Hechos 22:24 - Chayahuita (Shahui)

²⁴ Capitan huaꞌani niꞌsahuaton, sontaroꞌsa itapon: “Sontaroꞌsanpoa yaꞌhuërëhuaquë quëparahuatomaꞌ, huihuicoꞌ. Maꞌmarësona noꞌhuipisoꞌ, shaꞌhuichinpoaꞌ,” itërin.

Hechos 22:24 ပူးပေါင်းရင်းမြစ်များ

Juan 19:1

Ina natanahuaton, sontaroꞌsaꞌ camairin Quisoso huihuicaiso marëꞌ. Napohuachina, chiníquën huihuitonaꞌ pëꞌsha pëꞌshatopi.

Hechos 16:37

Paonoso nipirinhuëꞌ sontaroꞌsaꞌ itërin: —Co poꞌoana quëran paꞌsaraihuëꞌ. Quiyasoꞌ Noma piyapicoi nipiraihuëꞌ, naraquë huiꞌtonpirinacoi. Co coisëquë shaꞌhuirapiponaracoihuëꞌ, cachiquë chachin napotërinacoi. Ina quëran tashinan pëiquë poꞌmorinacoi. Noma piyapicoi niꞌtoi, co topinan anaꞌintinacoisohuëꞌ nipirinhuëꞌ. ¿Iporasoꞌ poꞌoana quëran yaocoiantarinacoi ti? ¡Coꞌchi nohuantëraihuë paya! Shaꞌhuitëquëꞌ inahuara chachin huëꞌinaꞌ. Aꞌninquëchin ocoiꞌinacoi, itërin.

Hechos 21:34

Napoaponahuëꞌ, chiníquën nonatonaꞌ, nisha nisha shaꞌhuitopi. Noncaroapi niꞌton, co nanitërinhuëꞌ noꞌtëquën natanacasoꞌ. Napoaton: “Sontaroꞌsaꞌ yaꞌhuëpiquë quëpacoꞌ,” itërin.

Hechos 21:37

Pëiquë yayaꞌconpachinara, Paonori capitan itapon: —Sinioro capitan, piꞌpian nonchinquën topirahuëꞌ, itërin. —¿Crico nananquë nonan ti? itërin. —Ina nananquë mini nonahuë, itërin.

Hechos 23:10

Chiníquën ninoꞌhuitonaꞌ, niahuërapi. Napoaton capitan huaꞌani sontaroꞌsaꞌ camairin. —Maconcoꞌ tëpahuachinaꞌ, itërin. Napotohuachina, sontaroꞌsaꞌ paꞌpi. Paono osërëconahuatonaꞌ, sontaroꞌsaꞌ yaꞌhuëpiquë quëpaantapi.

Hechos 23:27

Iso quëmapi aꞌpataranquën, cotioroꞌsari mapisoꞌ. Yatëpapirinahuëꞌ, quënanahuato, sontaroꞌsaꞌ aꞌparahuë osërëtacaiso marëꞌ. Inasoꞌ Noma piyapi niꞌton, osërëtërahuë.

Hechos 28:18

Huaꞌanoꞌsaꞌ natanahuatonaco, “Co mantaꞌ onporinhuëꞌ niꞌton, co tëpacasoꞌ yaꞌhuërinhuëꞌ. Ocoiꞌi,” topi.

Hebreos 11:35

Sanapiꞌsantaꞌ huaꞌhuinpita chiminpachina, Yosë natëpi niꞌton, ina nohuanton nanpiantapi huachi. Aꞌnaquënso nipirinhuëꞌ Yosë natëtonaꞌ, chiníquën parisitopi. “Yosë aꞌpocoꞌ tëpachinënquëmaꞌ,” itopirinahuëꞌ, co yaaꞌpopihuëꞌ. “Co onporontaꞌ aꞌpoaraihuëꞌ. Yosë noya noya ananpitaantarincoi,” taꞌtonaꞌ, imapiso marëꞌ chiminpi.