Hechos 20:8 - Chayahuita (Shahui)

⁸ Inapa pëꞌsatëꞌ pëiquë niyontonai. Inaquë naꞌa nanparin orotarin.

Hechos 20:8 ပူးပေါင်းရင်းမြစ်များ

Mateo 25:1

Naquëranchin Quisosori pënëantarin: “Yosë huaꞌanëntërinsoꞌ aꞌchintantaꞌinquëmaꞌ, noya natanco. Huaꞌan saꞌarinso pochin ninin. Inaso aquë quëran huëꞌsarin. Onporosona canquicasoꞌ co nitotopihuëꞌ. Tahuëri nanihuachina, sanapi nipayarinsopita ninarapi huaꞌan huëcacasoꞌ. ‘Huaꞌqui quëran canquipon nimara,’ taꞌtonaꞌ, shonca nanoꞌsaꞌ nanparinënarë chachin ninarapi.

Lucas 22:12

Napotohuatamaꞌ, panca patoana aꞌnotarinquëmaꞌ, inápaquë nininsoꞌ. Misa, huënsënan, inapita nani yaꞌhuërarin. Inaquë cosharoꞌ tapacoꞌ canpoaꞌ capaquëhuaquë, itërin Quisosori.

Hechos 1:13

Canconahuatonaꞌ, aꞌna pëiquë paꞌpi. Inapa pëꞌsatëꞌ pëiꞌ niꞌton, nanpëpi. Inaquë naporoꞌ yacapatapi. Pitro, Coansha, Santiaco, Antërisë, Pinipi, Tomasë, Partoromi, Matio, inapita yaꞌhuërapi. Aꞌnantaꞌ Santiaco. Arpio huiꞌnin inasoꞌ. Aꞌna Simontaꞌ yaꞌhuërin. Inasoꞌ copirno noꞌhuinaꞌpiroꞌsaꞌ imapirinhuëꞌ, inantaꞌ Quisoso imarin. Aꞌna Cotasëntaꞌ yaꞌhuërin. Santiaco huiꞌnin inasoꞌ.

Hechos 20:9

Aꞌna huiꞌnapi Iotico itopisoꞌ, huintanaquë huënsëápirinhuëꞌ, Paono huaꞌquiꞌ aꞌchinpachina, inaso huëꞌëiꞌ iquitaton, iquëtërarin quëran anotërin. Cara paꞌcotë quëran anotohuachina nohuararahuatonaꞌ nimapirinahuëꞌ, chiminin quënamapi.