Hechos 20:24 - Chayahuita (Shahui)

²⁴ Yatëpapirinacohuëntaꞌ, co casoꞌ tëꞌhuatërahuëꞌ. Co ina yonquirahuëꞌ. Sinioro Quisoso natëaꞌhuasoáchin cancantërahuë. Iráca ina shaꞌhuitërinco aꞌchinaꞌhuaso marëꞌ. ‘Yosëri yaꞌipi piyapi nosoroaton, anoyacancantacasoꞌ nohuantërin. Ina noya nanan chachin aꞌchintonquëꞌ,’ itërinco. Napoaton paato, aꞌchintárahuë. Co chiminaꞌhuasoꞌ tëꞌhuatërahuëꞌ.

Hechos 20:24 ပူးပေါင်းရင်းမြစ်များ

Juan 15:27

Canpitantaꞌ aꞌchinaramaꞌ aꞌnapitantaꞌ nohuitinacoso marëꞌ. Yaꞌnan aꞌchinahuë quëran huarëꞌ nohuitëramaco niꞌton, naporahuësoꞌ shaꞌhuitaramaꞌ.

Juan 17:4

Piyapiꞌsaꞌ nichaꞌëcaꞌhuaso marëꞌ aꞌpaimaranco. Yaꞌipi shaꞌhuitërancosoꞌ natëarahuë. Yaꞌipi tiquirahuë. Quëmasáchin natëranquën niꞌton, piyapiꞌsaꞌ noya niꞌsarinënquën.

Hechos 11:23

Inaquë canconahuaton, “Tëhuënchachin nisha piyapiꞌsantaꞌ imasapi. Yosëri naꞌcon catahuarin,” taꞌton, noya cancantërin. Pirnapisoꞌ noya quëmapi. Yosë noya natërin. Ispirito Santori noyá yaꞌcoancantërin niꞌton, piyapiꞌsaꞌ pënënin: “Ama Sinioro aꞌpocosohuëꞌ. Yaꞌipi cancanëma quëran huarëꞌ imamiatocoꞌ,” itërin. Pënënpachina, aꞌnapitantaꞌ Quisoso imapi.

Hechos 13:25

Coansha pënëntërinsoꞌ yatiquihuachina, noꞌtëquën shaꞌhuirin. “ ‘Quëmasoꞌ Cristonquën,’ itopiramacohuëꞌ, co casoꞌ inacohuëꞌ. Nipirinhuëꞌ, ca piquëran huëꞌsarin. Inasoꞌ noya noya. Co casoꞌ maquëyancohuëꞌ niꞌto, co sapatën iꞌquiritaꞌhuaso tërantaꞌ nanitarahuëꞌ,” itërin.

Hechos 14:3

Huaꞌquiꞌ inaquë Paono yacapatërin. Pirnapirë chachin inaquë yaꞌhuëpi. Chiníquën cancantatonaꞌ, Siniorori nosororinsoꞌ shaꞌhuirápi. Noꞌtëquën shaꞌhuipi niꞌton, Siniorori catahuarin caniaꞌpiroꞌsaꞌ aꞌnaroáchin anoyatacaisoꞌ. Ina niꞌsahuatonaꞌ, “Tëhuënchachin Yosë catahuarinquëmaꞌ,” itopi.

Hechos 15:7

Huaꞌquiꞌ ninontohuachinara, Pitro huanirahuaton, itërin: —Cantaꞌ iyaroꞌsaꞌ piꞌpian shaꞌhuichinquëmaꞌ. Nani iráca Yosë acorinco nisha piyapiꞌsaꞌ shaꞌhuitaꞌhuaso marëꞌ. Ina nohuanton, Quisoso nanamën shaꞌhuitërahuë. Inapitantaꞌ natanahuatonaꞌ, natëpi. Natëtonaꞌ, imasapi. Ina nitotëramaꞌ canpitantaꞌ.

Hechos 18:5

Ina quëran Sirasë Timotiorë chachin Masitonia parti quëran canquipi. Canquihuachinara, Paono naꞌcon naꞌcon aꞌchinarin quënaimapi. Nani tahuëri cotioroꞌsa Quisoso nanamën aꞌchintárin. “Inaso Cristo, Yosëri aꞌpaimarinsoꞌ,” itaton naꞌcon pënënin.

Hechos 20:21

Co cotioroꞌsaráchin pënënahuëꞌ. Cricoroꞌsantaꞌ pënënahuë. ‘Co noyahuëꞌ yonquiramasopita naniantatomaꞌ, Yosë chachin tahuërëtantacoꞌ. Sinioro Quisoso natëco huachi. Inasáchin anoyacancantërinpoasoꞌ,’ itëranquëmaꞌ. Yaꞌipinquëmaꞌ aꞌchintëranquëmaꞌ.

Hechos 20:23

Nisha nisha ninanoroꞌsaquë paꞌpatora, Ispirito Santo nohuanton, shaꞌhuitëraꞌpiarinaco: ‘Quirosarinquë paꞌpatan, tashinan pëiquë poꞌmoarinënquën, chiníquën aparisitarinënquën,’ itërinaco.

Hechos 20:32

Paꞌpato, Yosë noya aꞌpainquëmaꞌ. Quiricanën quëran nontarinquëmaꞌ. Ina quëran nosororinpoasoꞌ anitotarinpoaꞌ. Ina natëhuatamaꞌ, achinicancanarinquëmaꞌ. Oshaquëran noya noya cancantaramaꞌ. Quisocristo imarëhuaꞌ niꞌton, anoyacancantërinpoaꞌ. Ina nohuanton, aꞌna tahuëri yaꞌipi shaꞌhuitërinpoasoꞌ noya acotarinpoaꞌ.

Hechos 21:13

—¿Onpoatontaꞌ naꞌnëtomaꞌ asëtaramaco? Ama huachi naꞌnëcosohuëꞌ. Inatohuaꞌ paꞌpato, yatonpoarinaco. Nipirinhuëꞌ, yapaꞌsarahuë. Sinioro Quisoso imarahuëso marëꞌ yatëpapirinacohuëntaꞌ, paꞌsarahuë, itërincoi.

Hechos 22:21

‘Ina nipirinhuëꞌ, paquëꞌ. Aquë yaaꞌparanquën nisha piyapiꞌsaꞌ aꞌchintamaso marëꞌ,’ itërinco. Napoaton nisha piyapiꞌsaꞌ aꞌchintarahuë,” tënin Paono.

Hechos 9:15

“Iꞌhua mini co noyahuëꞌ yonquipirinhuëꞌ, nani huayonahuë ca nanamëhuë aꞌchinacaso marëꞌ. Nisha nisha piyapiꞌsaꞌ aꞌchintarin imainacoso marëꞌ. Huaꞌanoꞌsanënpitantaꞌ shaꞌhuitarin. Israiroꞌsantaꞌ aꞌchintarin imainacoso marëꞌ.

Romanos 11:6

Inaora nohuanton, catahuarin. Co noya nipiso marëꞌ catahuarinhuëꞌ. Noya nipiso marëꞌ huayonin naporini, co huachi inaora nohuanton, catahuacasoꞌ yaꞌhuëꞌitonhuëꞌ.

Romanos 4:4

Niꞌcoꞌ. Piyapiꞌsaꞌ sacatohuachinara, pahuërëcasoꞌ yaꞌhuërin. Inapochachin noꞌtëquën natërëhuaꞌ naporini, Yosë noya nicainpoasoꞌ yaꞌhuëꞌitonhuëꞌ.

1 Corintios 15:58

Napoaton iyaroꞌsaꞌ chiníquën cancantocoꞌ. Nosororanquëmaꞌ niꞌton, pënënaranquëmaꞌ: Ama nisha nisha yonquicosohuëꞌ. Naporahuaton, paatomaꞌ aꞌnapita aꞌchintëraꞌpiacoꞌ. Sinioro catahuahuachinquëmaꞌ, co onporontaꞌ topinan quëran aꞌchinaramahuëꞌ. Aꞌchinpatamaꞌ, Yosëri nohuantërinsopita imasapi huachi.

2 Corintios 12:10

Napoaton co chiníquën cancantopirahuëꞌ, co paꞌyanahuëꞌ. Pinopachinacora, co noꞌhuitërahuëꞌ. Maꞌsha pahuantopirincohuëꞌ, co ina yonquirahuëꞌ. Quisocristo imarahuëso marëꞌ aparisitohuachinacora, ahuantërahuë. Sacaiꞌ nipirinhuëꞌ, nóya cancantërahuë. “Co caora nanitohuatërahuëꞌ, naꞌcon naꞌcon catahuarinco,” taꞌto, chini chiníquën cancantërahuë.

2 Corintios 4:1

Yosë nosoroatoncoi, acorincoi ina nanamën aꞌchinaꞌhuaiso marëꞌ. Ina yonquiatoi, co yaaꞌporaihuëꞌ.

2 Corintios 4:12

Aꞌchintërainquëmaso marëꞌ aparisitatonacoi, yatëpapirinacoihuëꞌ, canpitasoꞌ imaramaꞌ. Quisocristo anoyacancantërinquëmaꞌ niꞌton, nanpimiataramaꞌ, tënahuë.

2 Corintios 5:8

Napoaton chiníquën cancantërëhuaꞌ. “Chiminpatëhuaꞌ, Quisocristorëꞌquënpoaꞌ yaꞌhuëcontarihuaꞌ. Inasoꞌ noya noya,” tënëhuaꞌ.

2 Corintios 7:4

Tëhuënchachin nóya niꞌnanquëmaꞌ. “Corintoquë yaꞌhuëpisopita noya imapi,” itërahuë yaꞌipi piyapiꞌsaꞌ. Parisitaporahuëꞌ, canpita yonquiatënquëmaꞌ, nóya cancantërahuë.

Gálatas 1:1

Ca Paonoco ninshitaranquëmaꞌ, niꞌcoꞌ. ¿Noyanquëmaꞌ canpitantaꞌ? Noya cantaꞌ yaꞌhuarahuë. Quisocristo acorinco nanamën aꞌchinaꞌhuaso marëꞌ. Co piyapiꞌsaꞌ inahuara nohuanton aꞌparinacohuëꞌ aꞌchinaꞌhuaso marëꞌ. Co inapita acorinacohuëꞌ. Tata Yosë chachin acorinco. Ina nohuanton, Quisocristo nanpiantarin huachi. Nani nanpiantohuachina, ina chachin nanan quëtërinco aꞌchinaꞌhuaso marëꞌ.

Efesios 1:6

Huiꞌnin naꞌcon nosororin. Ina imapatëhuaꞌ, canpoantaꞌ naꞌcon nosoroarinpoaꞌ. Ina yonquiatëhuaꞌ, “Ma noyacha Tata Yosësoꞌ niꞌton, inaora nohuanton, nosororinpoa paya,” tosarëhuaꞌ.

Efesios 3:13

Aꞌchintëranquëmaꞌ niꞌton, tashinan pëiquë poꞌmorinaco. Parisitapirahuëꞌ, chiníquën cancantocoꞌ. Canpitantaꞌ Quisocristo imacamaso marëꞌ parisitërahuë. Ina marëꞌ noya cancantacasoꞌ yaꞌhuërin.

Filipenses 2:17

Iráca maꞌsha Yosë marëꞌ tëpahuachinaꞌ, huinontaꞌ opotopi. Inapochachin cantaꞌ canpita noya noya imacamaso marëꞌ tëpahuachinacontaꞌ, noya nisarin, co sëtarahuëꞌ. Aꞌchintëranquëmaꞌ niꞌton, noya imaramaꞌ. Napoaton noya cancantërahuë.

Colosenses 1:24

Imarëhuasopita marëꞌ Quisocristo chiníquën parisitërin. Parisitaton, huëntonënquë ayaꞌconinpoaꞌ. Ina quëran imarëhuasopitantaꞌ parisitacasoꞌ yaꞌhuërin aꞌnapitantaꞌ imacaiso marëꞌ. Napoaton ipora cantaꞌ parisitarahuë canpitantaꞌ imacamaso marëꞌ. Parisitaporahuëꞌ, noya cancantërahuë.

1 Tesalonicenses 2:2

Piriposëquë aꞌchinapiraihuëꞌ, noꞌhuitonacoi, chiníquën aparisitërinacoi. Inapotopirinacoihuëꞌ, canpitataquë canconpatëira, co tëꞌhuaraihuëꞌ. “Yosë catahuarincoi,” taꞌtoi, Quisocristo nanamën aꞌchintërainquëmaꞌ. Aꞌnapita noꞌhuipirinacoihuëꞌ, chiníquën cancantatoi, pënënainquëmaꞌ.

1 Tesalonicenses 3:3

Canpitantaꞌ parisitapiramahuëꞌ, co nohuantëraihuëꞌ nisha nisha yonquicamasoꞌ. Co ina marëꞌ aꞌpocasoꞌ yaꞌhuërinhuëꞌ. Quisocristo imapatëhuara, aparisitërinënpoaꞌ. Yosë nohuanton, ina marëꞌ parisitarëhuaꞌ, nani nitotëramaꞌ.

2 Timoteo 1:12

Ina marëꞌ aparisitopirinacohuëꞌ, co tapanato yaaꞌporahuëꞌ. Quisocristo imamiatarahuë. Ina nohuitato, inasáchin natërahuë. Yaꞌipi nanitaparin. Nani shaꞌhuitërinco nanamën aꞌchinaꞌhuasoꞌ niꞌton, noya aꞌpaiarinco. Oꞌmantaquë huarëꞌ nanamën yaꞌhuëmiatarin, tënahuë.

2 Timoteo 3:11

Aparisitopirinacohuëꞌ, ahuantërahuë. Yaꞌipi niꞌnan niꞌton, nitotëran. Antioquiaquë, Iconioquë, Nistraquë, inaquëpita chiníquën parisitaporahuëꞌ, Sinioro catahuarinco niꞌton, chaꞌërahuë.

2 Timoteo 4:17

Taꞌananpipirinacohuëꞌ, Quisocristo catahuarinco. Co patërincohuëꞌ. Achinicancaninco niꞌton, inaquëntaꞌ yaꞌipi Yosë nanamën shaꞌhuirahuë. Nisha nisha piyapiꞌsaꞌ nani natanpi. Paꞌpiniꞌ yamaninposo pochin yatëpapirinacohuëꞌ, Yosë catahuarinco, chaꞌërahuë.

Tito 1:3

Iporaso huachi tahuëri nanihuachina, inaora nohuanton, nanamën anitotërinpoaꞌ. Yosë shaꞌhuitërinco niꞌton, ina nanan chachin pënënanquëmaꞌ. Inasoꞌ nichaꞌësarinpoaꞌ.

Tito 2:11

Inaora nohuanton, Yosë nosororinpoaꞌ. Niꞌton, huiꞌnin chachin aꞌpaimarin nanamën anitotinpoaso marëꞌ. Inasoꞌ yaꞌipi piyapinpoaꞌ nichaꞌëinpoasoꞌ nohuantërin.

Hebreos 10:34

Tashinan pëiquë poꞌmohuachinara, co tëꞌhuatomarahuëꞌ, nicapomaꞌ paꞌnamaꞌ. Paatomaꞌ, catahuaramaꞌ. Canpitantaꞌ imaramaso marëꞌ maꞌshanëmaꞌ osërëtopirinënquëmahuëꞌ, co sëtëramahuëꞌ. “Yosë chachin nohuitërëhuaꞌ. Nasha cancan quëtërinpoaꞌ. Co insontaꞌ nanitërinhuëꞌ inasoꞌ osërëtinpoasoꞌ,” taꞌtomaꞌ, nóya cancantëramaꞌ.

1 Pedro 5:12

Iya Siripano catahuarinco ninshitaꞌhuanquëmasoꞌ. Inasoꞌ noya niꞌnahuë. Noya imarin. Nani piꞌpian ninshitëranquëmaꞌ pënënaꞌhuanquëmaso marëꞌ. Yosë yonquirinpoaso chachin nani shaꞌhuitëranquëmaꞌ. Noya nosororinpoaꞌ, tënahuë. Ina yonquiatomaꞌ, ama aꞌpocosohuëꞌ.

1 Juan 3:16

Quisocristoso nipirinhuëꞌ naꞌcon nosoroatonpoaꞌ, nichaꞌëinpoaso marëꞌ chiminin. Chiminaton, nosororinpoasoꞌ anitotërinpoaꞌ. Inapochachin iyaroꞌsaꞌ, yaꞌipi Quisocristo imapisopita nosorocasoꞌ yaꞌhuërin. Naꞌcon ninosoroaꞌahuaꞌ. Quisoso yaꞌhuërënamënpoaꞌ chimininso pochachin nosorocasoꞌ yaꞌhuërin.

Apocalipsis 12:11

Carniroaꞌhua chiminaton, huënainën quëran anoyacancantërinpoaꞌ niꞌton, sopai minsërëhuaꞌ. Nanamën shaꞌhuitatëhuaꞌ, minsërëhuaꞌ. Yatëpapirinënpoahuëntaꞌ, co aꞌporëhuahuëꞌ, tosapi.

Apocalipsis 6:11

Napotohuachinara, Yosëri itërin: —Ninatacoꞌ. Oshaquëran anaꞌintarahuë. Co tahuëri naniyatërarinhuëꞌ. Aꞌnapita imarinacosopita ipora huantaꞌ pënëntapi. Aꞌnaquën tëpaantahuachinaꞌ, isëquë chachin huëantapi antaꞌ. Naporo huarëꞌ tëparinënquëmasopita noꞌtëquën anaꞌintarahuë, itërin. Itahuaton, huiríchin aꞌmocaisoꞌ quëtërin. Noyápiachin cancantopi niꞌton, huiríchin aꞌmotërin.