Hechos 23:18 - Chayahuita (Shahui)

¹⁸ Napohuachina, huaꞌanënquë quëparahuaton, itonin: —Sontaroꞌsaꞌ yaꞌhuëpiquë Paono amatërinco. “Iso huiꞌnapi huaꞌanënquë quëpaquëꞌ nanan shaꞌhuichin,” itërinco niꞌton, quënahuë, itërin.

Hechos 23:18 ပူးပေါင်းရင်းမြစ်များ

Lucas 7:40

Yonquirinsoꞌ nitotaton, Quisosori itërin: —Iya Simon, piꞌpian yashaꞌhuitëranquën, itërin. —Inta Maistro shaꞌhuitoco, itërin inarinta.

Juan 18:12

Ina quëran sontaroꞌsaꞌ, capitan, cotio ponisiaroꞌsaꞌ, inapita huëꞌsahuatonaꞌ, Quisoso mapi. Masahuatonaꞌ, tanpaquën noyá tonporahuatonaꞌ,

Hechos 16:25

Yono tashiꞌ nisahuasoꞌ, parisitaponaraihuëꞌ, co sëtopihuëꞌ. Cato chachin Yosë nontápi. Yosë chinotatonaꞌ, cantarapi. Apiroꞌsaꞌ natantapi.

Hechos 23:17

Shaꞌhuitohuachina, aꞌna capitan amatërin. —Iso huiꞌnapi huaꞌanënquë quëpaquëꞌ nanan shaꞌhuichin, itërin.

Hechos 23:19

Capitan huaꞌani matanparahuaton, amashamiachin quëparin ama piyapiꞌsari natanacaiso marëhuëꞌ. —¿Maꞌtaꞌ yashaꞌhuitërancosoꞌ? itërin.

Hechos 27:1

Ina quëran Pisto yaaꞌparincoi. Aꞌnapita apiroꞌsantaꞌ yaaꞌparin. Noma copirno Itaria parti yaꞌhuërin niꞌton, Noma sontaroꞌsaꞌ capitan Orio itopisoꞌ nontërin inatohuaꞌ quëpacaiso marëꞌ. “Paono, apiroꞌsaꞌ, inapita quëpacoꞌ,” itohuachina, “Noyahuaꞌ. Quëpaꞌi nipachin,” tënin.

Hechos 28:17

Cara tahuëri quëran cotio huaꞌanoꞌsaꞌ amatërin. Inaquë huëꞌpachinara, Paonori itërin: —Nani iyaroꞌsaꞌ isëquë huëꞌnahuë. Piꞌpian nonchinquëmaꞌ, taꞌto, amatëranquëmaꞌ huëꞌnamaꞌ. Topinan quëran iyaroꞌsaꞌ shaꞌhuirapirinaco. Cantaꞌ cotio quëmapico niꞌto, co aꞌnapita cotioroꞌsaꞌ noꞌhuirahuëꞌ. Shimashonënpoapita napopisoꞌ yonquiato, co pinorahuëꞌ. Nipirinhuëꞌ, Quirosarinquë paꞌpatora, maninaco. Masahuatonaco, Noma huaꞌanoꞌsaquë yoꞌconinaco anaꞌintinacoso marëꞌ.

Efesios 3:1

Napoaton isonahuato, canpita marëꞌ Yosë nontarahuë. Nisha piyapiꞌsanquëmaꞌ nipomarahuëꞌ, Quisocristo nanamën aꞌchintëranquëmaꞌ niꞌton, tashinan pëiquë poꞌmorinaco.

Efesios 4:1

Quisocristo nanamën aꞌchinahuëso marëꞌ tashinan pëiquë poꞌmopirinacohuëꞌ, iporahuantaꞌ pënënáranquëmaꞌ. Yosë nichaꞌëtënquëmaꞌ, huëntonënquë ayaꞌconinquëmaꞌ. Napoaton noyasáchin nicoꞌ.

Filemón 1:9

Nani casoꞌ mashotërahuë. Quisocristo imarahuëso marëꞌ tashinan pëiquë poꞌmorinaco. Napoaton iyasha nosoroatanco, Onisimontaꞌ nosoroquëꞌ, tënahuë. Tashinan pëiquë yaꞌhuasoco, inasoꞌ niꞌquirinco. Co huiꞌnahuë chachinhuëꞌ nipirinhuëꞌ, pënënpatëra, inantaꞌ Quisocristo imarin niꞌton, huiꞌnahuë pochin niꞌnahuë.