Hechos 25:11 - Chayahuita (Shahui)

¹¹ Tëpatonaꞌpi, copirno noꞌhuinaꞌpi, inapita tëpacasoꞌ yaꞌhuërin. Ina pochinco cantaꞌ naporini, tëpainacosoꞌ nohuanchitohuëꞌ. Nipirinhuëꞌ, nonpinapihuachinaco, co cotioroꞌsaquë yocancosoꞌ yaꞌhuërinhuëꞌ, tënahuë. Noma copirno chachin yanontarahuë. Ina nataincosoꞌ yaꞌhuërin, itërin Paonori.

Hechos 25:11 ပူးပေါင်းရင်းမြစ်များ

Copo naporinso' 31:21

Co onporo tëranta saꞌahuaroꞌsa noꞌhuito, maꞌsha onpotaꞌhuasoꞌ shaꞌhuitërahuë. ‘Coisëroꞌsa noya nicatonaco, co anaꞌintaponacohuëꞌ,’ tëcaporahuë tëranta Yosë tëꞌhuatato co inapotërahuëꞌ.

Hechos 16:37

Paonoso nipirinhuëꞌ sontaroꞌsaꞌ itërin: —Co poꞌoana quëran paꞌsaraihuëꞌ. Quiyasoꞌ Noma piyapicoi nipiraihuëꞌ, naraquë huiꞌtonpirinacoi. Co coisëquë shaꞌhuirapiponaracoihuëꞌ, cachiquë chachin napotërinacoi. Ina quëran tashinan pëiquë poꞌmorinacoi. Noma piyapicoi niꞌtoi, co topinan anaꞌintinacoisohuëꞌ nipirinhuëꞌ. ¿Iporasoꞌ poꞌoana quëran yaocoiantarinacoi ti? ¡Coꞌchi nohuantëraihuë paya! Shaꞌhuitëquëꞌ inahuara chachin huëꞌinaꞌ. Aꞌninquëchin ocoiꞌinacoi, itërin.

Hechos 18:14

Paonori yanontapirinhuëꞌ, huaꞌani itapon: —Canpita cotioroꞌsanquëmaꞌ co yanatananquëmahuëꞌ. Pasoꞌ quëmapi co noyahuëꞌ ninin naporini, nataꞌintohuëꞌ. Ihuatërin, ahuëtërin, inaporin naporini tëhuënchinsoꞌ, natanacasoꞌ yaꞌhuëꞌitonhuëꞌ.

Hechos 22:25

Inaquë quëparahuatonaꞌ, tonpopi huihuicaiso marëꞌ. Tonpopirinahuëꞌ, capitan inaquë huaniarin niꞌton, Paonori itapon: —Casoꞌ Noma piyapico nipirahuëꞌ, yahuihuiramaco. Co napotamacoso yaꞌhuërinhuëꞌ. Co coisë nitotopirinhuëꞌ, ¿yahuihuiramaco ti? itërin Paonori.

Hechos 25:10

—Co nohuantërahuëꞌ. Quëmasoꞌ Noma copirno acorinquën niꞌton, nontaranquën. Shaꞌhuirapirinacosoꞌ isëquë anoyatacasoꞌ yaꞌhuërin. Co mantaꞌ cotioroꞌsaꞌ onpotërahuësohuëꞌ, nitotëran.

Hechos 25:12

“Noma copirnosoꞌ chini chiníquën nanantërin niꞌton, co topinan aꞌparëhuëꞌ,” taꞌton, coisënënpita nontërin. Nani nontohuachina, Paono itantarin: —Noma copirno chachin yanontëran niꞌquëhuarëꞌ, ina yaꞌhuërinꞌpaꞌ aꞌpaaranquën, nontonquëꞌ, itërin.

Hechos 25:21

“Noma copirno chachin yanontarahuë. Ina nataincosoꞌ yaꞌhuërin,” tënin. Napoaton tashinan pëiquë poꞌmoantarahuë. Nanitohuato, Noma copirno nontacaso marëꞌ aꞌpaarahuë, tënin Pisto.

Hechos 25:25

Natanpirahuëꞌ, co mantaꞌ onporinhuëꞌ. Co tëpacasoꞌ yaꞌhuërinhuëꞌ, tënahuë. “Noma copirno chachin yanontarahuë,” itërincoso marëꞌ inaquë yaaꞌpapirahuëꞌ, co nanitërahuëꞌ topinan aꞌpacaꞌhuasoꞌ.

Hechos 26:32

Ina quëran Acripari Pisto nontaton itapon: Co Noma copirno chachin nontapon yapaꞌninhuëꞌ naporini, ocoicasoꞌ yaꞌhuëꞌitonhuëꞌ, itërin.

Hechos 28:19

Cotioroꞌsaso nipirinhuëꞌ co nohuantopihuëꞌ. Napoaton “Noma copirno chachin yanontërahuë,” itërahuë. Co yaocoirinacohuëꞌ niꞌton, isëquë huarëꞌ huëcaꞌhuasoꞌ yaꞌhuërin. Co cotioroꞌsaꞌ shaꞌhuirapicaꞌhuaso marëꞌ huëꞌnahuë. Co noꞌhuirahuëꞌ.

1 Tesalonicenses 2:15

Iráca cotioroꞌsari pënëntonaꞌpiroꞌsaꞌ noꞌhuitonaꞌ, tëpapi. Ina quëran Sinioro Quisocristo chachin oꞌmahuachina, inantaꞌ tëpaantapi. Quiyantaꞌ aparisitatonacoi, aꞌparinacoi. Napopiso marëꞌ Yosëri co noyahuëꞌ niꞌnin. Tëhuënchachin co yaꞌipi piyapiꞌsaꞌ nosoropihuëꞌ.