Hechos 2:29 - Chayahuita (Shahui)

²⁹ Niꞌcochi iyaroꞌsaꞌ. Tata masho Tapi nani chiminin. Iráca nani paꞌpitopi. Paꞌpitopisoꞌ ipora huantaꞌ yaꞌhuërarin.

Hechos 2:29 ပူးပေါင်းရင်းမြစ်များ

1 Reyes 2:10

Ina piquëran Tapi chiminin. Chiminpachina, Quirosarinquë paꞌpitopi. Inaso ninanoꞌ, shaꞌhuitëranquëmaso chachin: “Tapi ninanonën,” itopi.

Hechos 13:36

Napoaponahuëꞌ, Tapisoꞌ Yosë natëton, piyapiꞌsaꞌ catahuarin. Ina quëran chiminin. Shimashonënpita pirayan paꞌpitopi. Nonën chanatërin.

Hechos 2:28

Quëma iranën aꞌnotëranco. Aꞌchintëranco quëma nohuitatënquën nóya nanpicaꞌhuasoꞌ. Nani tahuëri caꞌtananco niꞌton, nóya cancantarahuë,’ tënin Tapi, iráca ninshitaton.

Hechos 22:5

Yanitotohuatamaꞌ, corto huaꞌan chini chiníquën nanantërinsontaꞌ inachachin shaꞌhuitarinquëmaꞌ. Cotio ansianoꞌsantaꞌ nitotopi. Inapitasoꞌ quirica ninshitërinaco iyaroꞌsaꞌ Tamascoquë yaꞌhuëpisopita quëtonaꞌhuaso marëꞌ. Inatohuaꞌ paꞌnahuë Quisoso imapisopita macaꞌhuaso marëꞌ. ‘Tonporahuato, Quirosarinquë quëmaarahuë anaꞌintacaiso marëꞌ, taꞌto,’ paꞌnahuë.

Hechos 26:26

Yaꞌipi shaꞌhuitëranquëmasoꞌ huaꞌan Acripa nani nitotërin. Co poꞌoana quëran napopihuëꞌ. Yaꞌipi piyapi nitotopi. Inantaꞌ nani natantërin. Napoaton co tëꞌhuatohuëꞌ, ina nontarahuë.

Hebreos 7:4

Iráca naꞌa corto huaꞌanoꞌsaꞌ yaꞌhuëpirinahuëꞌ, cotioroꞌsaráchin yaꞌconpi. Miriquisoso nipirinhuëꞌ nisha piyapi. Co cotio quëmapihuëꞌ niponahuëꞌ, aꞌnapita corto huaꞌanoꞌsa quëran chini chiníquën nanantërin. Apraani noya niꞌnin. Apraanꞌton Yosëri acorin piyapinënpita nicacaso marëꞌ. Inasoꞌ chiníquën nanantërin, tënëhuaꞌ. Napoaponahuëꞌ, inimiconënpita maꞌshanënaꞌ matërin quëran, diesmo ocoirinsoꞌ Miriquiso quëtërin. Inasoꞌ corto huaꞌan niꞌton, maꞌparin.