Hechos 23:10 - Chayahuita (Shahui)

¹⁰ Chiníquën ninoꞌhuitonaꞌ, niahuërapi. Napoaton capitan huaꞌani sontaroꞌsaꞌ camairin. —Maconcoꞌ tëpahuachinaꞌ, itërin. Napotohuachina, sontaroꞌsaꞌ paꞌpi. Paono osërëconahuatonaꞌ, sontaroꞌsaꞌ yaꞌhuëpiquë quëpaantapi.

Hechos 23:10 ပူးပေါင်းရင်းမြစ်များ

Hechos 21:37

Pëiquë yayaꞌconpachinara, Paonori capitan itapon: —Sinioro capitan, piꞌpian nonchinquën topirahuëꞌ, itërin. —¿Crico nananquë nonan ti? itërin. —Ina nananquë mini nonahuë, itërin.

Hechos 22:24

Capitan huaꞌani niꞌsahuaton, sontaroꞌsa itapon: “Sontaroꞌsanpoa yaꞌhuërëhuaquë quëparahuatomaꞌ, huihuicoꞌ. Maꞌmarësona noꞌhuipisoꞌ, shaꞌhuichinpoaꞌ,” itërin.

Hechos 23:16

Paono apiaꞌhuainso nipirinhuëꞌ, yatëpapisoꞌ natantërin. Inasoꞌ, oshin huaꞌhuin. Natantahuaton, sontaroꞌsaꞌ yaꞌhuëpiquë paaton, Paono shaꞌhuitërin.

Hechos 23:27

Iso quëmapi aꞌpataranquën, cotioroꞌsari mapisoꞌ. Yatëpapirinahuëꞌ, quënanahuato, sontaroꞌsaꞌ aꞌparahuë osërëtacaiso marëꞌ. Inasoꞌ Noma piyapi niꞌton, osërëtërahuë.

Hechos 23:28

‘¿Maꞌmarëtaꞌ shaꞌhuirapipisoꞌ?’ taꞌto, cotio huaꞌanoꞌsaquë quëparahuë nitotaꞌhuaso marëꞌ.

Hechos 23:32

Tahuëririnquë sontaroꞌsasoꞌ yaꞌhuëpiquë panantapi. Cahuarioquë paꞌnaꞌpiroꞌsaichin Paono quëpapi.

Hechos 24:7

Capitan huaꞌan Nisiasëso nipirinhuëꞌ, notohuaroꞌ sontaroꞌsaꞌ quësahuaton manin. Osërëtërincoi.

2 Corintios 11:26

Aꞌchinacaꞌhuaso marëꞌ paꞌsárahuë. Iiroꞌsaꞌ panca pamatohuachina, shichimiitërahuë. Ihuatëroꞌsantaꞌ yatëparinaco. Cantaꞌ cotio piyapico nipirahuëꞌ, cotioroꞌsaꞌ noꞌhuitonaco, yaahuërinaco. Nisharoꞌsantaꞌ noꞌhuirinaco. Panca ninanoroꞌsaquë aꞌnaquën yaahuërinaco. Co piyapi yaꞌhuërinquëontaꞌ maꞌsha onporahuë. Marë paꞌtohuatëra, parisitërahuë. Aꞌnaquën: “Quiyantaꞌ imarai,” taponaraihuëꞌ, chiníquën noꞌhuirinaco.

Santiago 1:19

Napoaton iyaroꞌsaꞌ, ama topinan nonacamasoáchin yonquicosohuëꞌ. Yosë nanamën naꞌcon naꞌcon natancoꞌ. Naporahuaton, ama yanoꞌhuitocosohuëꞌ.

Santiago 3:14

Aꞌnaquënso nipirinhuëꞌ aꞌnapita apiratatonaꞌ, nocanpi. Inahuara nohuantopisoráchin yonquiatonaꞌ noꞌhuitápi. Ina pochin cancantohuatamaꞌ: “Casoꞌ noyaco,” ama tocosohuëꞌ. Co noꞌtëquën yonquiramahuëꞌ. Nonpiánamaꞌ.