Hechos 22:25 - Chayahuita (Shahui)

²⁵ Inaquë quëparahuatonaꞌ, tonpopi huihuicaiso marëꞌ. Tonpopirinahuëꞌ, capitan inaquë huaniarin niꞌton, Paonori itapon: —Casoꞌ Noma piyapico nipirahuëꞌ, yahuihuiramaco. Co napotamacoso yaꞌhuërinhuëꞌ. Co coisë nitotopirinhuëꞌ, ¿yahuihuiramaco ti? itërin Paonori.

Hechos 22:25 ပူးပေါင်းရင်းမြစ်များ

Mateo 10:17

Niꞌcona iyaroꞌsaꞌ, piyapiꞌsaꞌ aꞌnaroáchin anoꞌhuitotamaꞌ. Aꞌnaquën noꞌhuitënënquëmaꞌ, masarinënquëmaꞌ. Mapachinënquëmaꞌ, coisëquë quëpaarinënquëmaꞌ. Niyontonpiso pëiroꞌsaquëntaꞌ huihuiarinënquëmaꞌ.

Mateo 27:54

Quisoso chiminpachina, capitanso sontaronënpitarë chachin niꞌsapi. Ocohua paꞌninsoꞌ, naꞌpiroꞌsaꞌ nopaatërinsoꞌ, inapita niꞌsahuatonaꞌ, paꞌpi paꞌyanpi. —Tëhuënchachin iso quëmapisoꞌ, Yosë huiꞌnin, topi.

Mateo 8:8

—Quëmasoꞌ Sinioro noya noyanquën. Co casoꞌ quëma pochincohuëꞌ. Co pëinëhuëquë huarëꞌ huëcamasoꞌ yaꞌhuërinhuëꞌ. Topinan camaiquëꞌ noyachin, tënahuë.

Hechos 10:1

Sisariaquë aꞌna quëmapi yaꞌhuërin. Cornirio itopisoꞌ. Inasoꞌ capitan. “Itariaroꞌsaꞌ” itopiso sontaro huënton camairin.

Hechos 16:37

Paonoso nipirinhuëꞌ sontaroꞌsaꞌ itërin: —Co poꞌoana quëran paꞌsaraihuëꞌ. Quiyasoꞌ Noma piyapicoi nipiraihuëꞌ, naraquë huiꞌtonpirinacoi. Co coisëquë shaꞌhuirapiponaracoihuëꞌ, cachiquë chachin napotërinacoi. Ina quëran tashinan pëiquë poꞌmorinacoi. Noma piyapicoi niꞌtoi, co topinan anaꞌintinacoisohuëꞌ nipirinhuëꞌ. ¿Iporasoꞌ poꞌoana quëran yaocoiantarinacoi ti? ¡Coꞌchi nohuantëraihuë paya! Shaꞌhuitëquëꞌ inahuara chachin huëꞌinaꞌ. Aꞌninquëchin ocoiꞌinacoi, itërin.

Hechos 22:26

Ina natanahuaton, capitan huaꞌan shaꞌhuitapon paꞌnin. —¿Maꞌtaꞌ ipora onpoapon? Pasoꞌ quëmapi Noma piyapi nipirinhuëꞌ, yahuihuitëran. Niꞌquëna copirno noꞌhuihuachinquën, itërin.

Hechos 23:17

Shaꞌhuitohuachina, aꞌna capitan amatërin. —Iso huiꞌnapi huaꞌanënquë quëpaquëꞌ nanan shaꞌhuichin, itërin.

Hechos 23:27

Iso quëmapi aꞌpataranquën, cotioroꞌsari mapisoꞌ. Yatëpapirinahuëꞌ, quënanahuato, sontaroꞌsaꞌ aꞌparahuë osërëtacaiso marëꞌ. Inasoꞌ Noma piyapi niꞌton, osërëtërahuë.

Hechos 25:16

Ina itohuachinacora, cari itapo: “Noma piyapicoi co topinan quëran anaꞌintëraihuëꞌ. Cato yaꞌpi maꞌsha nionpotohuachinara, cato chachin coisëquë paꞌsapi. Shaꞌhuirapihuachina, aꞌnantaꞌ aꞌpanitacasoꞌ yaꞌhuërin. Ina quëran coisëri noya nitotaton, tëhuënaꞌpi noꞌtëquën anaꞌintarin. Ina pochin Noma piyapicoisoꞌ ninai,” itërahuë.

Hechos 27:1

Ina quëran Pisto yaaꞌparincoi. Aꞌnapita apiroꞌsantaꞌ yaaꞌparin. Noma copirno Itaria parti yaꞌhuërin niꞌton, Noma sontaroꞌsaꞌ capitan Orio itopisoꞌ nontërin inatohuaꞌ quëpacaiso marëꞌ. “Paono, apiroꞌsaꞌ, inapita quëpacoꞌ,” itohuachina, “Noyahuaꞌ. Quëpaꞌi nipachin,” tënin.

Hechos 27:3

Tahuëririnquë Sitonquë nonshirai. Inaquë Paono nosoroaton, capitani itërin: “Nipayaransopita yaꞌhuërinquë yapaꞌpatan, noya paquëꞌ,” itërin. Paꞌpatoira, pahuantërincoisopita quëtërinacoi.

Hechos 27:43

Capitanso nipirinhuëꞌ nohuantërin Paono chaꞌëcasoꞌ. Napoaton “Ama tëpacosohuëꞌ. Yaꞌipinpoaꞌ paꞌahuaꞌ. Nitoyonpatamaꞌ, canpitaꞌton niitatomaꞌ, yonsaiquë pacoꞌ.