Hechos 19:29 - Chayahuita (Shahui)

²⁹ Ina quëran yaꞌipi piyapiꞌsaꞌ noncaropi. Noꞌhuitatonaꞌ, Paono caꞌtaninsopita mapi, Acayo, Aristarico inapita itopisoꞌ. Inapitasoꞌ masitoniaroꞌsaꞌ. Chiníquën masahuatonaꞌ, huëntëntërahuatonaꞌ, niyontonpiso iꞌiratëquë quëpapi.

Hechos 19:29 ပူးပေါင်းရင်းမြစ်များ

Hechos 13:5

Saraminaquë nonshirahuatonaꞌ, cotio niyontonpiso pëiquë pantarahuatonaꞌ, Yosë nanamën shaꞌhuitopi. Nisha nisha niyontonpiso pëiquë shaꞌhuitëraꞌpiapi. Coansha Marcontaꞌ paꞌnin catahuacaso marëꞌ.

Hechos 16:12

Nani Masitonia parti canconpatoira, ira paꞌtatoi, Piriposëquë canconai. Inasoꞌ panca ninanoꞌ. Copirnori acorinsoꞌ niꞌton, inaquë naꞌa Nomaroꞌsaꞌ yaꞌhuëpi. Huaꞌquimiáchin inaquë yaꞌhuërai.

Hechos 16:9

Inaquë Yosë nohuanton, tashiꞌ Paono huaꞌnarëso pochin quënanin. Masitonia piyapi huaniarin, quënanin. “Huëquëꞌ isëquë. Nosoroatoncoi, catahuacoi,” itërin.

Hechos 17:8

Piyapiꞌsaꞌ natanahuatonaꞌ, aquë aquëtëꞌ noꞌhuitopi. Huaꞌanoꞌsantaꞌ noꞌhuitatonaꞌ, Casono, aꞌnapita imapisopita inapita chiníquën pënënpi.

Hechos 19:21

Ina quëran Paono yonquirin aꞌnapita imapisopita niꞌcoantacaso marëꞌ: “Masitonia parti niꞌcoantarahuë. Acaya partintaꞌ nisha nisha ninanoquë imapisopita niantarahuë. Nani pënëantahuato, Quirosarinquë paantarahuë. Ina quëran Nomaquëꞌpaꞌ pacaꞌhuasoꞌ yaꞌhuërin,” tënin.

Hechos 19:22

Timotio, Irasito, inapitari inaquë catahuapirinahuëꞌ, Paonori aꞌparin Masitonia parti imapisopita aꞌchintacaiso marëꞌ. Inaso nipirinhuëꞌ, huaꞌquimiachin Asia parti quëparitantarin.

Hechos 19:32

Piyapiꞌsasoꞌ noncaroápi. Nisha nisha nonsápi. Naꞌcon naꞌcon piyapiꞌsaꞌ co nitotatonaraihuëꞌ, “¿maꞌmarëcha niyontonëhuaꞌ nicaya?” topi.

Hechos 20:34

Caora sacatonëhuë quëran coshatërahuë, maꞌsha pahuantërincosoꞌ paꞌanahuë. Caꞌtanincosopitantaꞌ quëtërahuë. Ina nitotëramaꞌ.

Hechos 20:4

Naꞌa piyapiꞌsari caꞌtanpi. Sopatiro (Pirro huiꞌnin, Piriaquë yaꞌhuërinsoꞌ), Aristarco, Siconto, (Tisaronicaquë yaꞌhuëpisoꞌ), Acayo (Tirpiquë yaꞌhuërinsoꞌ), Timotio, Tiquico, Tropimo (Asia parti yaꞌhuëpisoꞌ) inapita Paono caꞌtanpi.

Hechos 21:30

Natanahuatonaꞌ, notohuaroꞌ piyapiꞌsaꞌ noꞌhuitopi. Yosë chinotopiso pëiquë taꞌarahuatonaꞌ, Paono mapi. Masahuatonaꞌ, ocoicaiso marëꞌ ohuararachinpi. Nani ocoihuachinara, yaꞌcoana oncotopi.

Hechos 21:38

—Iquipito piyapinquën taꞌma topirahuëꞌ. Inasoꞌ iꞌhuamiáchin copirno noꞌhuiton, catapini huaranca tirocoroꞌsaꞌ, inotëro parti quëparin, itërin.

Hechos 27:2

Inaquë panca nancha yaꞌhuërin, Atramitio quëran huëꞌninsoꞌ. Asia parti yapaꞌsarin. Aꞌnaya aꞌnaya ninanoquë yachinpirinsoꞌ. Inaquë yaꞌconahuatoi, pipirai. Aristarcontaꞌ caꞌtanincoi. Inasoꞌ Tisaronicaquë yaꞌhuërin, Masitonia parti nininsoꞌ.

Romanos 16:23

Acayontaꞌ yonquiatënquëmaꞌ, saludos aꞌpatarinquëmaꞌ. Ina pëinënquë yacapatërahuë. Inaquë chachin imaraisopita niyontonai Yosë chinotaꞌhuaiso marëꞌ. Irasitontaꞌ saludos aꞌpatarinquëmaꞌ. Iso ninanoquë coriqui tapanaꞌpi inasoꞌ. Iya Coartontaꞌ saludos aꞌpatarinquëmaꞌ. [

1 Corintios 1:14

Co naꞌaquëmaꞌ aporintëranquëmahuëꞌ. Crispo, Acayo, inaíchinquëmaꞌ aporintëranquëmaꞌ. Ina marëꞌ noya cancantërahuë.

1 Corintios 4:9

Co ina tahuëri naniyatërarinhuëꞌ. Yosë nohuanton, co piyapiꞌsaꞌ noya niꞌninacoihuëꞌ. Nanamën aꞌchinaꞌhuaiso marëꞌ aꞌpapirincoihuëꞌ, naꞌa piyapiꞌsaꞌ co nohuantopihuëꞌ. Apiroꞌsa pochin niꞌninacoi. Chimirin quihuitërinacoi. Aꞌninquëchin aparisitërinacoi niꞌton, anquëniroꞌsantaꞌ nicatonaꞌ, paꞌyanpi.

2 Corintios 8:19

Nisha nisha ninano quëran imapisopita niyontonahuatonaꞌ, ina quëmapi chachin huayonahuatonaꞌ, acopi caꞌtanaincoiso marëꞌ. Coriqui yocaꞌhuaiso marëꞌ paꞌpatoi, inantaꞌ paꞌsarin. Coriqui quëtonpatoi, noya cancantapona huachi. “Ma noyacha Tata Yosë nosororinpoa paya. Ina nohuanton, iyaroꞌsaꞌ noya cancantatonaꞌ, catahuarinënpoaꞌ,” taponaꞌ.

Colosenses 4:10

Aristarcontaꞌ isëquë yaꞌhuërarin. Quisocristo imarinso marëꞌ tashinan pëiquë poꞌmopi antaꞌ. Inantaꞌ yonquiarinquëmaꞌ, saludos aꞌpatarinquëmaꞌ. Marcontaꞌ saludos aꞌpatarinquëmaꞌ. Inasoꞌ Pirnapi quëmopinën. Canpitataquë paꞌpachin, noya nontatomaꞌ, catahuacoꞌ tënahuë. Nani ina shaꞌhuitëranquëmaꞌ.

Filemón 1:24

Marco, Aristarco, Timasë, Nocasë, inapitantaꞌ yonquiatënënquën, saludos aꞌpatarinënquën. Inapitasoꞌ catahuarinaco Yosë nanamën aꞌchinacasoꞌ.

3 Juan 1:1

Ca ansianoco ninshitaranquën, iya Acayo. ¿Noya quëmantaꞌ yaꞌhuaran? Cantaꞌ noya isëquë yaꞌhuarahuë. Noꞌtën nanan imaran niꞌton, tëhuënchachin nosororanquën.