Hechos 22:18 - Chayahuita (Shahui)

¹⁸ Quisoso nontaantarinco. ‘Manorahuaton, Quirosarin quëran pipiquëꞌ. Ca nanamëhuë shaꞌhuihuatan, co natëarinënquënhuëꞌ,’ itërinco.

Hechos 22:18 ပူးပေါင်းရင်းမြစ်များ

Mateo 10:14

Insëquësona paꞌpatamaꞌ, ‘Ama isëquë huëcosohuëꞌ. Co yanatanainquëmahuëꞌ,’ itohuachinënquëmaꞌ, patocoꞌ. Yapaꞌpatamaꞌ, pënëncoꞌ. ‘Nani shaꞌhuitopiranquëmahuëꞌ. Co nohuantëramahuëꞌ niꞌton, canpitaora tëhuënëmaquë ninaꞌintaramaꞌ,’ itocoꞌ. Ina quëran aꞌna parti paco huachi.

Mateo 10:23

Aparisitohuachinënquëmaꞌ, aꞌna ninanoquë paantacoꞌ. Inaquëntaꞌ aꞌchiantacoꞌ. Naꞌa ninanoroꞌsaꞌ Cotia parti yaꞌhuërin. Co yaꞌipi ninanoroꞌsaquë paꞌshatërasënquëmahuëꞌ, cantaꞌ oꞌmantararahuë. Yosë quëran quëmapico niꞌto, aꞌna tahuëri oꞌmantarahuë Yosë huaꞌanëntërinsoꞌ acocaꞌhuaso marëꞌ.

Lucas 21:21

Naporoꞌ taꞌacasoꞌ yaꞌhuërin. Cotia parti yaꞌhuëhuatamaꞌ, motopiꞌpaꞌ taꞌacoꞌ. Ninanoquë yaꞌhuëhuatamaꞌ, aꞌnaroáchin pipicoꞌ. Iminëmaquë yaꞌhuëhuatamaꞌ, ama ninanoquë ayancontacosohuëꞌ.

Hechos 3:19

Napoaton iyaroꞌsaꞌ yaꞌipi co noyahuëꞌ yonquiramasopita naniantatomaꞌ, Yosë chachin tahuërëtantacoꞌ oshanëmaꞌ inquichinquëmaꞌ.

Hechos 9:29

Aꞌnaquën cotioroꞌsasoꞌ Crico nananquë nonpi. Saonori chiníquën pënënpachina, noꞌhuitonaꞌ, yatëpapi.

1 Corintios 9:1

Co inso piyapi tërantaꞌ camairincohuëꞌ. Quisocristo chachin acorinco nanamën aꞌchinaꞌhuaso marëꞌ. Inápaquë panantarinsoꞌ piquëran cari niꞌnahuë. Ina catahuarinco aꞌchinaꞌhuasoꞌ. Aꞌchintohuatënquëmara, canpitantaꞌ imaramaꞌ.