Hechos 23:14 - Chayahuita (Shahui)

¹⁴ Naporahuatonaꞌ, paatonaꞌ, cotio huaꞌanoꞌsaꞌ, ansianoꞌsaꞌ, inapita nontopi. —Nani huachi anoyatërai. Co huachi coshataraihuëꞌ. Paono tëpaquë huarëꞌ coshataantarai. Yoscoarëꞌ tëpaarai, tënai.

Hechos 23:14 ပူးပေါင်းရင်းမြစ်များ

Oseas 4:9

Corto huaꞌanoꞌsaꞌ, topinan piyapiꞌsarë chachin co noyahuëꞌ nipiso marëꞌ anaꞌintarahuë.

Hechos 23:12

Tahuëririnquë aꞌnaquën cotioroꞌsaꞌ chinotopi Paono tëpacaisoꞌ. “Ama huachi caꞌahuasohuëꞌ. Ama oꞌoahuasohuëꞌ. Paono tëpaquë huarëꞌ caꞌahuaꞌ. Co tëparihuarahuëꞌ caꞌpatëhuaꞌ, Yosë anaꞌinchinpoaꞌ,” nitopi.

Hechos 23:13

Catapini shoncayaꞌpi pochin napopi.

Hechos 23:20

—Cotio huaꞌanoꞌsaꞌ nani chinotopi Paono amatacaiso marëꞌ. “Tashiraya Paono quënantaquëꞌ nontantaꞌii. Naporinsoꞌ, aquëtë huarëꞌ yanitotërai,” itarinënquën.

Hechos 23:21

Nipirinhuëꞌ, ama natëquësohuëꞌ. Catapini shonca naꞌcon piyapiꞌsari chinotopi tëpacaiso marëꞌ. Poꞌoana quëran ninarapi tëpacaiso marëꞌ. Co huachi coshatapihuëꞌ. Co oꞌosapihuëꞌ. Paono tëpai huarëꞌ coshatacaisoꞌ yonquipi. Iporasoꞌ quëma ninarinën nohuantopiso chachin nitamasoꞌ, itërin.