Hechos 20:9 - Chayahuita (Shahui)

⁹ Aꞌna huiꞌnapi Iotico itopisoꞌ, huintanaquë huënsëápirinhuëꞌ, Paono huaꞌquiꞌ aꞌchinpachina, inaso huëꞌëiꞌ iquitaton, iquëtërarin quëran anotërin. Cara paꞌcotë quëran anotohuachina nohuararahuatonaꞌ nimapirinahuëꞌ, chiminin quënamapi.

Hechos 20:9 ပူးပေါင်းရင်းမြစ်များ

1 Reyes 17:19

Napotohuachina, inariso itapon: —Huaꞌhuan quëshico, itërin. Quëpatohuachina, matërin. Inapa pëꞌsatëquë huëꞌërinso patoana yaꞌhuërin niꞌton, inatohua quëpantarin. Quëpantarahuaton, huëꞌërinso pëꞌsaranënquë acoontarin.

Marcos 13:36

Niꞌcona aꞌnanaya oꞌmato, huëꞌësënquëmaꞌ quënanquimatënquëmaꞌ.

Marcos 9:26

Napotohuachina, Sopai chiníquën “yai” tahuaton, huaꞌhuasha ahuaꞌyantaantarin. Inapotahuaton, chimipi pochin patërin. Napoaton: “Nani chiminin,” topirinahuëꞌ,

Hechos 14:19

Napoaponahuëꞌ, cotioroꞌsari huëcapairahuatonaꞌ, anishacancantopi. Aꞌnaquën Antioquia quëran huëꞌpi. Aꞌnapitantaꞌ Iconio quëran huëꞌpi. Huëꞌsahuatonaꞌ, Paono, Pirnapi, inapita shaꞌhuirapipi niꞌton, noꞌhuipi. Noꞌhuirahuatonaꞌ, Paono mapi. Masahuatonaꞌ, naꞌpiquë tëꞌyarahuachinara, chiminpirinhuëꞌ. Ohuararahuatonaꞌ, ninano intonquë tëꞌyatonpi. “Nani chiminin,” taꞌtonaꞌ inaquë patopi.

Hechos 20:10

Paononta nohuararahuaton, ipomarin. —Ama paꞌyancosohuëꞌ, nanpiarin, itërin piyapiꞌsaꞌ.

Hechos 20:7

Tomio tahuëri nanihuachina, niyontonai Quisoso chimininsoꞌ yonquiatoi coshataꞌhuaiso marëꞌ. Naporoꞌ Paonori aꞌchintarin: “Tashiraya paꞌsarai,” taꞌton, yono tashiquë huarëꞌ aꞌchinin.

Hechos 20:8

Inapa pëꞌsatëꞌ pëiquë niyontonai. Inaquë naꞌa nanparin orotarin.