Hechos 20:26 - Chayahuita (Shahui)

^26-27 Yaꞌipi Yosë yonquirinpoasoꞌ nani shaꞌhuitëranquëmaꞌ. Napoaton noꞌtëquën itëranquëmaꞌ. Insosona co natëhuachinahuëꞌ, ina marëꞌ co Yosë anaꞌintarincohuëꞌ. Inahuara tëhuënënaquë ninaꞌintapi.

Hechos 20:26 ပူးပေါင်းရင်းမြစ်များ

Juan 12:17

Nasaro ananpitaantarinsoꞌ niꞌpisopita shaꞌhuirápi. “Tëhuënchachin chiminpirinhuëꞌ, catapini tahuëri quëran Quisosori ananpitaantarin. Poꞌmopi quëran përarin quiyari niꞌnai,” tosapi.

Juan 19:35

Cari chachin niꞌnahuë. Noꞌtëquën shaꞌhuitaranquëmaꞌ canpitantaꞌ nitotatomaꞌ natëcamaso marëꞌ.

Hechos 18:6

Inapitaso nipirinhuëꞌ noꞌhuitonaꞌ, Paono pinopi. Napoaton tananpitërin. —Tëhuënchachin Yosë anaꞌintarinquëmaꞌ. Nani yaꞌipi aꞌchintopiranquëmahuëꞌ, co yanatëramahuëꞌ niꞌton, canpitaora tëhuënëmaquë ninaꞌintaramaꞌ. Iporaso nisha piyapiꞌsaꞌ aꞌchintarahuë huachi, tënin Paono.

Romanos 10:2

Tëhuënchachin Yosë yachinotopirinahuëꞌ, co nanamën noꞌtëquën yonquipihuëꞌ.

2 Corintios 1:23

Yaꞌipi yonquirahuësoꞌ Yosë nitotërin. Ina niꞌsárinco niꞌton, noꞌtëquën nontaranquëmaꞌ. Co nohuantërahuëꞌ canpitataquë chiníquën pënënaꞌhuanquëmasoꞌ. Napoaton co iꞌhua niꞌconanquëmahuëꞌ. Naporoꞌ paꞌnahuë naporini, co noyahuëꞌ ninamaso marëꞌ chiníquën pënënaꞌhuanquëmasoꞌ yaꞌhuëꞌitonhuëꞌ.

2 Corintios 7:2

Cancanëma quëran huarëꞌ nosorocoi. Co aꞌnayanquëma tërantaꞌ maꞌsha onpotërainquëmahuëꞌ. Co anishacancantërainquëmahuëꞌ. Co nonpintërainquëmahuëꞌ.

2 Corintios 8:3

Co apiratonahuëꞌ, naꞌcon quëtopi. Pahuantaiquëhuarëꞌ quëtopi, cari niꞌnahuë. Co shaꞌhuitopiraihuëꞌ, inahuara nohuantatonaꞌ, quëtërinacoi pahuantërinsopita quëtacaꞌhuaiso marëꞌ.

1 Timoteo 5:22

Ansiano yaacohuatan, noya yonquiaton, oshaquëran acoquëꞌ. Aꞌnaroáchin acohuatan, co noyahuëꞌ nipachina, quëmantaꞌ naꞌianan. Noyasáchin niquëꞌ.