞌnai.

Hechos 23:29

‘Cotio pënëntërinsoꞌ co natërinhuëꞌ,’ toconpi. Inaíchin shaꞌhuirapipi. Co mantaꞌ onporinhuëꞌ. Co chiminacasoꞌ yaꞌhuërinhuëꞌ. Coni tashinan pëiquë tërantaꞌ poꞌmocasoꞌ yaꞌhuërinhuëꞌ.

Hechos 25:18

Ina quëran cotioroꞌsari shaꞌhuirapipi. Panca tëhuëmara niꞌton, shaꞌhuirapiapi, topirahuëꞌ, co ina pochin shaꞌhuirapipihuëꞌ.

Hechos 25:7

Cotioroꞌsaꞌ Quirosarin quëran nani oꞌmapi niꞌton, Paono huëꞌpachina, ahuancanapirahuatonaꞌ, naꞌcon shaꞌhuirapiapi. Nisha nisha shaꞌhuirapipirinahuëꞌ, co niꞌninso chachin yaꞌhuërinhuëꞌ.

Hechos 26:3

Quëmasoꞌ cotioroꞌsaꞌ aꞌchininsoꞌ noyá nitotëran. Nisha nisha inachintopisoꞌ yaꞌipiya nitotëran. Ama noꞌhuitatonhuëꞌ, noya natanco.

Apocalipsis 1:18

Nanpiárahuë. Chiminaporahuëꞌ, nanpiantarahuë. Casoꞌ chini chiníquën nanantërahuë. Onporosona chiminacaisoꞌ cari shaꞌhuitarahuë. Ca nohuantohuato, nanpiapi. Ca nohuantohuato, chiminaponaꞌ. Co imarinacosopitahuëꞌ chiminpachinaꞌ, parisitopiquë aꞌpararahuë.