Hechos 21:5 - Chayahuita (Shahui)

⁵ Simana nanihuachina, paantarai. Yapaꞌpatëira, ninano yonsanquë huarëꞌ imarinacoi. Saꞌinarë chachin, huiꞌninpitarë chachin caꞌtaninacoi. Nonshinanquë isonconahuatoi, Yosë nontërai.

Hechos 21:5 ပူးပေါင်းရင်းမြစ်များ

1 Reyes 8:54

Ina pochin Saromonsoꞌ, Yosë nontërin. Artaro notënanquë isonin quëran anquirahuaton nontërin.

Salmos 95:6

Huëco Yosëíchin yonquiaꞌahuaꞌ. Isonatëhua ina chinotahuaꞌ. Ina nininpoa niꞌton, paꞌyatahuaꞌ.

Mateo 14:21

Aꞌnatërápo huaranca pochin quëmapiꞌsaꞌ coshatopi. Sanapiꞌsantaꞌ huaꞌhuinarë chachin coshatopi antaꞌ.

Marcos 1:40

Naporoꞌ aꞌna quëmapi huëꞌnin, chana caniori maninsoꞌ. Quisoso huëcapairahuaton, isonquirin. Isonahuaton, itapon: —Nohuantohuatan, nanitëran anoyatancosoꞌ. Anoyatoco topirahuëꞌ, itërin.

Lucas 22:41

Ina quëran amashamiachin paꞌsahuaton, isonin quëran, inaora Yosë nontërin:

Hechos 15:3

Aꞌpahuachinara, paꞌpi. Pinisia parti, Samaria parti, inaquëpita paꞌsahuatonaꞌ, shaꞌhuiraꞌpiapi. “Nisha piyapiꞌsantaꞌ iráca yonquipisoꞌ naniantatonaꞌ, Quisoso imasapi huachi,” itëraꞌpiapi. Quisoso imapisopita natanahuatonaꞌ, nóya cancantopi.

Hechos 17:10

Quisoso imapisopita pipirahuatonaꞌ, yaꞌhuëpiꞌpaꞌ paantapi. Naporoꞌ tashiꞌ Paono, Sirasë, inapita Piriaquë aꞌpapi. Inaquë canconahuatonaꞌ, cotioroꞌsaꞌ niyontonpiso pëiquë paꞌpi aꞌchinacaiso marëꞌ.

Hechos 20:36

Ina tosahuaton, inapitarë chachin isonin. Napohuachinara, Yosë nontërin inapita catahuacaso marëꞌ.

Hechos 20:38

“Co huachi quënanaramacohuëꞌ,” tëninso marëꞌ naꞌcon sëtopi. Ina quëran nanchaquë huarëꞌ imapi.

Hechos 9:40

“Yaꞌipinquëmaꞌ pipicoꞌ Yosë nontëriꞌi,” itohuachina, paꞌpi. Nani paꞌpachinara, isonahuaton, Yosë nontërin. Ina quëran nonën tahuërëtahuaton, itapon: —Imoya Tapita, huënsëquëꞌ, itërin. Aꞌnaroáchin niꞌtiintarin. Pitro quënanahuaton, huënsërin.

Josué 24:15

Napoaponahuëꞌ, co Sinioroíchin yachinotohuatamahuëꞌ, ipora tahuëri huayonco insosona yachinotëramasoꞌ: ¿Shimashonëmapita Iopiratisiiꞌ yonsanquë yaꞌhuëaponaꞌ, nisha nisha mamanshi moshapiso nica? ¿Amororoꞌsa mamanshinëna moshapisoꞌ nica? Caso nipirinhuëꞌ, quëmopinëhuëpitarëꞌco chachin Sinioro chinotarai, itërin.