Hechos 24:27 - Chayahuita (Shahui)

²⁷ Catoꞌ piꞌipi nanihuachina, nisha huaꞌan yaꞌcoantarin, Porsio Pisto itopisoꞌ. Huirisësoꞌ pipirin huachi. Pipiponahuëꞌ, co Paono ocoirinhuëꞌ. “Cotioroꞌsaꞌ noꞌhuihuachinaco,” taꞌton, co ocoirinhuëꞌ.

Hechos 24:27 ပူးပေါင်းရင်းမြစ်များ

Jeremías 38:13

Inapohuatora quëmapiꞌsasoꞌ, noninoꞌsa huëntëntahuatonaꞌ, ocoirinaco. Ina piquëran aꞌpaito sontaroꞌsa pëi iꞌiratënënquë, yaꞌhuëantarahuë.

Marcos 15:15

Ina natanahuaton, ama piyapiꞌsari noꞌhuicaiso marëhuëꞌ Parapasë ocoitërin. Quisososo nipirinhuëꞌ, chiníquën ahuihuitërin. Chiníquën huihuitonaꞌ, pëꞌsha pëꞌshatopi. Ina quëran shaꞌhuitërin corosëquë patanantacaiso marëꞌ.

Hechos 12:3

Tëpapi niꞌton, cotio huaꞌanoꞌsari paꞌyatopi. Ina natantahuaton, Pitrontaꞌ macacaiso marëꞌ camaitërin. Naporoꞌ cotioroꞌsaꞌ niyontonapi pan co ahuëpocatopisohuëꞌ capacaiso marëꞌ.

Hechos 23:35

—Shaꞌhuirapirinënsopita canquihuachinaꞌ, yaꞌipiya natanarahuë, itërin. Ina tosahuaton, sontaroꞌsaꞌ camairin Paono quëpacaiso marëꞌ. —Huaꞌan Irotisë pëinënquë quëparahuatomaꞌ, aꞌpaicoꞌ taꞌahuachin, itërin.

Hechos 25:1

Nasha huaꞌan canquirin huachi, Pisto itopisoꞌ. Sisariaquë huëcaton, cara tahuëri iꞌhuatërin. Ina quëran Quirosarinquë paꞌnin.

Hechos 25:14

Huaꞌquiꞌ inaquë yacapatarin niꞌton, Pistori itërin: —Tashinan pëiquë aꞌna quëmapi yaꞌhuëarin, Paono itopisoꞌ. Iráca Huirisëri poꞌmorinsoꞌ.

Hechos 25:4

Napotopirinahuëꞌ, co huaꞌan nohuantërinhuëꞌ. “Inca. Co yaquëntarahuëꞌ. Sisariaquë aꞌpairapi. Co huaꞌqui quëranhuëꞌ inaquë cantaꞌ paantarahuë,” tënin.

Hechos 25:9

Noya natanpirinhuëꞌ, huaꞌan co nohuantërinhuëꞌ cotioroꞌsari noꞌhuicaisoꞌ niꞌton, Paono itërin: —¿Nohuantëran Quirosarinquë paacasoꞌ? Inaquë shaꞌhuirapihuachinën, cari natanpato, shaꞌhuitaranquën, itërin.

Hechos 26:32

Ina quëran Acripari Pisto nontaton itapon: Co Noma copirno chachin nontapon yapaꞌninhuëꞌ naporini, ocoicasoꞌ yaꞌhuëꞌitonhuëꞌ, itërin.

Hechos 28:30

Ina quëran catoꞌ piꞌipi Paono inaquë yaꞌhuërin. Aꞌnantërinsoꞌ pëiquë yaꞌhuëhuachina, naꞌa piyapiꞌsari nicaponaꞌ huëꞌpi. Huëꞌpachinara, noya nontërin.

Gálatas 1:10

Co piyapiꞌsaꞌ noya nicainacoso marëꞌ aꞌchinahuëꞌ. Yosë noya nicaincoso marëꞌ aꞌchinahuë. Piyapiꞌsaꞌ paꞌyatinacoso marëꞌ naꞌcon naꞌcon yonquirahuë naporini, co Quisocristo natëitohuëꞌ.