Hechos 23:9 - Chayahuita (Shahui)

⁹ Napoaton ninontatonaꞌ, noncaroapi. Parisio maistroꞌsaꞌ huanirahuatonaꞌ, chiníquën nonpi. —Iso quëmapisoꞌ noya, tënai. Co mantaꞌ onporinhuëꞌ. Anquëni noninsoꞌ natamara. Huaꞌyani aꞌna nontomara, tënin aꞌnaquën. Napohuachinara, satosioroꞌsaꞌ noꞌhuitopi.

Hechos 23:9 ပူးပေါင်းရင်းမြစ်များ

Jeremías 26:16

Napohuatora, huaꞌanoꞌsaꞌ, yaꞌhuëhuanoꞌsaꞌ, inapitari corto huaꞌanoꞌsaꞌ, pënëntonaꞌpiroꞌsaꞌ, inapita nontatona itaponaꞌ: “Iso quëmapi co manta onpotacaso yaꞌhuërinhuëꞌ. Siniorosoꞌ Yosë niꞌton, pënënainpoaso marëꞌ aꞌparin,” itopi.

Marcos 2:16

Aꞌnaquëontaꞌ cotio maistroꞌsaꞌ, parisioroꞌsaꞌ, inapitari niꞌsahuatonaꞌ, caꞌtanoꞌsanënpita natanpi: —¿Onpoatontaꞌ maistronëmaꞌ oshahuanoꞌsapitarëꞌ coshatarin? Copirno marëꞌ coriqui maꞌpatonaꞌpiroꞌsantaꞌ co noyahuëꞌ nipirinahuëꞌ, inapitarëꞌ coshatarin, itopi.

Lucas 23:22

—¿Maꞌmarëtaꞌ atëpachi? Nani natanpirahuëꞌ. Co mantaꞌ onporinhuëꞌ. Co tëpacasoꞌ yaꞌhuërinhuëꞌ, tënahuë. Topinan ahuihuitahuato, ocoiꞌi, tënin. Nani cararoꞌ inachachin itaantarin.

Lucas 23:4

Nonapipisoꞌ natanahuaton, yaꞌipi cotio ansianoꞌsaꞌ, corto huaꞌanoꞌsaꞌ inapita itapon: —Iso quëmapisoꞌ noya, tënahuë. Co mantaꞌ onporinhuëꞌ. Co anaꞌintacasoꞌ yaꞌhuërinhuëꞌ, itopirinhuëꞌ,

Lucas 5:30

Caꞌtanoꞌsaꞌ inaquë niꞌsahuatonaꞌ, cotio maistroꞌsaꞌ, parisioroꞌsaꞌ, inapitari noꞌhuipi. Noꞌhuitonaꞌ itaponaꞌ: —¿Onpoatomataꞌ oshahuanoꞌsarëꞌquëmaꞌ coshataramaꞌ, oꞌopataramaꞌ, naporamaꞌ? Coriqui maꞌpatonaꞌpiroꞌsantaꞌ co noyahuëꞌ nipirinahuëꞌ, inapitarëꞌquëmaꞌ coshataramaꞌ, itopi.

Juan 12:29

Piyapiꞌsaꞌ natanahuatonaꞌ, ninontopi. “Huirátarin,” topi aꞌnaquën. —Co huirahuëꞌ. Anquëniri nontërin nimara, topi aꞌnaquëontaꞌ.

Hechos 11:17

Sinioro Quisocristo imapatëhuaꞌ, Yosë nohuanton, Ispirito Santo yaꞌcoancantërinpoaꞌ. Inapitasoꞌ nisha piyapiꞌsaꞌ niponaraihuëꞌ, imapachinara, inapochachin Ispirito Santori yaꞌcoancantërin. Yosëri noya niꞌpachina, inapochachin cantaꞌ noya niꞌi, tënahuë. ¡Co casoꞌ nanitërahuëꞌ nisha yonquiaꞌhuasoꞌ! itërin Pitrori.

Hechos 22:6

Paꞌsápatoi Tamascoquë yaꞌcaritërarai. Camotëchin nisahuasoꞌ, aꞌnaroáchin inápa quëran huënaráchin huënaráchin aꞌpintërinco.

Hechos 22:7

Noꞌpaquë anotahuato, inápa quëran nontërincosoꞌ natanahuë. ‘Saono, Saono, ¿onpoatontaꞌ aparisitaranco?’ itërinco.

Hechos 23:29

‘Cotio pënëntërinsoꞌ co natërinhuëꞌ,’ toconpi. Inaíchin shaꞌhuirapipi. Co mantaꞌ onporinhuëꞌ. Co chiminacasoꞌ yaꞌhuërinhuëꞌ. Coni tashinan pëiquë tërantaꞌ poꞌmocasoꞌ yaꞌhuërinhuëꞌ.

Hechos 23:8

Satosioroꞌsasoꞌ co natëtonaꞌpiroꞌsahuëꞌ. “Co Yosë ananpitaantarinpoahuëꞌ. Co huaꞌyanënpoaꞌ yaꞌhuëtërinpoahuëꞌ. Co anquëniroꞌsa tërantaꞌ yaꞌhuëpihuëꞌ,” toconpi. Parisioroꞌsaso nipirinhuëꞌ natëpi. “Huaꞌyanënpoaꞌ yaꞌhuëtërinpoaꞌ niꞌton, Yosë ananpitaantarinpoaꞌ. Anquëniroꞌsantaꞌ yaꞌhuërin,” topi.

Hechos 25:25

Natanpirahuëꞌ, co mantaꞌ onporinhuëꞌ. Co tëpacasoꞌ yaꞌhuërinhuëꞌ, tënahuë. “Noma copirno chachin yanontarahuë,” itërincoso marëꞌ inaquë yaaꞌpapirahuëꞌ, co nanitërahuëꞌ topinan aꞌpacaꞌhuasoꞌ.

Hechos 26:31

Pipirahuatonaꞌ, inahuara capini ninontopi. —Iso quëmapi co mantaꞌ onporinhuëꞌ. Co tëpacasoꞌ yaꞌhuërinhuëꞌ. Co tashinan pëiquë tërantaꞌ poꞌmocasoꞌ yaꞌhuërinhuëꞌ, nitopi.

Hechos 27:23

Casoꞌ Yosë natërahuë. Inasáchin imarahuë. Ina nohuanton, achin tashiꞌ anquëninën yaꞌnotimarinco.

Hechos 5:39

Nipirinhuëꞌ, Yosëri catahuahuachin, co canpitari acopitaramahuëꞌ. Niꞌcona Yosë chachin inimicototamaꞌ, itërin. Itohuachina, huaꞌanoꞌsari natëtonaꞌ, co tëpapihuëꞌ.

Hechos 9:4

Noꞌpaquë anotahuaton, inápa quëran nontërinsoꞌ natanin. “Saono, Saono, ¿onpoatontaꞌ aparisitaranco?” itërin.

1 Corintios 10:22

Sopairoꞌsaꞌ yonquihuatamaꞌ, Yosë aꞌpitatënquëmaꞌ, noꞌhuiarinquëmaꞌ. ¿Ina nohuantëramaꞌ ti? ¡Inasoꞌ chini chiníquën nanantërin! Canpoasoꞌ co ina pochin chiníquën nanantërëhuahuëꞌ.

1 Samuel 12:5

—Co maquë tëranta tëhuëtëranquëmasoꞌ nani shaꞌhuiramaꞌ. Siniorosoꞌ nani nataninquëmaꞌ. Copirno acorinsonta nani nataninquëmaꞌ, taantarin Samoiro. —Naporin mini, taantapi israiroꞌsaꞌ.

1 Samuel 24:17

Ina quëran itapon: —Quëma noꞌtë noꞌtëquënsoꞌ yonquiran. Carinquënso naꞌcon aparisitopiranquënhuëꞌ, quëmaso nosororanco.