Hechos 2:14 - Chayahuita (Shahui)

¹⁴ Shonca catoꞌ caꞌtanoꞌsaso nipirinhuëꞌ, co tëꞌhuatonaraihuëꞌ huanipi. Pitrosoꞌ aꞌninquëchin huanirahuaton, chiníquën nontërin yaꞌipi piyapiꞌsaꞌ natanacaiso marëꞌ. “Noya natanco iyaroꞌsaꞌ. Yaꞌipima Quirosarinquë yaꞌhuëramasopitantaꞌ natanco onporaisona noꞌtëquën shaꞌhuichinquëmaꞌ.

Hechos 2:14 ပူးပေါင်းရင်းမြစ်များ

Proverbios 8:32

Iporaso huaꞌhuaroꞌsa noya natancoꞌ. Ca nonanpatamaco, tëhuënchachin capa cancantaramaꞌ.

Isaías 40:9

Quirosarinquë yaꞌhuëramasopita noya nanan shaꞌhuicoꞌ. Motopi naniontarinquë nanpërahuatoma chiníquën shaꞌhuiontacoꞌ. Ama tëꞌhuatatomahuëꞌ yaꞌipi Cota huënton israiroꞌsa shaꞌhuitocoꞌ: “¡Maꞌtana Sinioro chinotërëhuasoꞌ!

Isaías 52:8

Natancoꞌ. Ninanonëma aꞌpaipisopita chiníquën shaꞌhuirapi. Napopináchin noncaroapi. Canatohuachinara noncaropiso pochin nisapi. Onpopinsona Quirosarinquë Sinioro huëantarinsoꞌ, inahuara yaꞌpirina quëran chachin niꞌsapi.

Isaías 55:2

Noya natanpatamaco, noya coshatërëso pochin acoaranquëmaꞌ. Cosharomia co achinimiatërinquëmahuëꞌ. ¡Co topinan quëran pahuërëtatë maꞌpatacaso yaꞌhuërinhuëꞌ!

Isaías 58:1

Sinioro shaꞌhuitërinco: “Ama manta tëꞌhuatonhuëꞌ chiníquën nonquëꞌ. Tronpita pihuihuachina irininso pochin niquëꞌ. Piyapinëhuëpita co noyahuëꞌ nipiso marëꞌ pënënquëꞌ. Cacopo quëran pipipisopita oshahuanpiso marëꞌ inapotëquëꞌ.

Mateo 2:1

Quisososoꞌ Pirinquë nasitërin. Cotia parti chachin nasitërin. Naporoꞌ Irotisëri inaquë huaꞌanëntërin. Ina quëran tayora nitotonaꞌpiroꞌsaꞌ canquipi. Piꞌi pipirinso parti quëran huëꞌpi. Canquihuachinara, Quirosarinquë, natantiipi:

Hechos 1:26

Ina quëran catoꞌ yaꞌpi nininënpita catoꞌ naꞌpitëaꞌhuayaquë ninshitopi. Yontëraꞌhuayaquë poꞌmorahuatonaꞌ, paꞌtan paꞌtantohuachinara, Matiasë nininën pipirin. Shonca aꞌnaraꞌ caꞌtanoꞌsanënpita yaꞌhuëpirinahuëꞌ, iporaso huachi shonca catoꞌ caꞌtanoꞌsanënpita yaꞌhuantapi.

Hechos 13:16

Napotohuachina: —Noyapaꞌ, carinquëmantaꞌ pënëinquëmaꞌ, taꞌton Paono huanirin. Huanirahuaton, imirin quëran tasatërin piyapiꞌsari taꞌtatonaꞌ natanacaiso marëꞌ. —Natanco iyaroꞌsaꞌ. Aꞌnaquëmantaꞌ nisha piyapinquëmaꞌ nipomarahuëꞌ, Yosë chinotëramaꞌ. Canpitantaꞌ natanco.

Hechos 2:22

Natanco iyaroꞌsaꞌ. Canpitantaꞌ israiroꞌsanquëmaꞌ niꞌton, Yosë nanamën anitotarinquëmaꞌ. Quisoso naporinsoꞌ shaꞌhuichinquëmaꞌ, nitotocoꞌ. Inasoꞌ Nasaritoquë yaꞌhuërin. Nani maꞌsha nanitaparin. Piyapi aꞌnaroáchin anoyatërin. Co ina pochin niꞌchinëhuahuëꞌ. Yosëri catahuarin niꞌton, naporin. Napoaton: ‘Tëhuënchachin Yosë quëran oꞌmarin,’ topi. Canpitantaꞌ nicatomaꞌ, nitotëramaꞌ.

Hechos 21:28

“¡Huëcoꞌ iyaroꞌsaꞌ catahuacoi! Iso quëmapi yaꞌipi parti paaton, nisha aꞌchinarin. ‘Cotioroꞌsasoꞌ co noꞌtëquën aꞌchinpihuëꞌ. Moisësë pënëntërinsoꞌ aꞌpocoꞌ,’ tënin. Naporahuaton, Yosë chinotopiso pëiꞌ co huachi noya niꞌninhuëꞌ. Niꞌcochi. Crico piyapiꞌsaꞌ isëquë chachin ichiyaꞌconin niꞌton, Yosë pëinën tapiarin. Co inapitasoꞌ yaꞌconacasohuëꞌ nipirinhuëꞌ,” toconpi.

Hechos 5:35

Nani ocoihuachinara, pënënin. —Niꞌcona iyaroꞌsaꞌ tëhuëtamaꞌ. Co isopita tëpacasoꞌ yaꞌhuërinhuëꞌ, tënahuë.

Hechos 7:2

—Co onporontaꞌ api Yosë pinorahuëꞌ. Natanco, apiroꞌsaꞌ. Iyaroꞌsaꞌ canpitantaꞌ natanco noꞌtëquën shaꞌhuichinquëmaꞌ. Iráca quëran huarëꞌ shimashonënpoapita Yosë imapi. Cantaꞌ ina imarahuë. Tata Yosësoꞌ noya noya. Iráca Tata Apraan nisha noꞌpaquë yaꞌhuasoꞌ, yaꞌnotimarin. Co Aranquë paꞌshátëraponhuëꞌ, nontërin. Misopotamia parti yaꞌhuëpirinhuëꞌ, inaquë Yosëri itapon:

Santiago 2:5

Niꞌcoꞌ iyaroꞌsaꞌ. Naꞌaquënpoaꞌ co naꞌcon coriqui yaꞌhuëtopirinpoahuëꞌ, Yosë huayoninpoaꞌ imacaso marëꞌ. Yosë nohuitohuatëhuaꞌ, nóya cancantarihuaꞌ. Huëntonënquë chachin ayaꞌconinpoaꞌ niꞌton, Yosëꞌpaꞌ noya noya yaꞌhuëcontarihuaꞌ. Nani shaꞌhuitërinpoaꞌ. “Nosorohuatamaco, inápaquë quëpantaranquëmaꞌ,” itërinpoaꞌ.