Hechos 22:6 - Chayahuita (Shahui)

⁶ Paꞌsápatoi Tamascoquë yaꞌcaritërarai. Camotëchin nisahuasoꞌ, aꞌnaroáchin inápa quëran huënaráchin huënaráchin aꞌpintërinco.

Hechos 22:6 ပူးပေါင်းရင်းမြစ်များ

Génesis 14:15

Paꞌsahuatonaꞌ, inimicoroꞌsa quënanconpi. Yono tashi nisahuasoꞌ, yaꞌcopirahuatonaꞌ, ahuëpi. Copirnoroꞌsa canarahuatonaꞌ, imapi. Opa ninanoquë huarëꞌ imapi. Ina ninanosoꞌ, Tamasco ninano quëran norti parti quëparitërin.

Génesis 15:2

Napotopirinhuëꞌ, Apranisoꞌ itapon: —Sinioro. Quëmaso Yosënquën. Panca acanamiatopirancohuëntaꞌ, co huiꞌnahuë yaꞌhuëtërincohuëꞌ niꞌton, topinan quëran nisarin. Co aꞌnaya tëranta huiꞌnahuë quëtërancohuë niꞌton, piyapinëhuë Irisëro itëraiso yaꞌhuërëtaponco. Inaso Tamasco piyapi nipirinhuëꞌ, chiminpato yaꞌhuërëtaponco, itërin.

Mateo 17:2

Inapitari nicasoiꞌ, nisha pochin yaꞌnorin. Yaꞌipi yaꞌpirin piꞌi pochin aꞌpinin. Aꞌmorinsoꞌ huënaráchin huënaráchin ninin.

Hechos 22:7

Noꞌpaquë anotahuato, inápa quëran nontërincosoꞌ natanahuë. ‘Saono, Saono, ¿onpoatontaꞌ aparisitaranco?’ itërinco.

Hechos 23:9

Napoaton ninontatonaꞌ, noncaroapi. Parisio maistroꞌsaꞌ huanirahuatonaꞌ, chiníquën nonpi. —Iso quëmapisoꞌ noya, tënai. Co mantaꞌ onporinhuëꞌ. Anquëni noninsoꞌ natamara. Huaꞌyani aꞌna nontomara, tënin aꞌnaquën. Napohuachinara, satosioroꞌsaꞌ noꞌhuitopi.

1 Corintios 15:8

Piquëran huarëꞌ cantaꞌ niꞌnahuë. Anaꞌhuaya pochin nipirahuëꞌ, inápa quëran yaꞌnotimarinco. Naporo huarëꞌ imarahuë.

Apocalipsis 1:16

Inchinan imirin quëran canchisë tayora pochin nininsoꞌ sëꞌquërin. Naporahuaton, nanamën quëran sahuëni pochin nininsoꞌ pipirarin. Cato quëran chachin toꞌnapinan. Yaꞌipi yaꞌpirinsoꞌ piꞌi pochin aꞌpinin. Huënaráchin huënaráchin yaꞌnorin.