Hechos 24:25 - Chayahuita (Shahui)

²⁵ Yosë shaꞌhuitërinpoaꞌ noya cancantacaso marëꞌ. Ina catahuarinpoaꞌ co noyahuëꞌ yonquirëhuasopita naniantacasoꞌ. Aꞌna tahuëri coisë pochin nicaton, yaꞌipi piyapiꞌsaꞌ natanarin. Co noyahuëꞌ nipisopita anaꞌintarin,” tënin Paono. Napotohuachina, huaꞌan paꞌpi paꞌyanin. —Nani huachi. Iporasoꞌ paquëꞌ. Aꞌna tahuëri yanontaantahuatënquën, amataantaranquën, itërin.

Hechos 24:25 ပူးပေါင်းရင်းမြစ်များ

2 Samuel 23:3

Israiroꞌsanpoa chinotërëhuasoꞌ, nontërinco. Yápaꞌpoyarinpoaso naporin: ‘Insosona copirno yaꞌconpachin, noyasáchin nicaton camaitapon. Ca tëꞌhuatatonco natëincoso yaꞌhuërin.

1 Reyes 21:27

Iniasëri napotërinsoꞌ natanahuaton, Acaposo paꞌpi sëtërin. Aꞌmorinso osharahuaton, saꞌcatën nininsoꞌ aꞌmorin. Naporahuaton co huachi coshatatonhuëꞌ, Yosë yonquirin. Huëꞌëpachinantaꞌ, inanpi aꞌmorinquëranchin huëꞌërin. Oshanën marëꞌ sëtërinsoꞌ nitotacaiso marëꞌ naporin.

Salmos 72:2

Quëma pochin cancantaton huaꞌanënchincoi. Quëma piyapinënpitacoi, noya camaiincoi. Saꞌahuaroꞌsantaꞌ, catahuain.

Isaías 1:18

Huëco paꞌahua nonatëhua anoyatahuaꞌ. Quëhuanën quëran aꞌshitërëso pochin naꞌcon oshahuanpiramahuëꞌ, inquitaranquëmaꞌ. Ina inquitatënquëmaꞌ, ocai, piꞌshiro, inapita huiritërinso pochin, anoyacancantaranquëmaꞌ.

Isaías 1:21

Naquëranchin Sinioro pënëninquëmasoꞌ natancoꞌ: “Iráca Quirosarinquë yaꞌhuëpisopita casáchin cancantërinaco. ¡Iporaso nipirinhuëꞌ, monshihuantë sanapi pochin cancantëramaꞌ! Iracasoꞌ, yaꞌipi inaquë yaꞌhuëpisopita noyasáchin nipi. Noꞌtëquënáchin yonquipi. Inapopirinahuëꞌ, iporasoꞌ, tëpatoroꞌsaráchin pochin yaꞌhuëramaꞌ.

Isaías 32:11

Co manta yonquiatoma yaꞌhuëápiramahuëꞌ, paꞌyanatoma ropatoco huachi. Noyasha nitaparamasoꞌ paꞌcoirahuatomaꞌ, sëtatoma aꞌmoramasoꞌ, aꞌmocoꞌ.

Isaías 41:21

Israiroꞌsa copirnonënasoꞌ, Sinioro chachin. Inari mamanshiroꞌsa përaton: “Mamanshiroꞌsanquëmaꞌ, piyapinëhuëpitaroꞌco nihuëntonahuëquë, huëco canpitanta noncoꞌ. Natëaꞌhuainquëmaso marëꞌ canpitanta chiniatoma noncoꞌ.

Isaías 55:6

Siniorosoꞌ, co áquë patërinpoahuëꞌ. Yonipatëhua quënanarihuaꞌ. Nontohuatëhuaꞌ, natanarinpoaꞌ.

Isaías 61:8

Ina quëran Sinioro taantarin: “Noꞌtëquënáchin nipisopita nosororahuë. Ihuatopisoꞌ, aꞌnaratipita nicatona tëpatopisoꞌ, inapitaso co quëꞌyarahuëꞌ. Ina pochinco niꞌto piyapinëhuëpitasoꞌ, noꞌtëquënáchin acanapo. Inapitarëꞌco anoyatohuato, anoyatërahuëso yaꞌhuëmiatapon.

Isaías 66:2

Ca chachin yaꞌipi maꞌsha ninahuë. ¡Acohuatora, caniaritopi yaꞌhuëcaisoꞌ!” tënin. Ina quëran taantarin: “Napoaporahuëꞌ, caso Sinioroco shaꞌhuitaranquëmaꞌ. Insosona catahuacaꞌhuaso nohuantohuachin, nanamëhuë tëꞌhuataton natëpon. Oshahuaninso marëꞌ co napion cancantapon. Naporahuaton: ‘Caora co nanitërahuë noya nicaꞌhuasoꞌ,’ tëcapon. Naporinsopitaráchin, noya nicato catahuaarahuë,” tënin.

Jeremías 36:16

Huaꞌanoꞌsaso natanahuatonaꞌ, paꞌyanpi. Paꞌyanënaquë itohuara capini niniꞌsapi quëran: —Namasoꞌ, copirnonta nitotacaso yaꞌhuërin, topi.

Daniel 4:27

Napoaton carinquën pënëinquën: Noꞌtëquënáchin nicaton, ama huachi aquëtë oshahuaantaquësohuëꞌ. Co noyahuëꞌ ninansopitanta aꞌporahuaton, popriyatopisopita catahuacaso cancantëquëꞌ. Tapona inaporanso marëꞌ noya yayaꞌhuërápiranhuëꞌ,” itërinco.

Daniel 5:30

Napoaponahuëꞌ, naporo tashi chachin Pirisasaro copirno tëpapi.

Amós 5:24

Pancaiꞌ paꞌirinso pochin noya ninicatomaꞌ, noꞌtëquënáchin niyonquirapico tëhuënchinsoꞌ. Huinan co yanirinsohuë pochin noya piyapi nicoꞌ,” tënin.

Amós 6:12

¡Cahuarioroꞌsasoꞌ, co nanitopihuëꞌ natëtëroꞌsa paꞌtontacaisoꞌ! ¡Noꞌpaꞌ ohuërëpiquë ohuacaroꞌsasoꞌ, co marë ohuërëaponahuëꞌ! “Coisëroꞌsa catahuainacoi,” taꞌtona aꞌnaquënso huëcapaipirinënquëmahuëꞌ, canpitarisoꞌ noniatë pochin nitatomaꞌ, tëpatë pochin nitëramaꞌ. Inapoatomaꞌ, co inapocasohuëꞌ nininso ninamaꞌ. Catahuamaso marëꞌ ninarinëmasopita co catahuatomahuëꞌ, naꞌcon naꞌcon anoꞌhuitëramaꞌ.

Habacuc 3:16

Inapita natanato paꞌyanëhuëquë shaꞌpianantërahuë. Paꞌhuëhuëntaꞌ, yamo yamóshin ninatanahuë. Yaꞌipi nonëhuëntaꞌ, co chinirinhuëꞌ ninatanahuë. Inapopirahuë mini: “Ipora ahuërarinacosopita sontaroꞌsasoꞌ, Siniorori iꞌhuërëtaton aꞌpayanarin. Tahuërinën nanihuachin, napotarin,” taꞌto sano cancantërahuë.

Mateo 22:5

Paꞌsahuatonaꞌ, shaꞌhuitaantapirinahuëꞌ. ‘Coꞌchi nanitëraihuë paya,’ toconpi aꞌnaya aꞌnaya. Aꞌnasoꞌ iminquë paꞌnin. Aꞌnantaꞌ maꞌsha paꞌanapon paꞌnin.

Juan 16:8

Ispirito Santo isoroꞌpaquë oꞌmahuachin, oshahuanoꞌsaꞌ paꞌpi co noyahuë nipisoꞌ, Yosë noya coisë pochin nininsoꞌ, noꞌtëquën anaꞌintacaso yaꞌhuërinsoꞌ, inapita ayonquiarin: ‘Co Quisoso natëramahuëꞌ niꞌton, paꞌpi oshahuanamaꞌ. Inasoꞌ noꞌtëquënáchin Yosë natëton co tëhuërinhuë niꞌton, chiminpachina Tata Yosë yaꞌhuërinquë pantarin. Napoaton co huachi quënanaramahuëꞌ. Sopai huaꞌani huaꞌquiꞌ piyapiꞌsaꞌ huaꞌanëntopirinhuëꞌ, Yosëri minsërahuaton, anaꞌintarin,’ itarin piyapiꞌsaꞌ, ayonquiaton.

Hechos 10:42

Naporoꞌ shaꞌhuitërincoi paatoi pënëntaꞌhuaiso marëꞌ. “Paatomaꞌ, ca nanamëhuë shaꞌhuicoꞌ imatonaco noya cancanchinaꞌ. Yosë chachin acorinco niꞌton, aꞌna tahuëri coisë pochin nisarahuë. Nanpipisopita, chiminpisopitantaꞌ, yaꞌipiya co noyahuëꞌ nipachinaꞌ, anaꞌintarahuë. Inantaꞌ shaꞌhuitocoꞌ nitochinaꞌ,” itërincoi niꞌton, shaꞌhuirárai.

Hechos 17:13

Napopisoꞌ, Tisaronicaquë nahuinin. Cotioroꞌsasoꞌ natantahuatonaꞌ, “Piriaquëntaꞌ Paono Yosë nanamën aꞌchinarin,” taꞌtonaꞌ, inatohuaꞌ paꞌpi. Canconahuatonaꞌ, Paono shaꞌhuirapitonaꞌ, piyapiꞌsaꞌ anoꞌhuitopi.

Hechos 17:2

Inachintërin nichinapon chachin cara chinoto tahuëri inaquë Paono Yosë quiricanën aꞌchinin.

Hechos 17:32

“Ananpitaantarin,” tëninso marëꞌ, “Tëhuënchachin taꞌmaꞌ ananpitëca,” taꞌtonaꞌ, tëhuapi aꞌnaquën. Aꞌnaquënso nipirinhuëꞌ co tëhuapihuëꞌ. —Aꞌna tahuëri aꞌchintaantacoi, itopi.

Hechos 2:37

Piyapiꞌsaꞌ natanahuatonaꞌ, naꞌcon sëtopi. —Co noyahuëꞌ ninai. ¿Maꞌtaꞌ iyaroꞌsaꞌ, onpoꞌiisoꞌ? itopi caꞌtanoꞌsaꞌ.

Hechos 24:15

“Yosë noꞌtëquën nontërinpoaꞌ,” taꞌto natërahuë. “Aꞌna tahuëri yaꞌipi piyapiꞌsaꞌ ananpitaantarahuë. Noya piyapiꞌsaꞌ, co noya piyapiꞌsahuëꞌ, yaꞌipi ananpitaantarahuë,” tënin Yosë. Ina tahuëri casoꞌ ninarahuë. Isopitantaꞌ ina ninarapi.

Hechos 24:26

“Paono pahuërëaponco pipicaso marëꞌ nimara,” taꞌton, huaꞌqui quëran huaꞌqui quëran amataantarin nontacaso marëꞌ. Naꞌaroꞌ Paono nontopirinhuëꞌ.

Hechos 26:28

—Piꞌpian nontopirancohuëꞌ aꞌnaromarëáchin quëma pochin cantaꞌ Cristo imaꞌi, ¿topiranhuëꞌ ti? itërin Acripari.

Hechos 9:6

Iporasoꞌ huanirahuaton, ninanoquë paquëꞌ. Inaquë shaꞌhuitarinënquën maꞌsona nicamasoꞌ,” itërin.

Romanos 12:1

Yosë naꞌcon nosororinpoaꞌ niꞌton, yaꞌipi cancanëma quëran, iyaroꞌsaꞌ, ina imacoꞌ. Iráca Yosë chinotohuachinara, maꞌsha tëpapi. Canpitaso nipirinhuëꞌ Yosë marëꞌ nanpitomaꞌ, nohuantërinsoráchin nicoꞌ. Ina yonquiatomaꞌ, nani tahuëri noyasáchin nicoꞌ. Ina Yosë nohuantërin. Inapohuatamaꞌ, Yosë noya chinotaramaꞌ.

Romanos 14:12

Ayaroꞌ tahuëri nanihuachin, yaꞌipinpoaꞌ Yosë natanarinpoaꞌ. Maꞌmarësona maꞌsha ninëhuasoꞌ natanarinpoaꞌ. Aꞌnaya aꞌnayanpoaꞌ noꞌtëquën shaꞌhuitacasoꞌ yaꞌhuapon.

Romanos 2:16

Ayaroꞌ tahuëri yaꞌipi co noyahuëꞌ yonquirëhuasopita aipitarinpoaꞌ. Poꞌoana quëran maꞌsona tërantaꞌ onporëhuasopita aꞌninquëchin anitotarinpoaꞌ. Naporoꞌ tahuëri Tata Yosë nohuanton, Quisocristo noꞌtëquën shaꞌhuitarinpoaꞌ. Co noyahuëꞌ nipatëhuaꞌ, anaꞌintarinpoaꞌ. Ina nanan yaꞌipi parti shaꞌhuirarahuë.

1 Corintios 4:5

Napoaton iporasoꞌ ama nishaꞌhuirapiahuasohuëꞌ. Aꞌna tahuëri Sinioro oꞌmantahuachin, yaꞌipi piyapinpoaꞌ tëniarinpoaꞌ. Yaꞌipi ninëhuasopita anitotarinpoaꞌ. Poꞌoana quëran ninëhuasopitantaꞌ aꞌninquëchin shaꞌhuitarinpoaꞌ. Yonquirëhuasopitantaꞌ nitotërin. Maꞌmarësona tërantaꞌ naporëhuasoꞌ anitotarinpoaꞌ. Naporoꞌ yaꞌipinpoaꞌ noꞌtëquën nontarinpoaꞌ. Noya nipatëhuaꞌ, noya niꞌsarinpoaꞌ.

2 Corintios 5:10

Aꞌna tahuëri Quisocristo oꞌmantahuachin, yaꞌipinpoaꞌ coisë pochin shaꞌhuitarinpoaꞌ. Yaꞌipi ninëhuasopita yonquiaton, aꞌnaya aꞌnayanpoaꞌ noꞌtëquën nontarinpoaꞌ. Co noya nipatëhuahuëꞌ, co Yosëꞌpaꞌ acanaarinpoahuëꞌ. Noya nipatëhuaꞌ, acanaarinpoa huachi.

2 Corintios 6:2

Iráca quiricanën quëran Yosë naporin: “Ipora chachin yacatahuaranquëmaꞌ. Nontohuatamaco, natanaranquëmaꞌ. Yanichaꞌëranquëmaꞌ niꞌton, catahuaranquëmaꞌ chaꞌëcamaso marëꞌ,” tënin. Ipora tahuëri chachin yacatahuarinpoaꞌ. Nontohuatëhuaꞌ, anoyacancantarinpoaꞌ, tënahuë.

Gálatas 3:22

Nipirinhuëꞌ, co insontaꞌ nanitërinhuëꞌ noꞌtëquën natëcasoꞌ. Yaꞌipinpoaꞌ oshahuanëhuaꞌ. Ina marëꞌ anaꞌintinpoasoꞌ yaꞌhuërin, tënin Yosë quiricanën quëran. Napoaton Quisocristoráchin nanitaparin anoyacancantinpoasoꞌ. Inasáchin imapatëhuaꞌ, Yosë noya niꞌsarinpoaꞌ.

Gálatas 5:23

Ispirito Santo natëhuatëhuaꞌ: “Casoꞌ noya noyaco,” co tëcarihuahuëꞌ. Sano piyapi nicarihuaꞌ. Co noyahuëꞌ nicacasoꞌ yonquipirëhuahuëꞌ, ina catahuarinpoaꞌ naniantacasoꞌ. Inapohuatëhuaꞌ, Yosë noya niꞌsarinpoaꞌ. Co pënëinënpoasoꞌ yaꞌhuaponhuëꞌ.

2 Timoteo 4:1

Yosë niꞌsárinpoa niꞌton, pënënaranquën. Quisocristontaꞌ niꞌsárinpoa niꞌton, “nanamën aꞌchináquëꞌ,” tënahuë. Aꞌna tahuëri inasoꞌ oꞌmantararin isoroꞌpaꞌ huaꞌanëntacaso marëꞌ. Naporoꞌ chiminpisopita, nanpirëhuasopita, yaꞌipinpoaꞌ coisë pochin noꞌtëquën shaꞌhuitarinpoaꞌ. Oshahuanoꞌsaꞌ anaꞌintarin. Natërëhuasopitasoꞌ noya acoarinpoaꞌ. Napoaton Yosë marëꞌ noya sacatëquëꞌ.

Tito 1:8

Niꞌtoroꞌsaꞌ huëꞌpachinaꞌ, noya nonchinaꞌ, oꞌshichinaꞌ. Pahuantërinsopita nosoroꞌinaꞌ. Noyasáchin niꞌtonaꞌ, aꞌnapita catahuainaꞌ. Sano yonquiꞌinaꞌ. Yosë natëtonaꞌ, ina pochin cancanchinaꞌ. Piꞌpisha tërantaꞌ co noyahuëꞌ yonquihuachinaꞌ, aꞌnaroáchin nanianchinaꞌ. Ina pochin cancantohuachinaꞌ, noya ansiano yaꞌconacasoꞌ, tënahuë.

Hebreos 12:21

Niꞌsahuaton, Moisësëntaꞌ paꞌpi tëꞌhuatërin. “Cantaꞌ tëꞌhuatato, ropa ropátarahuë,” tënin.

Hebreos 3:13

Napoaton nani tahuëri nipënëncoꞌ. Ipora chachin coꞌhuara ayaroꞌ tahuëri naniyatërasohuëꞌ, nicatahuacoꞌ ama oshahuanacaso marëhuëꞌ. Niꞌcona oshanëmaꞌ anoꞌquihuachinquëmaꞌ. Inapotohuachinquëmaꞌ, oshaquëran Yosë naniantaramaꞌ niꞌton, co natëtochináchinhuëꞌ cancantaramaꞌ.

Hebreos 4:1

Yosë nani shaꞌhuitërinpoaꞌ. “Ipora huantaꞌ yacatahuaranquëmaꞌ sano cancantacamaso marëꞌ,” itërinpoaꞌ. Noya nanan nani natanëhuaꞌ. Iráca natanpirinahuëꞌ, co natëpihuëꞌ. “Yosë noꞌtëquën nontërinpoaꞌ,” co topihuëꞌ. Topinan quëran natanpi niꞌton, co Yosëri anoyacancantërinhuëꞌ. Niꞌcona canpitantaꞌ topinan quëran natantamaꞌ. Co natëhuatamahuëꞌ, co sano cancantaramahuëꞌ.

Hebreos 6:2

Ina quëran aporihuanacasontaꞌ aꞌchintërainquëmaꞌ. Naporahuaton, “Nani imapachinaꞌ, sëꞌhuamotorahuatomaꞌ, Yosë nontocoꞌ inari catahuacaso marëꞌ,” itërainquëmaꞌ. Ina quëran Yosë ananpitaantainpoaso yaꞌhuërinsontaꞌ aꞌchintërainquëmaꞌ. “Ayaroꞌ tahuëri yaꞌipinpoaꞌ noꞌtëquën shaꞌhuitarinpoaꞌ. Co noyahuëꞌ nipisopita anaꞌintomiatarin,” itërainquëmaꞌ. Yaꞌnan imapomaꞌ, inapitaꞌton anitotërainquëmaꞌ. Inasoꞌ noya nipirinhuëꞌ, co inaíchin yonquicasoꞌ yaꞌhuërinhuëꞌ.

Hebreos 9:27

Yosë nohuanton, yaꞌipi piyapinpoaꞌ aꞌnaroíchin chiminëhuaꞌ. Ina quëran Yosë chachin coisë pochin nicaton, maꞌsona onpotiinpoasoꞌ noꞌtëquën shaꞌhuipon.

Santiago 2:19

“Aꞌnaíchin Yosë yaꞌhuërin,” ¿tënan ti? Noꞌtëquën nonan. “Yosë yaꞌhuarin mini,” topi sopairoꞌsantaꞌ. Ina nitotopi niꞌton, tëꞌhuatatonaꞌ, ropa ropatapi. Napoaponaraihuëꞌ, co Yosë imapihuëꞌ. Co napopiso marëꞌ Yosëꞌpaꞌ paꞌsapihuëꞌ.

1 Pedro 3:15

Yaꞌipi cancanëma quëran Quisocristo yonquicoꞌ. Inasoꞌ huaꞌanëntërinpoaꞌ niꞌton, chinotocoꞌ. Nani tahuëriya chiníquën cancantatomaꞌ, yonquicoꞌ Quisocristo nanamën shaꞌhuicamaso marëꞌ. Ina quëran “¿Onpoatomataꞌ imaramaꞌ?” itohuachinënquëmaꞌ, aꞌnaroáchin noꞌtëquën shaꞌhuitaramaꞌ.

2 Pedro 1:6

Ina nitotatomaꞌ, co noyahuëꞌ yonquihuatamaꞌ, aꞌnaroáchin naniantocoꞌ. Naporahuatomaꞌ, maꞌsha onpoapomarahuëꞌ, chiníquën cancantocoꞌ. Chiníquën cancantohuatamaꞌ, yaꞌipi cancanëma quëran ina chinotocoꞌ.

1 Juan 3:10

Co sacaihuëꞌ Yosë huiꞌninpita nohuitacasoꞌ. Noyasáchin nipatëhuaꞌ, Yosë huiꞌninpita pochin nisarëhuaꞌ. Nipirinhuëꞌ, co noyahuëꞌ nipachinaꞌ, co Yosë huëntonënquë yaꞌconpihuëꞌ. Co imapisopita nosorohuachinahuëꞌ, co Yosë huiꞌninpita pochin nisapihuëꞌ. Sopai huiꞌninpita pochin nisapi. Co noyahuëꞌ cancantopi quëran sopai huiꞌninpita nohuitarëhuaꞌ.

1 Juan 3:7

Niꞌcona, apiaꞌhuaroꞌsaꞌ, nisha aꞌchinaꞌpiroꞌsaꞌ nonpintochinënquëmaꞌ. Noya nipatëhuaꞌ, noya cancantarëhuaꞌ. Quisocristo noya niꞌton, ina pochin cancantacasoꞌ yaꞌhuërin.

1 Samuel 12:7

Iporasoꞌ noya natanco: Sinioronta niꞌsárinco niꞌton, noꞌtëquën ayonquiꞌinquëmaꞌ: “Ina catahuaarinpoaꞌ,” taꞌtomaꞌ, co copirno natanamaso nipirinhuëꞌ. Ina natantatomaꞌ, oshahuanamaꞌ. Paꞌa carinquëma Sinioro nosoroatonpoa catahuarinpoasoꞌ, ayonquiꞌinquëmaꞌ. Shimashonënpoapitanta catahuarinsoꞌ ayonquiꞌinquëmaꞌ.