Hechos 19:25 - Chayahuita (Shahui)

²⁵ Inari yaꞌipi piyapinënpita ayontonin. Aꞌnapita maꞌsha ninaꞌpiroꞌsantaꞌ amatërin. Yaꞌipi niyontonpachinara, itapon: “Niꞌcoꞌ, iyaroꞌsaꞌ. Mamanshi ninëhua quëran naꞌcon canarëhuaꞌ.

Hechos 19:25 ပူးပေါင်းရင်းမြစ်များ

Oseas 4:8

Piyapinëhuëpita oshahuanpachina inquitaꞌhuaso marëꞌ, maꞌsha quëshirinaco. Ina quëran canpitanta capatomaꞌ, aquëtë huarëꞌ oshahuanacaisoꞌ nohuantëramaꞌ.

Hechos 16:19

Huaꞌanënpitaso nipirinhuëꞌ noꞌhuitopi. “Co huachi ninorinhuëꞌ niꞌton, co huachi canarëhuahuëꞌ,” taꞌtonaꞌ, Paono, Sirasërë chachin masahuatonaꞌ, cachiquë quëpapi ninano huaꞌanoꞌsaꞌ nontacaiso marëꞌ.

Hechos 19:24

Inaquë moshapisoꞌ Artimisa itopi. Naꞌa mamanshi ninaꞌpiroꞌsaꞌ yaꞌhuëpi. Mamanshi pëiaꞌhuaroꞌsaꞌ prata quëran nonanpi. Ina paꞌanatonaꞌ, naꞌcon canapi. Aꞌnaraꞌ Timitirio itopi.

Hechos 19:26

Paonoso nipirinhuëꞌ isëquë huëcaton, pënëntarin. ‘Aꞌnaíchin Yosë yaꞌhuërin. Piyapiꞌsari nipisoꞌ co inasoꞌ Yosëhuëꞌ,’ tosarin, natanamaꞌ canpitantaꞌ. Yaꞌipi Asia partintaꞌ nahuinin. Naꞌa piyapiꞌsaꞌ natanahuatonaꞌ, natëpi. Natëtonaꞌ, mamanshi aꞌpopi.

2 Pedro 2:3

Nisha aꞌchinaꞌpiroꞌsasoꞌ co nosororinënquëmahuëꞌ. Canacaiso marëꞌ nonpin nananoꞌsaꞌ aꞌchintarinënquëmaꞌ. Inaso nipirinhuëꞌ, iráca quëra huarëꞌ Yosëri yonquirin anaꞌintacasoꞌ. Aꞌna tahuëri noꞌtëquën anaꞌintarin. Co naniantarinhuëꞌ anaꞌintacasoꞌ.

Apocalipsis 18:3

Papironiaroꞌsari notohuaroꞌ piyapiꞌsaꞌ anishacancantopi. Ina pochin cancantatonaꞌ, copirnoroꞌsaꞌ, piyapinënpita, inapita co noyahuëꞌ nisapi. Monshihuaninso pochin nicatonaꞌ, Yosë naniantopi. Maꞌhuanoꞌsantaꞌ inaquë paꞌanatonaꞌ, nani maꞌsha canapirinahuëꞌ,” tënin anquëni.