Hechos 20:37 - Chayahuita (Shahui)

³⁷ Naporoꞌ yaꞌipiya sëtatonaꞌ, naꞌnëpi. Paono iporahuatonaꞌ, apinopi.

Hechos 20:37 ပူးပေါင်းရင်းမြစ်များ

Génesis 45:14

Napotahuaton, iyaꞌhuain iporin. Ina iporin quëran naꞌnërin. Mincamintaꞌ, Cosi iporin quëran naꞌnërin.

Génesis 46:29

Iin cantomarahuaton Cotasoꞌ, paꞌpini nanan aꞌpatërinso shaꞌhuitërin. Shaꞌhuitohuachina Cosisoꞌ, aꞌnaroáchin piyapinënpita camairin toronanën tapacaiso marëꞌ. Inaquë huënsërahuaton, Cotarë chachin paꞌnin. Paꞌsahuaton paꞌpin quënanconpachina, iporin. Iporinquëranchin huaꞌqui naꞌnërárin.

2 Samuel 15:30

Tapisoꞌ Oriposë motopiaꞌhua nanpëtacaso marëꞌ sapatën ocoirin. Ocoirahuaton iꞌnanpirantë nanpëontarin. Motëonta moꞌshiquë nipashimototahuaton, naꞌnërëꞌnachin nanpërin. Yaꞌipi imapisopitanta inapochachin nicatona paꞌsapi. Sëtopisoꞌ nitotacaiso marëꞌ napopi.

1 Reyes 19:20

Naporo chachin Irisiosoꞌ, tororoꞌsa aꞌporin. Ina quëran taꞌarahuaton icantoonin: —Imasaranquën mini sinioro. Napoaponahuëꞌ, quëtoco paato, tata, mama, inapita nonta nontaꞌi, itërin. —Noya paquëꞌ. Ama napoaponahuëꞌ, napotëranquënsoꞌ naniantëquësohuëꞌ, itërin Iniasëri.

Copo naporinso' 2:12

Aquëranchin notërahuatona niꞌpirinahuëꞌ, inaso nishinahuën yaꞌnorin niꞌton, co nohuitopihuëꞌ. Noya nohuitahuatonaꞌ, chiníquën naꞌnëtopi. Co napion ancantatonaꞌ, aꞌmopiso oshapi. Naporahuatona amocan inápaquë taꞌsapi. Inaquë chachin nisëꞌmomotopi. Napopi.

Salmos 126:5

Parisitatoi naꞌnërëꞌnachin shaꞌtërai. Napoaponahuëꞌ, shaꞌtëraisoꞌ nanitohuachina, capa cancantatoi masarai.

Lucas 15:20

Ina quëran paꞌpin yaꞌhuërinꞌpaꞌ paantarin. Yaꞌcaritëriahuasoꞌ, aquë quëran paꞌpini quënanin. Quënanahuaton, naꞌcon nosoroaton, taꞌaparin. Iporahuaton, apinorin.

Romanos 16:16

Imaramasopita capini noya ninosoroatomaꞌ, nisëꞌquëcoꞌ. Aꞌnapita Quisocristo imarinsopitantaꞌ nisha nisha parti yaꞌhuëpisopita saludos aꞌpatarinënquëmaꞌ.

1 Corintios 16:20

Yaꞌipicoi saludos aꞌpatarainquëmaꞌ. Noya iyaroꞌsaꞌ yaꞌhuëcoꞌ, tënai. Noya ninosoroatomaꞌ, nisëꞌquëcoꞌ.

2 Corintios 13:12

Noya ninosoroatomaꞌ, imaramasopita capini nisëꞌquëcoꞌ.

1 Tesalonicenses 5:26

Imaramasopita capini noya ninosoroatomaꞌ, nisëꞌquëcoꞌ.

2 Timoteo 1:4

Iráca yapatohuatënquëna, sëtaton naꞌnëran. Ina yonquiato, naꞌcon yaniꞌnanquën. Onpopiontaꞌ nicato noya cancanchi, tënahuë.

Apocalipsis 21:4

Yosëri chachin naꞌnëiꞌ amirayatarin. Co huachi chiminaponahuëꞌ. Co huachi sëtaponahuëꞌ. Co huachi naꞌnëponahuëꞌ. Co piꞌpisha tërantaꞌ iquitaponahuëꞌ. Iráca naꞌcon parisitopirinahuëꞌ, co huachi ina pochin yaꞌhuaponahuëꞌ. Noya noya yaꞌhuaponaꞌ, tënin.

Apocalipsis 7:17

Niꞌcoꞌ. Huaꞌanëni ohuicanënpita noya aꞌpaiarin. Quëchitërahuaton, noya iiꞌ aꞌnotërin oꞌocaiso marëꞌ. Inapochachin Carniroaꞌhuari imapisopita aꞌpaiarin. Yosëꞌpaꞌ noya noya nanpiapi. Yosëri chachin naꞌnëiꞌ amitarin niꞌton, co huachi sëtaponahuëꞌ, itërinco.

1 Samuel 20:41

Nani paꞌpachina, naꞌpiroꞌsa imopisoꞌ aquëtëran quëran Tapi pipirin. Pipirahuaton Conatan notënanquë isonahuaton, noꞌpaquë huarëꞌ monshomarin. Noya nicaton cararo napotërin. Ina quëran nisëꞌquërahuatonaꞌ, ninaꞌnëtopi. Tapisoꞌ naꞌcon naꞌcon naꞌnëton sëto inquiahuarëꞌ naꞌnërin.