Hechos 2:18 - Chayahuita (Shahui)

¹⁸ Naporoꞌ yaꞌipi natërinacosopita ispiritonëhuëri yaꞌcoancantarin. Ina nohuanton, nanamëhuë shaꞌhuirapi.

Hechos 2:18 ပူးပေါင်းရင်းမြစ်များ

Lucas 12:45

Nipirinhuëꞌ, inpriatonën nisha cancantohuachin, tapon: ‘Patron huaꞌquirarin. Co aꞌnaroáchin huëntaponhuëꞌ,’ taꞌton, piyapinënpita ahuëapon. Cosonanënpitantaꞌ ahuëapon. Pita nicacasoáchin cancantapon. Noꞌpirápon.

Hechos 2:17

‘Aꞌna tahuëri ispiritonëhuë aꞌpamarahuë nisha nisha piyapiꞌsaꞌ yaꞌcoancantacaso marëꞌ. Yaꞌcoancantohuachin, huiꞌnamapita nanamëhuë shaꞌhuirapi. Huiꞌnapiꞌsantaꞌ co huëꞌëponaraihuëꞌ, huaꞌnarëso pochin quënanapi. Mashoroꞌsantaꞌ huaꞌnarapi.

Hechos 2:19

Inápaquë nani maꞌsha acoarahuë. Piyapiꞌsaꞌ quënanpachinaꞌ, paꞌyanapi. Isoroꞌpaquëntaꞌ, maꞌsha acoarahuë piyapiꞌsaꞌ yonquicaiso marëꞌ. Huënaiꞌ, pën, conaiꞌ tomontarinsoꞌ, inapita niꞌsapi, tënin Yosë.

Hechos 21:10

Inaquë huaꞌquimiáchin yaꞌhuasocoi, aꞌna pënëntonaꞌpi Cotia parti quëran oꞌmarin, Acapo itopisoꞌ.

Gálatas 3:28

Yosësoꞌ co nisha nisha yonquirinpoahuëꞌ. Aꞌnaquënpoaꞌ cotio piyapinpoaꞌ, aꞌnaquëontaꞌ nisha piyapiꞌsaꞌ. Aꞌnaquëontaꞌ patronoꞌsaꞌ, aꞌnaquënsoꞌ piyapinënpita. Aꞌnaquën sanapiꞌsaꞌ, aꞌnaquënpoaꞌ quëmapinpoaꞌ nipirëhuahuëꞌ, yaꞌipinpoaꞌ Quisocristo imapatëhuaꞌ, aꞌna huëntoínchin pochin ninëhuaꞌ.

Colosenses 3:11

Quisocristo imapatëhuaꞌ, napopináchin Yosë niꞌninpoaꞌ. Aꞌnaquën cotioroꞌsaꞌ, aꞌnaquënso nipirinhuëꞌ cricoroꞌsaꞌ. Aꞌnaquën marca niacotopisoꞌ, aꞌnaquënso nipirinhuëꞌ co niacotopihuëꞌ. Aꞌnaquën nisha piyapiꞌsaꞌ, aꞌnaquëntaꞌ quëmaroꞌsaꞌ. Aꞌnaquën patron piyapinënpita, aꞌnaquënso nipirinhuëꞌ inahuara marëꞌ sacatopi. Nisha nisha nicarihuarahuëꞌ, napopináchin Yosë niꞌninpoaꞌ. Quisocristoíchin yonquicasoꞌ yaꞌhuërin. Ina imapatëhuaꞌ, yaꞌipinpoaꞌ yaꞌcoancantërinpoaꞌ. Co mantaꞌ pahuantarinpoahuëꞌ noya cancantacaso marëꞌ.