Hechos 23:3 - Chayahuita (Shahui)

³ —Quëmasoꞌ nonpintënquën. ¡Yosë ahuëarinquën quëmantaꞌ! “Moisësë pënëntërinsoꞌ natëto, anaꞌintarahuë,” taponahuëꞌ, ¿onpoatontaꞌ shaꞌhuitëran ahuëincosoꞌ? Moisësë chachin pënëninpoaꞌ ama topinan quëran piyapi ahuëcaso marëhuëꞌ, itërin.

Hechos 23:3 ပူးပေါင်းရင်းမြစ်များ

1 Reyes 22:24

Naporoꞌ Sitiquiasëri, Miquiasë panpirayarin. Napotahuaton: —“Sinioro ispiritonëni Sitiquiasë anitotacaso tananpitërin. ¡Ina tananpitaton, ca yaꞌhuërë anitotërinco huachi,” topatan, ninonpintaran! itërin.

Eclesiastés 3:16

Isoroꞌpaquë nanpipo pochin, nisha nisha co noyahuëꞌ nipisoꞌ niꞌnahuë. Aꞌnaquën co noyahuëꞌ nipi niꞌton, coisëroꞌsari noꞌtëquën anaꞌintacaiso nipirinhuëꞌ, co anaꞌintopihuëꞌ.

Levítico 19:15

Huaꞌanquëma nipatamaꞌ, noꞌtëquënáchin anaꞌintocoꞌ. Saꞌhuaroꞌsa nisapirinhuëꞌ co noyahuëꞌ nipachinaꞌ, noꞌtëquën anaꞌintocoꞌ. Maꞌhuanoꞌsanta co noyahuëꞌ nipachinaꞌ, noꞌtëquën anaꞌintocoꞌ.

Levítico 19:35

Ama ihuatamaso marëꞌ aꞌnitiinanoꞌsaꞌ, pëꞌtënanoꞌsaꞌ, inapita tapicosohuëꞌ: Naporopitërinso aꞌnicasoꞌ, quëquëninsoꞌ pëꞌtënacasoꞌ, noꞌhuiquën aꞌnicasoꞌ, inapita ama tapicosohuëꞌ.

Amós 5:7

Aꞌnaquën noya nisapirinahuëꞌ, co noyahuëꞌ nisapiso pochin maꞌsha onpotëramaꞌ. Inapoatoma noya nicacasoꞌ, nocanatë pochin nitëramaꞌ. Ina marëꞌ canpitasoꞌ, ¡maꞌhuantacha nisarama paya!

Juan 18:24

Ina natanahuaton, huaꞌani aꞌparin Caihuasë nontacaso marëꞌ. Tonpopinan quëpapi.

Juan 7:51

—Moisësë pënëntërinsoꞌ natërëhuaꞌ. Nani pënëninpoaꞌ. “Ama topinan quëran anaꞌintocosohuëꞌ. Noꞌtëquën nitotaquë huarëꞌ anaꞌintacasoꞌ yaꞌhuërin,” tënin. Napoaton canpoantaꞌ Quisoso aꞌchininsoꞌ natahuanꞌ. Naporinsontaꞌ nitotahuaꞌ. Co topinan quëran anaꞌintacasoꞌ yaꞌhuërinhuëꞌ, tënahuë, itërin.

Hechos 23:4

—Corto huaꞌan chini chiníquën nanantërinso nipirinhuëꞌ, ¿noꞌhuiton, nonapiran ti? itopi.