Hechos 22:12 - Chayahuita (Shahui)

¹² Ina ninanoquë chachin aꞌna quëmapi yaꞌhuërin, Yosë noya chinotërinsoꞌ. Ananiasë itopi. Moisësë iráca pënëntërinsoꞌ noꞌtëquën natërin. ‘Inasoꞌ noya quëmapi,’ topi yaꞌipi cotioroꞌsaꞌ.

Hechos 22:12 ပူးပေါင်းရင်းမြစ်များ

Lucas 2:25

Quirosarinquë chachin aꞌna quëmapi yaꞌhuërin, Simion itopisoꞌ. Nóya quëmapi inasoꞌ. Nani tahuëri Yosë chinotërin. “Aꞌna tahuëri Yosë nichaꞌësarinpoaꞌ,” taꞌton, Cristo aꞌpaimacasoꞌ ninarárin. Ispirito Santori noyá yaꞌcoancantërin.

Hechos 10:22

—Capitan Cornirio aꞌparincoi. Inasoꞌ nóya quëmapi. Nisha piyapi niponahuëꞌ, Yosë chinotërin. Yaꞌipi cotioroꞌsari noya niꞌpi. Iꞌhuara yaꞌhuasoꞌ, aꞌnanaya anquëniri yaꞌnotimarahuaton, shaꞌhuitimarin. “Piyapiꞌsaꞌ aꞌpaquëꞌ Pitro macontaꞌinaꞌ. Ina aꞌchintarinquën, noya natanquëꞌ,” itërin niꞌton, aꞌparincoi huëꞌnai, itërin.

Hechos 17:4

Aꞌnaquën natanahuatonaꞌ, natëpi. Natëtonaꞌ, imasapi. Naꞌa Crico piyapiꞌsantaꞌ imasapi. Nisha piyapiꞌsaꞌ niponaraihuëꞌ, Yosë chinotopi. Paono aꞌchininsoꞌ natanahuatonaꞌ, Quisoso imasapi. Naꞌamiachin sanapiꞌsantaꞌ chiníquën nanantopisopita imasapi.

Hechos 6:3

Napoaton iyaroꞌsaꞌ, canchisë yaꞌpi huayoncoꞌ catahuaꞌinacoiso marëꞌ. Ispirito Santori noyá yaꞌcoancantërinsoꞌ huayoncoꞌ, noya yonquipisoꞌ. Noya quëmapisáchin acoaꞌahuaꞌ cosharoꞌ yocacaiso marëꞌ.

Hechos 8:2

Nani Istipan tëpahuachinara, Yosë chinotopisopitari paꞌpitopi. Sëtatonaꞌ, naꞌnërápi.

2 Corintios 6:8

Aꞌnaquën noya niꞌninacoi. Aꞌnaquënso nipirinhuëꞌ noꞌhuirinacoi. Aꞌna tahuëri: “Paono nóya aꞌchinin,” topi. Aꞌna tahuëriso nipirinhuëꞌ pinorinacoi. Noꞌtëquën aꞌchintopiraihuëꞌ: “Nonpiánpi,” topi aꞌnaquëntaꞌ.

1 Timoteo 3:7

Noya nininsoráchin yaꞌcoinaꞌ. Noya nipachinaꞌ, co imapisopitarihuëntaꞌ noya niꞌsapi: “Inasoꞌ noya quëmapi,” tosapi. Co noyahuëꞌ nicaponahuëꞌ, yaꞌconpachin, sopai huaꞌani nonpintaton, minsëarin. Piyapiꞌsarintaꞌ tëhuapi.

Hebreos 11:2

Iráca quëran huarëꞌ ina pochin cancantohuachinara, Yosëri noya niꞌnin.

3 Juan 1:12

Imitirioso nipirinhuëꞌ noya imarin. Yaꞌipiya quëran napotërinco. Yaꞌipi cancanën quëran noꞌtëquën yonquirin. Quiyantaꞌ nohuitërai. “Inasoꞌ noya quëmapi,” tënai. Noꞌtëquën nontërainquën.