Hechos 22:17 - Chayahuita (Shahui)

¹⁷ Ina quëran Quirosarinquë paantahuatëra, Yosë chinotopiso pëiquë paꞌnahuë. Inaquë Yosë nontasoco, huaꞌnarëso pochin niꞌnahuë.

Hechos 22:17 ပူးပေါင်းရင်းမြစ်များ

Hechos 26:20

Tamascoquë yaꞌhuëpisoꞌton shaꞌhuitërahuë. Ina quëran Quirosarinquëntaꞌ shaꞌhuiantarahuë. Yaꞌipi Cotia partintaꞌ inachachin shaꞌhuiantarahuë. Nisha piyapiꞌsantaꞌ aꞌchintërahuë. ‘Co noyahuëꞌ yonquiramasopita naniantatomaꞌ, Yosë chachin tahuërëtaantacoꞌ. Tëhuënchachin imapatamaꞌ, noya nisaramaꞌ,’ itërahuë.

Romanos 15:19

Tëhuënchachin Ispirito Santo ananitërinco niꞌton, naꞌa caniaꞌpiroꞌsaꞌ aꞌnaroáchin anoyatërahuë Yosë natëcaiso marëꞌ. Ina niꞌsahuatonaꞌ, natëpi. Ispirito Santori yaꞌcoancantërin niꞌton, imapi. Quirosarinquë aꞌchintërahuë. Ina quëran paꞌsápato, Iriricoquë huarëꞌ Quisocristo nanamën aꞌchintëraꞌpiarahuë. Yaꞌipi parti pënëntërahuë.

Gálatas 1:18

Cara piꞌipi quëran Quirosarinquë paꞌnahuë Pitro nohuitaꞌhuaso marëꞌ. Cato simana pochin pëinënquë yacaparahuë.

Efesios 3:3

Iráca quëran huarëꞌ Yosë yonquirin nichaꞌëinquëmasoꞌ. Napoaponahuëꞌ, co piyapiꞌsaꞌ anitotërinhuëꞌ. Iporaso nipirinhuëꞌ inaora nohuanton, anitotërinco niꞌton, nani piꞌpian ninshitëranquëmaꞌ.

Apocalipsis 1:10

Iꞌhua Tomio tahuëri Yosë chinotasoco, Ispirito Santo nohuanton, huaꞌnarëso pochin quënanahuë. Co huëꞌëpirahuëꞌ, pinëhuë quëran chiníquën nontërinco, natanahuë. Tronpita pihuirinso pochin natanahuë.