Hechos 23:1 - Chayahuita (Shahui)

¹ Paono yaꞌconahuaton, huaꞌanoꞌsaꞌ notëërahuaton, itapon: —Ipora iyaroꞌsaꞌ piꞌpian nonchinquëmaꞌ natanco. Huaꞌhuatapo quëran huarëꞌ noya ninahuë. Yosë niꞌsárinco, co mantaꞌ onporahuëꞌ, itërin.

Hechos 23:1 ပူးပေါင်းရင်းမြစ်များ

Mateo 5:22

Co tëpatërëso marëáchin anaꞌintinpoasoꞌ yaꞌhuërinhuëꞌ, tënahuë. Aꞌna piyapi noꞌhuihuatamaꞌ, anaꞌintarinquëmaꞌ. Pinotohuatamantaꞌ, cotio ansianoꞌsaꞌ anaꞌinchinquëmaꞌ. Cancanëma quëran huarëꞌ noꞌhuitomaꞌ, ‘Quëmasoꞌ sopainquën,’ itohuatamaꞌ, pënquë chachin parisitacasoꞌ yaꞌhuërin, tënahuë.

Hechos 22:1

“Natanco iyaroꞌsaꞌ, apiroꞌsaꞌ, piꞌpian yanontëranquëmaꞌ. Caso co mantaꞌ onporahuëꞌ,” tënin.

Hechos 22:30

Tahuëririnquë capitan huaꞌani yanatantërin. “¿Maꞌmarëtaꞌ cotioroꞌsari shaꞌhuirapipi?” taꞌton, sontaroꞌsaꞌ shaꞌhuitërin Paono ocoicaiso marëꞌ. Naporahuaton, yaꞌipi cotio huaꞌanoꞌsaꞌ amatërin. Corto huaꞌanoꞌsaꞌ chini chiníquën nanantopisontaꞌ amatërin. Nani niyontonpachinara, inaquë Paono quëparin natanacaiso marëꞌ.

Hechos 22:5

Yanitotohuatamaꞌ, corto huaꞌan chini chiníquën nanantërinsontaꞌ inachachin shaꞌhuitarinquëmaꞌ. Cotio ansianoꞌsantaꞌ nitotopi. Inapitasoꞌ quirica ninshitërinaco iyaroꞌsaꞌ Tamascoquë yaꞌhuëpisopita quëtonaꞌhuaso marëꞌ. Inatohuaꞌ paꞌnahuë Quisoso imapisopita macaꞌhuaso marëꞌ. ‘Tonporahuato, Quirosarinquë quëmaarahuë anaꞌintacaiso marëꞌ, taꞌto,’ paꞌnahuë.

Hechos 23:15

Napoaton capitan huaꞌan shaꞌhuitocoꞌ Paono quëntaꞌin. “Tashiraya yanontantarai noꞌtëquën nitotaꞌhuaiso marëꞌ,” itocoꞌ. Quiyaso nipirinhuëꞌ naꞌpitatoi, ninaarai. Yaꞌcaritohuachin, aꞌnaroáchin masahuatoi, tëpaarai, itopi.

Hechos 23:20

—Cotio huaꞌanoꞌsaꞌ nani chinotopi Paono amatacaiso marëꞌ. “Tashiraya Paono quënantaquëꞌ nontantaꞌii. Naporinsoꞌ, aquëtë huarëꞌ yanitotërai,” itarinënquën.

Hechos 23:28

‘¿Maꞌmarëtaꞌ shaꞌhuirapipisoꞌ?’ taꞌto, cotio huaꞌanoꞌsaquë quëparahuë nitotaꞌhuaso marëꞌ.

Hechos 23:6

Cotio huaꞌanoꞌsaꞌ huëꞌpisopita co napopianachin yonquipihuëꞌ. Patoma satosioroꞌsaꞌ, patomasoꞌ, parisioroꞌsaꞌ. Ina yonquiaton, Paonori itantarin: —Casoꞌ iyaroꞌsaꞌ, Parisioco. Shimashonëhuëpitantaꞌ parisioroꞌsa chachin. “Yosë ananpitaantarinpoaꞌ,” tënahuëso marëꞌ isopita shaꞌhuirapirinaco, itërin.

Hechos 24:16

Napoaton nani tahuëriya Yosë noꞌtëquën yanatërahuë. Piyapiꞌsantaꞌ co yanonpintërahuëꞌ.

Hechos 6:15

Ina quëran huaꞌanoꞌsari Istipan niꞌsapi. Niꞌsapirinahuëꞌ, yaꞌpirin anquëni pochin huënaráchin niꞌtërin.

1 Corintios 4:4

Noya mini natërahuë, topirahuëꞌ, co casoꞌ Yosë pochin nitotërahuëꞌ. “Noyaco,” tënahuëso marëꞌ co Yosë noya niꞌsarincohuëꞌ. Inaíchin yaꞌipi nitotaton, noꞌtëquën shaꞌhuitarinpoaꞌ.

2 Corintios 1:12

Yosë niꞌsárincoi niꞌton, noꞌtëquën shaꞌhuitarainquëmaꞌ. Co piꞌpian tërantaꞌ nonpintërainquëmahuëꞌ. Noyápiachin cancantatoi, yaꞌipi parti aꞌchinai. Co quiyaora yonquinëhuëi quëran aꞌchintërainquëmahuëꞌ. Yosë inaora nohuanton, catahuarincoi niꞌton, noya ninai. Ina marëꞌ noya cancantërai.

2 Corintios 4:2

Aꞌnaquënsoꞌ co noyahuëꞌ yonquiatonaꞌ, aꞌchinapi. Noyasha nonpirinahuëꞌ, nonpinacaiso marëꞌ napopi. Quiyaso nipirinhuëꞌ co mantaꞌ poꞌoana quëran ninaihuëꞌ niꞌton, co tapanaꞌhuaisoꞌ yaꞌhuërinhuëꞌ. Co nisha nisha aꞌchinaihuëꞌ. Yaꞌipi Yosë nanamën noꞌtëquën aꞌchintarainquëmaꞌ. Yosë niꞌsárincoi niꞌton, inasáchin aꞌchinarai. Aꞌninquëchin aꞌchinai yaꞌipi piyapiꞌsaꞌ yonquicaiso marëꞌ.

2 Timoteo 1:3

Iráca shimashonëhuëpita Yosë chinotopi. Inapochachin cantaꞌ chinotërahuë. Yosë nanamën noꞌtëquën natëto, chinotërahuë. Ina marëꞌ noyápiachin cancantërahuë. Nani tahuëri tashirë chachin Yosë nontato, quëma yonquiranquën. Noya imaranso marëꞌ: “Yosparinquën Sinioro,” itërahuë.

Hebreos 13:18

Quiya marëꞌ Yosë nontocoꞌ. Noya nisarai, taꞌtoi, noyápiachin cancantërai. Yaꞌipi cancanëhuëi quëran Yosë yanatërai.

1 Pedro 3:16

Ama noꞌhuitë pochin chiníquën shaꞌhuitocosohuëꞌ. Sanoanan quëran pënëncoꞌ. Yosë yonquihuatamaꞌ, noya shaꞌhuitaramaꞌ. Quisocristo imaramaꞌ niꞌton, noyasáchin nicatomaꞌ, noyápiachin cancantocoꞌ. Ina quëran pinopirinënquëmahuëꞌ, “Coꞌta noya nisapi. Quëmarisoꞌ nonpinapiran,” itarin aꞌnarintaꞌ. Itohuachina, pinotonaꞌpisoꞌ tapanarin.