Hechos 2:27 - Chayahuita (Shahui)

²⁷ Yosë yonquiato, nontarahuë. Huaꞌyanëhuë, Sinioro, co chimipiroꞌsa yaꞌhuërinquë tëꞌyataranhuëꞌ. Quëmasáchin natëranquën niꞌton, co nohuantaranhuëꞌ nonëhuë chanatacasoꞌ.

Hechos 2:27 ပူးပေါင်းရင်းမြစ်များ

Salmos 116:3

Iꞌhua iquitato, “chiminapo,” topirahuë. Naporoꞌ paꞌpi tëꞌhuato, co napion ancantërahuë.

Salmos 16:10

Quëmasáchin Sinioro natëranquën niꞌton, co nohuantaranhuëꞌ nonëhuë chanatacasoꞌ. Huaꞌyanëhuëntaꞌ, co chimipiroꞌsa yaꞌhuërinquë tëꞌyataranhuëꞌ.

Salmos 89:19

Piyapinënpita huaꞌnatopiquë pochin yaꞌnotaton, shaꞌhuitëran: “Piyapinëhuëpita quëran aꞌnara quëmapi chiníquën cancantërinso huayonahuë. Cari catahuarahuë niꞌton, noya noya acorahuë.

Mateo 11:23

Capinaomoquë yaꞌhuëramasopitantaꞌ co noꞌtëquën yonquiramahuëꞌ. ‘Noyacoi niꞌtoi, Yosëꞌpaꞌ paꞌsarai,’ ¿topiramahuëꞌ ti? Co ina marëꞌ inatohuaꞌ paꞌsaramahuëꞌ. Parisitopiquë paꞌmiatarama huachi. Huaꞌquiꞌ aꞌchintëranquëmaꞌ. Naꞌa caniaꞌpiroꞌsaꞌ aꞌnaroáchin anoyatërahuë. Nani nicapomarahuëꞌ, co yaimaramacohuëꞌ. Sotomaquë naporahuë naporini, inapitaso natëitonacohuëꞌ. Co oshanëna marëꞌ Yosëri ataꞌhuanchitonhuëꞌ. Ipora huantaꞌ yaꞌhuaꞌitonahuëꞌ.

Marcos 1:24

—¡Tananpitocoi! Quëmasoꞌ Quisosonquën, Nasaritoquë yaꞌhuëran. Nohuitërainquën. Yosë quëran oꞌmaton noya ninan. ¿Maꞌtaꞌ quëma onpotaponcoi? ¿Ataꞌhuantaponcoi ti? itërin.

Lucas 1:35

—Ispirito Santo nohuanton, quëmaora huaꞌhuanaran. Yosë topinan yonquiarapirinquënhuëꞌ, cayoaran. Napoaton huaꞌhuan, Yosë huiꞌnin chachin nisarin. Co piꞌpisha tërantaꞌ oshahuanaponhuëꞌ.

Lucas 16:23

Parisitopiquë paaton, parisitárin. Nëꞌpërahuaton, aquë quëran Nasaro quënanin. Tata Apraanëꞌ yaꞌhuëarin.

Lucas 24:44

—Nani iꞌhua chachin iyaroꞌsaꞌ shaꞌhuitëranquëmaꞌ. Yosë quiricanënquë naꞌcon ninorinaco. Moisësë, pënëntonaꞌpiroꞌsaꞌ, inapita ninorinaco. Sarmoquëntaꞌ ninshitopi. Yaꞌipi iráca ninorinacosopita nanicasoꞌ yaꞌhuërin niꞌton, iso tahuëriꞌsaꞌ ina pochin ninahuë, itërin.

Lucas 4:34

—¡Tananpitocoi! ¿Maꞌtaꞌ onpotaponcoi? ¿Ataꞌhuantaponcoi ti? Nohuitërainquën. Quëmasoꞌ Quisosonquën, Nasaritoquë yaꞌhuëran. Yosë quëran oꞌmaton, noya noya ninan, itërin.

Juan 11:39

—Naꞌpi chiꞌhuincacoꞌ, itërin Quisosori. —Coꞌ, Sinioro. Nani anarotarin. Nani catapini tahuëritërin, itërin oshini, Marta itopisoꞌ.

Hechos 2:26

Napoaton noya cancantërahuë. Ma noyacha Tata Yosëso paya, tënahuë. Co naniantarincohuëꞌ, taꞌto, co chiminaꞌhuasoꞌ tëꞌhuatërahuëꞌ.

Hechos 2:28

Quëma iranën aꞌnotëranco. Aꞌchintëranco quëma nohuitatënquën nóya nanpicaꞌhuasoꞌ. Nani tahuëri caꞌtananco niꞌton, nóya cancantarahuë,’ tënin Tapi, iráca ninshitaton.

Hechos 2:31

Cristo nanpiantacasoꞌ ninorin. ‘Co chimipiroꞌsa yaꞌhuërinquë patarancohuëꞌ. Co nonëhuë chanatarinhuëꞌ,’ tënin iráca ninoton.

Hechos 3:14

Quisososoꞌ noyasáchin ninin. Co piꞌpisha tërantaꞌ oshahuanpirinhuëꞌ, co nohuantëramahuëꞌ. ‘¿Intaꞌ ocoichinquëmaꞌ?’ itohuachinquëmara, tëpatonaꞌpi huayonamaꞌ.

Hechos 4:27

Iso ninanoquë chachin Sinioro, piyapiꞌsaꞌ yonquipi huiꞌnan tëpacaiso marëꞌ. Inasoꞌ nóya nipirinhuëꞌ, tëpapi. Quëmari acoranso nipirinhuëꞌ, co quëꞌyapihuëꞌ. Irotisë, Ponsio Pirato, nisha piyapiroꞌsaꞌ, israiroꞌsaꞌ, inapitari Quisoso noꞌhuipi.

1 Corintios 15:52

Aꞌnanaya nisha nonënpoaꞌ yaꞌhuëtarinpoaꞌ. Oꞌmantacasoꞌ tahuëri nanihuachin, tronpita pihuirarin. Pihuihuachin, chiminpisopita nanpiantarapi. Quisocristo imapi niꞌton, ananpitaantarin huachi. Naporoꞌ yaꞌipi imarëhuasopita nisha nonënpoaꞌ yaꞌhuëtarinpoaꞌ. Co huachi chiminarihuahuëꞌ.

1 Corintios 15:55

¿Onporahuatontaꞌ chimirin minsëarinpoaꞌ? Co huachi nanitarinhuëꞌ. Yaꞌhuan quëtëhuachinpora chiminëso pochin chiminacasoꞌ yaꞌhuëpirinhuëꞌ, co huachi chiminacasoꞌ tëꞌhuatarihuahuëꞌ,” tënin.

1 Juan 2:20

Canpitaso nipirinhuëꞌ imaramaꞌ. Quisocristo nohuanton, Ispirito Santo yaꞌcoancantërinquëmaꞌ. Napoaton noꞌtëquën yonquiramaꞌ.

Apocalipsis 1:18

Nanpiárahuë. Chiminaporahuëꞌ, nanpiantarahuë. Casoꞌ chini chiníquën nanantërahuë. Onporosona chiminacaisoꞌ cari shaꞌhuitarahuë. Ca nohuantohuato, nanpiapi. Ca nohuantohuato, chiminaponaꞌ. Co imarinacosopitahuëꞌ chiminpachinaꞌ, parisitopiquë aꞌpararahuë.

Apocalipsis 20:13

Yaꞌipi piyapiꞌsaꞌ Yosëri nontarin. Paꞌitatonaꞌ, marëquë chimiitopi quëran huarëꞌ ananpitaantarin noꞌtëquën anaꞌintacaso marëꞌ. Insëquëso tërantaꞌ chiminpisopita yaꞌipiya yaꞌnorapi. Aꞌnaya aꞌnayanpoaꞌ nontarinpoaꞌ. Co noyahuëꞌ nipatëhuaꞌ, noꞌtëquën anaꞌintarinpoaꞌ.

Apocalipsis 3:7

Ina quëran itaantarinco: —Ansiano Piratiripiaquë yaꞌhuërinsontaꞌ ninshitëquëꞌ nonchin imapisopita natainaꞌ. “Ca Quisosoco quirica aꞌpataranquëmaꞌ, niꞌcoꞌ. Casoꞌ noya noyaco. Casáchin noꞌtëquën aꞌchinahuë. Iráca Yosëri Tapi shaꞌhuitërin. ‘Aꞌna tahuëri quëma shiparinquën yaꞌipi piyapinëhuëpita huaꞌanëntarin,’ itërin. Iráca ninorincoso chachin nani oꞌmarahuë Yosë huëntonënquë ayaꞌconaꞌhuanquëmaso marëꞌ. Niahuiquë yaꞌcoana iꞌsoarahuatëꞌ, ayaꞌconëꞌ. Inapochachin carinquëmaꞌ ayaꞌconpatënquëmaꞌ, co insontaꞌ nanitërinhuëꞌ ocoiinquëmasoꞌ. Oncotohuatëra, co aꞌnapita nanitopihuëꞌ yaꞌconacaisoꞌ.