Hechos 20:2 - Chayahuita (Shahui)

² Masitonia parti paꞌtaton, pënënaꞌpiarin achinicancanacaso marëꞌ. Inapotaton, Crisia parti canconin.

Hechos 20:2 ပူးပေါင်းရင်းမြစ်များ

Zacarías 9:13

Cota huënton israiroꞌsanquëmaꞌ. Canpitasoꞌ, pëꞌchinanëhuë pochin nicamaso marëꞌ acoaranquëmaꞌ. Aꞌnapita israiroꞌsaso nipirinhuëꞌ, shinërënëhuë pochin acoarahuë. Quirosarinquë yaꞌhuëpisopitantaꞌ, sahuëninëhuë pochin nicacaiso marëꞌ acoarahuë. Ca nohuanton canpitasoꞌ, cricoroꞌsa ahuëatoma minsëapomaꞌ,” tënin.

Lucas 3:18

Nani tahuëri ina pochin piyapiꞌsaꞌ pënënárin. Yosë nanamën aꞌchintárin.

Hechos 14:22

Cara ninanoquë chachin Quisoso imapisopita pënënaꞌpiapi. “Ama iyaroꞌsaꞌ Quisoso aꞌpocosohuëꞌ. Imamiatocoꞌ. Aꞌnapita aparisitarinënpoaꞌ. Parisitacasoꞌ yaꞌhuërin. Parisitatëhuaꞌ, Yosë huaꞌanëntërinquë yaꞌconarëhuaꞌ. Napoaton noya ahuantocoꞌ,” itopi. Pënënpachinara, achinicancanpi.

Hechos 15:41

Yaꞌipi Siria parti paꞌtatonaꞌ, nisha nisha ninanoquë paꞌpi. Quisoso imapisopita pënënaꞌpiapi chiníquën cancantacaiso marëꞌ. Sirisia partintaꞌ paantatonaꞌ, inachachin pënëantapi. Quisoso nanamën shaꞌhuitatonaꞌ, imapisopita achinicancanpi.

Hechos 16:12

Nani Masitonia parti canconpatoira, ira paꞌtatoi, Piriposëquë canconai. Inasoꞌ panca ninanoꞌ. Copirnori acorinsoꞌ niꞌton, inaquë naꞌa Nomaroꞌsaꞌ yaꞌhuëpi. Huaꞌquimiáchin inaquë yaꞌhuërai.

Hechos 17:1

Ina quëran Anpiporisë naꞌhuëtahuatonaꞌ, Aporoniantaꞌ naꞌhuëtaantapi. Ina quëran Tisaronicaquë canconpi. Inaquë cotioroꞌsaꞌ niyontonpiso pëiꞌ yaꞌhuërin.

Hechos 17:10

Quisoso imapisopita pipirahuatonaꞌ, yaꞌhuëpiꞌpaꞌ paantapi. Naporoꞌ tashiꞌ Paono, Sirasë, inapita Piriaquë aꞌpapi. Inaquë canconahuatonaꞌ, cotioroꞌsaꞌ niyontonpiso pëiquë paꞌpi aꞌchinacaiso marëꞌ.

Hechos 2:40

Itahuaton, naꞌcon pënënin. —Ipora yaꞌhuëpisopita co mantaꞌ Yosë yanatëpihuëꞌ. Ina marë noꞌtëquën anaꞌintarin. Canpitaso nipirinhuëꞌ ama inapita pochin cancantocosohuëꞌ. Yosë nontocoꞌ anoyacancanchinquëmaꞌ. Ina quëran chaꞌësaramaꞌ, itërin.

Hechos 20:1

Piyapiꞌsaꞌ nani yanquëëhuachinara, co huachi noꞌhuitantapihuëꞌ. Ina quëran Paono yapaantarin. Yaꞌipi imapisopita amatahuaton, achinicancanin. Ina quëran “Paꞌsarahuë huachi,” topachina, “Osharan paquëꞌ,” itohuachinara, Masitoniaquë paꞌnin.

Hechos 20:11

Ina quëran pëiquë nanpëonantarin. Quisoso chimininsoꞌ yonquiatonaꞌ, coshatopi. Nani coshatohuachinara, ninontatonaꞌ, tahuërianpitopi. Ina quëran paꞌnin.

Hechos 20:3

Inaquë cara yoqui yacapatërin. Ina quëran Siria parti yapaꞌpirinhuëꞌ. Nanchaquë yayaꞌconasoꞌ, cotioroꞌsari yatëpapisoꞌ natantërin. Napoaton co inaquë paꞌninhuëꞌ. “Masitonia parti paantarahuë,” taꞌton, ira paꞌtërin.

1 Corintios 4:19

Tëhuënchachin nicaponquëmaꞌ yapaꞌsarahuë. Yosë nohuanton, co huaꞌquiya quëranhuëꞌ paꞌsarahuë. Naporoꞌ nocaninacosopita niꞌsarahuë. Naꞌcon nonpirinahuëꞌ, co nimara nanitapapihuëꞌ Yosë marëꞌ noya sacatacaisoꞌ.

Colosenses 1:28

Napoaton Quisocristo nanamën aꞌchinárai. Yaꞌipi piyapi pënënárai. Noya yonquiatoi, aꞌchintarai Quisocristo imacaiso marëꞌ. Ina imapatamaꞌ, noya noya cancantaramaꞌ.

1 Tesalonicenses 2:11

Yaꞌipinquëmaꞌ pënënainquëmaꞌ, nitotëramaꞌ. Aꞌnaya aꞌnayanquëmaꞌ nontërainquëmaꞌ noya imacamaso marëꞌ. Quëmapi huiꞌninpita aꞌchintërinso pochin aꞌchintërainquëmaꞌ.

1 Tesalonicenses 2:3

Co nonpin nanan aꞌchintërainquëmahuëꞌ. Co nisha nisha nicacaso marëꞌ aꞌchintërainquëmahuëꞌ. Co piꞌpian tërantaꞌ nonpintërainquëmahuëꞌ.

1 Tesalonicenses 4:1

Iporasoꞌ iyaroꞌsaꞌ Sinioro Quisoso nanan quëtërincoi niꞌton, pënëantarainquëmaꞌ. Iráca pënënainquëmaꞌ noya nicacamaso marëꞌ. “Noya nipatamaꞌ, Yosë noya niꞌsarinquëmaꞌ,” itërainquëmaꞌ, natëramacoi. Iporasoꞌ aquë aquëtëꞌ natëtatomaꞌ, noyasáchin nicoꞌ, tënahuë.