Hechos 20:34 - Chayahuita (Shahui)

³⁴ Caora sacatonëhuë quëran coshatërahuë, maꞌsha pahuantërincosoꞌ paꞌanahuë. Caꞌtanincosopitantaꞌ quëtërahuë. Ina nitotëramaꞌ.

Hechos 20:34 ပူးပေါင်းရင်းမြစ်များ

2 Reyes 6:2

Cortaniiꞌ yonsanꞌpaꞌ paꞌsahuatoi, inaquë huachi pëicaꞌhuaiso marëꞌ nara mai, topiraihuëꞌ, itopi. —Noyapaꞌ. Paco nipachin, itërin Irisiori.

Hechos 18:3

Paonosoꞌ nëꞌmëtëꞌ pëiroꞌsaꞌ ninaꞌpi. Aquirontaꞌ inaquë chachin sacatërin niꞌton, inaquë yacapatërin nicatahuacaiso marëꞌ.

Hechos 19:22

Timotio, Irasito, inapitari inaquë catahuapirinahuëꞌ, Paonori aꞌparin Masitonia parti imapisopita aꞌchintacaiso marëꞌ. Inaso nipirinhuëꞌ, huaꞌquimiachin Asia parti quëparitantarin.

Hechos 19:29

Ina quëran yaꞌipi piyapiꞌsaꞌ noncaropi. Noꞌhuitatonaꞌ, Paono caꞌtaninsopita mapi, Acayo, Aristarico inapita itopisoꞌ. Inapitasoꞌ masitoniaroꞌsaꞌ. Chiníquën masahuatonaꞌ, huëntëntërahuatonaꞌ, niyontonpiso iꞌiratëquë quëpapi.

Hechos 20:35

Canpitantaꞌ nonanco. Sacatatomaꞌ, pahuantërinsopita maꞌsha quëtocoꞌ. Sinioro Quisoso noninsoꞌ yonquicoꞌ. ‘Aꞌnapita maꞌsha topinan quëtohuachinquëmaꞌ, noya cancantëramaꞌ. Nipirinhuëꞌ, canpitarintaꞌ nosoroatomaꞌ, topinan quëtohuatamaꞌ, noya noya cancantaramaꞌ,’ tënin Quisoso,” itërin Paonori.

1 Corintios 4:12

Chiníquën sacatatoi, canotërai. Noꞌhuipirinacoihuëntaꞌ, noya nontërai. Aparisitohuachinacoirantaꞌ, co noꞌhuiraihuëꞌ. Ahuantërai.

1 Tesalonicenses 2:9

Canpitataquë yaꞌhuasocoi, chiníquën sacatatoi, aꞌchintërainquëmaꞌ. Tahuërirë chachin tashirë chachin sacatërai ama topinan maꞌsha maꞌpacaꞌhuainquëmaso marëhuëꞌ. Quiyaora sacatonëhuëi quëran coshatërai. Naporahuatoi, Yosë nanamën aꞌchintërainquëmaꞌ. Co ina naniantëramahuëꞌ, tënahuë.

Tito 3:15

Caꞌtaninacosopita yonquiatënënquën, saludos aꞌpatarinënquën. Yaꞌipi imaramasopita yonquiarainquëmaꞌ. Noya yaꞌhuëcoꞌ canpitantaꞌ, tënai. Quisocristo imaramaꞌ niꞌton, nosororamacoi. Yosë inaora nohuanton, noya catahuainquëmaꞌ. Nani ninshitëranquëma huachi. Paono