Hechos 24:5 - Chayahuita (Shahui)

⁵ Iso quëmapi Paono itopisoꞌ paꞌpi co noyahuëꞌ, tënai. Yaꞌipi parti paaton, piyapiꞌsaꞌ nisha nisha ayonquirin. Aꞌchinpachina, cotioroꞌsaꞌ ninoꞌhuipi. Yaꞌipi parti naporin. Nisha imarin. Nasarinoroꞌsaꞌ itopisoꞌ imaton, naꞌa piyapiꞌsaꞌ aꞌchintarin imacaiso marëꞌ.

Hechos 24:5 ပူးပေါင်းရင်းမြစ်များ

Jeremías 37:13

Mincamin yaꞌcoana itopiquë nipatora, Iriasë aꞌpaitoroꞌsa huaꞌan maninco. Inasoꞌ Sirimiasë huiꞌnin. Sirimiasënta paꞌpin Ananiasë itopi. Iriasëso masahuatonco: —¡Quëmasoꞌ papironiaroꞌsa catahuacaso marëꞌ paꞌsaran! itërinco.

Jeremías 38:4

Inapita huaꞌanoꞌsasoꞌ, copirno nontapona paꞌpi: —Irimiasësoꞌ, yaꞌipi sontaroꞌsa iso ninanoquë yaꞌhuëpiso pënënaton aꞌpayanin. Yaꞌhuëhuanoꞌsanta inapotërin. Inaso co yacatahuarinpoahuëꞌ. Canainënpoaso nohuantaton napoarin niꞌton, chiminacaso yaꞌhuërin, itoonpi.

Amós 7:10

Pitiriquë aꞌnara corto huaꞌan yaꞌhuërin. Inasoꞌ, Amasiasë itopi. Pënëntërahuësoꞌ natanahuaton, Quiropoamo copirno anitotacaso marëꞌ nanan aꞌpatërin: “Amosë yaocoiatënquën pinosárinquën. Naporinsoꞌ, yaꞌipi israiroꞌsacoi co noyahuëꞌ natanai. Naporin pënëntapon: ‘Inimicoroꞌsari israiroꞌsa ahuëhuachinaꞌ, Quiropoamosoꞌ ahuëtápaton, chiminapon. Inapoatona inimicoroꞌsasoꞌ, aꞌna noꞌpaꞌpaꞌ quiquiaponënpoaꞌ,’ tënin,” itopi.

Mateo 10:25

Napoaton noꞌhuihuachinënquëmaꞌ, co ina marëꞌ sëtacasoꞌ yaꞌhuërinhuëꞌ. Nani noꞌhuirinaco cantaꞌ. ‘Sopainquën,’ itërinaco niꞌton, canpitanta ina pochachin nontarinënquëmaꞌ,” itërin Quisosori.

Mateo 2:23

Inatohuaꞌ aꞌna ninanoꞌ yaꞌhuërin, Nasarito itopisoꞌ. Inaquë yaꞌhuërarin. Iráca pënëntonaꞌpiroꞌsaꞌ ninopi. “Cristo huëꞌpachin, Nasarito piyapi itaponaꞌ,” topi. Napoaton Yosë nohuanton, inaquë yaꞌhuaton, huiꞌnapitërin huachi.

Marcos 1:24

—¡Tananpitocoi! Quëmasoꞌ Quisosonquën, Nasaritoquë yaꞌhuëran. Nohuitërainquën. Yosë quëran oꞌmaton noya ninan. ¿Maꞌtaꞌ quëma onpotaponcoi? ¿Ataꞌhuantaponcoi ti? itërin.

Lucas 23:19

Parapasësoꞌ co noya quëmapihuëꞌ. Tëpatonaꞌpi inasoꞌ. Ninanoquë piyapiꞌsaꞌ shaꞌhuitërin niahuëcaisoꞌ niꞌton, tashinan pëiquë nani poꞌmopi.

Lucas 23:2

Inaquë shaꞌhuirapipi. —Iso quëmapi piyapiꞌsaꞌ nonpintarin. “Noma copirno coriqui yamaꞌpahuachinquëmaꞌ, ama quëtocosohuëꞌ,” tosahuaton: “Casoꞌ Cristoco. Yosë aꞌpaimarinco huaꞌanëntaꞌhuaso marëꞌ,” toconin, itopi.

Lucas 23:25

Parapasësoꞌ tëpatonaꞌpi nipirinhuëꞌ, tashinan pëi quëran ocoirin. Piyapiꞌsari huayonpi niꞌton, ocoirin. Quisososo nipirinhuëꞌ co ocoirinhuëꞌ. Tëpacaiso marëꞌ shaꞌhuitërin. Cotioroꞌsaꞌ nohuantopiso chachin ninin.

Lucas 23:5

aquë aquëtëꞌ noꞌhuitatonaꞌ, itaantapi: —Aꞌchintohuachina, piyapiꞌsaꞌ nisha nisha yonquipi. Naporahuaton, copirno yanoꞌhuipi. Yaꞌipi parti aꞌchinárin. Cariria parti quëran huëcaton, yaꞌipi Cotia parti paꞌtërin. Isëquëntaꞌ aꞌchinarin, itopi.

Hechos 15:5

Ina natanahuatonaꞌ, aꞌnaquën parisioroꞌsaꞌ Quisoso imaponaraihuëꞌ, co noyahuëꞌ natanpi. Napoaton huanirahuatonaꞌ, taponaꞌ: —Nisha piyapiꞌsaꞌ yaimapachinaꞌ, marca acotacasoꞌ yaꞌhuërin. Yaꞌipi Moisësë iráca pënëntërinsoꞌ imacaisoꞌ yaꞌhuërin. Inapita aꞌchintocoꞌ imainaꞌ, itopi.

Hechos 21:28

“¡Huëcoꞌ iyaroꞌsaꞌ catahuacoi! Iso quëmapi yaꞌipi parti paaton, nisha aꞌchinarin. ‘Cotioroꞌsasoꞌ co noꞌtëquën aꞌchinpihuëꞌ. Moisësë pënëntërinsoꞌ aꞌpocoꞌ,’ tënin. Naporahuaton, Yosë chinotopiso pëiꞌ co huachi noya niꞌninhuëꞌ. Niꞌcochi. Crico piyapiꞌsaꞌ isëquë chachin ichiyaꞌconin niꞌton, Yosë pëinën tapiarin. Co inapitasoꞌ yaꞌconacasohuëꞌ nipirinhuëꞌ,” toconpi.

Hechos 22:22

Piyapiꞌsaꞌ noya natanapirinahuëꞌ. “Nisha piyapiꞌsaꞌ aꞌchintarahuë,” topachina, noꞌhuitaantapi. “Tëpachinacoꞌ. ¡Paꞌpi co noya quëmapihuëꞌ! ¡Chiminchinaꞌin!” itopi.

Hechos 24:14

“Nisha imarin,” topi. Inaíchin noꞌtëquën nonpi. Tëhuënchachin Quisoso nanamën imarahuë. Nipirinhuëꞌ, Yosë noꞌtëquën chinotërahuë. Shimashonëhuëpita chinotopiso chachin chinotërahuë cantaꞌ. Yaꞌipi Yosë quiricanën natërahuë. Iráca pënëntërinsoꞌ, pënëntonaꞌpiroꞌsaꞌ ninshitopisoꞌ, inapita yonquirahuë.

Hechos 24:4

Apira piꞌpisha yanontaranquën, noya natanco. Co huaꞌquiꞌ nontaranquënhuëꞌ.

Hechos 25:7

Cotioroꞌsaꞌ Quirosarin quëran nani oꞌmapi niꞌton, Paono huëꞌpachina, ahuancanapirahuatonaꞌ, naꞌcon shaꞌhuirapiapi. Nisha nisha shaꞌhuirapipirinahuëꞌ, co niꞌninso chachin yaꞌhuërinhuëꞌ.

Hechos 26:5

Casoꞌ Parisioco. Quiyasoꞌ cotioroꞌsaꞌ imapisoꞌ, noꞌtë noꞌtëquën natërai. Yaꞌipi cotioroꞌsaꞌ nitotopi. Nohuantopi naporini, inachachin shaꞌhuichitënënquënhuëꞌ.

Hechos 28:22

Nipirinhuëꞌ, yanatanainquën. “Quisoso imapisopita co noyahuëꞌ,” topi natantërai. Yaꞌipi parti napopi. Napoaton shaꞌhuitocoi. ¿Maꞌtaꞌ quëma aꞌchinan?

Hechos 5:17

Napohuachina, corto huaꞌan chini chiníquën nanantërinsoꞌ noꞌhuitërin huachi. “Naꞌcon naꞌcon piyapiꞌsaꞌ Quisoso imasapi,” taꞌton, apiratërin. Satosioroꞌsantaꞌ noꞌhuitopi.

Hechos 6:13

Nani niyontonpachinara, naquëranchin shaꞌhuirapiantapi. Nonpinatonaꞌ, co noꞌtëquën shaꞌhuirapipihuëꞌ. —Yosë chinotopiso pëiꞌ noya nipirinhuëꞌ, nonapirarin. “Moisësë iráca pënëntërinsontaꞌ co natëcasoꞌ yaꞌhuërinhuëꞌ,” toconin.

1 Corintios 11:19

Co yaꞌipi cancanëma quëran imapatamahuëꞌ, nisha nisha yonquiaramaꞌ. Co napopináchin yonquiaramahuëꞌ. Ina quëran Yosë cancanën manëhuasopita nohuitërinënpoaꞌ. Co yaꞌipinpoaꞌ nisha nisha yonquirëhuahuëꞌ. Aꞌnapitaso nipirinhuëꞌ co noya yonquiatonahuëꞌ, co noꞌtëquën imapihuëꞌ.

1 Corintios 4:13

Pinopachinacoirantaꞌ, sanoanan quëran nontërai. “Nanan anoyachi,” taꞌtoi, noya nontërai. Noꞌhuitonacoi, iporahuantaꞌ co quëꞌyarinacoihuëꞌ. Amoro pochin niꞌninacoi.

1 Pedro 2:19

Topinan quëran anaꞌintohuachinquëmaꞌ, ama noꞌhuicosohuëꞌ. Yosë yonquiatomaꞌ, ahuantocoꞌ. Ina marëꞌ Yosë noya niꞌsarinquëmaꞌ.