Hechos 2:7 - Chayahuita (Shahui)

⁷ Chiníquën paꞌyanatonaꞌ, ninontopi. —Maꞌpitataꞌ natanëhuasoꞌ. Isopitaso Cariria parti yaꞌhuëpisopitaráchin niponaraihuëꞌ,

Hechos 2:7 ပူးပေါင်းရင်းမြစ်များ

Mateo 21:11

—Coꞌta Quisoso, Cariria parti yaꞌhuërinsoꞌ. Nasarito quëran huëcaton, naꞌcon pënëntërin, itopi.

Mateo 26:73

Ina quëran huaꞌquimiachin nisahuasoꞌ, aꞌnapitarintaꞌ itaantapi: —Tëhuënchachin quëmantaꞌ Quisoso caꞌtanan. Cariria piyapi pochin nonan quëran nohuitërainquën, itopi.

Mateo 8:10

Quisosori natanahuaton, paꞌyatërin. Napoaton piyapiꞌsaꞌ itapon: —¡Ma noyacha iso quëmapi natërinco paya! Nisha piyapi niponahuëꞌ, israiroꞌsa quëran noya noya natërinco.

Marcos 1:27

Yaꞌipi piyapiꞌsaꞌ paꞌyanahuatonaꞌ, ninontapi: —¿Maꞌpítataꞌ niꞌsarëhuasoꞌ? Quisososoꞌ co aꞌnapita pochin aꞌchininhuëꞌ. Chini chiníquën nanantaton, sopairoꞌsa quëran huarëꞌ camaihuachina, natëpi, topi.

Marcos 2:12

Itohuachina, aꞌnaroáchin noyatahuaton, huanirin. Pëꞌsaraꞌhuaya masahuaton, yaꞌhuërinquë paantarin. Ina niꞌsahuatonaꞌ, piyapiꞌsaꞌ paꞌyanpi. —¡Ma noyacha Yosëso niꞌton, aꞌnaroáchin anoyatërin paya! Co onporontaꞌ ina pochin niꞌchinëhuahuëꞌ, topi.

Juan 7:52

—¿Quëmantaꞌ Cariria parti quëran huëꞌnan? Yosë quiricanën nontëquëꞌ. Pënëntonaꞌpi co onporontaꞌ Cariria quëran huëcaponhuëꞌ, itopi. [

Hechos 1:11

—¿Maꞌmarëtaꞌ caririaroꞌsanquëmaꞌ inápaquë nëꞌpëtëramaꞌ? Quisoso nani pantarin. Yosëri inápaquë quëpantapirinhuëꞌ, ina chachin oꞌmantararin. Inápaquë paꞌninso pochachin aꞌna tahuëri oꞌmantararin, itërin.

Hechos 2:12

Maꞌpitataꞌ napopi,” taꞌtonaꞌ, paꞌyanpi. —¿Onporahuatonataꞌ naponontërinënpoaꞌ? topi.

Hechos 2:8

¿onporahuatonataꞌ canpoaꞌ nisha nisha nananquë nonëhuaso pochachin inahuantaꞌ aꞌnaroáchin nonpi? topi.

Hechos 3:10

Niꞌsahuatonaꞌ, piyapiꞌsari nohuitopi niꞌton, paꞌyanpi. “Isosoꞌ quëmapi, Yosë chinotopiso pëiꞌ yaꞌcoananënquë huënsërahuaton, coriqui maꞌpachantërinsoꞌ. ¿Onporahuatoncha noya iratërin nicaya?” nitopi.