Hechos 19:2 - Chayahuita (Shahui)

² —Quisoso natëhuatamara, ¿Ispirito Santo yaꞌcoancantërinquëmaꞌ ti? itërin. —Co Ispirito Santo nohuitëraihuëꞌ. Co ina aꞌchintërinacoihuëꞌ, itopi.

Hechos 19:2 ပူးပေါင်းရင်းမြစ်များ

Juan 7:39

Quisoso imapatëhuaꞌ, Ispirito Santo yaꞌcoancantarinpoaꞌ. Ina yonquiaton, napotërin. Naporoꞌ Quisoso co inápaquë pantayátërarinhuëꞌ. Napoaton co Ispirito Santori piyapiꞌsaꞌ noyá yaꞌcoancanchátërarinhuëꞌ. (Ina yaꞌcoancantohuachinpoaꞌ, naꞌcon catahuarinpoaꞌ noya cancantacaso marëꞌ. Ina quëran aꞌnapitantaꞌ Yosë anohuitarihuaꞌ, tapon naporin.)

Hechos 10:44

Noninsoꞌ natanahuatonaꞌ, yaꞌipiya natëpi. Nontaso chachin, Ispirito Santori yaꞌcoancantërin.

Hechos 19:5

Ina natanahuatonaꞌ: “Sinioro Quisoso imasarai. Ina natëarai huachi,” taꞌtonaꞌ, aporihuanpi.

Hechos 2:17

‘Aꞌna tahuëri ispiritonëhuë aꞌpamarahuë nisha nisha piyapiꞌsaꞌ yaꞌcoancantacaso marëꞌ. Yaꞌcoancantohuachin, huiꞌnamapita nanamëhuë shaꞌhuirapi. Huiꞌnapiꞌsantaꞌ co huëꞌëponaraihuëꞌ, huaꞌnarëso pochin quënanapi. Mashoroꞌsantaꞌ huaꞌnarapi.

Romanos 1:11

Yaniꞌnanquëmaꞌ. Yacatahuaranquëmaꞌ chiníquën cancantamaso marëꞌ. Ina quëran noya noya imasaramaꞌ.

1 Corintios 6:19

Quisocristo imapatëhuaꞌ, Ispirito Santo yaꞌcoancantërinpoaꞌ. Nani ina nitotëramaꞌ. Yosë aꞌpatimarinpoaꞌ niꞌton, cancanënpoaquë chachin yaꞌhuërarin. Napoaton co huachi canpoara nohuantërëhuasopita nicacasoꞌ yaꞌhuërinhuëꞌ. Yosë chachin huaꞌanëntërinpoaꞌ.

Gálatas 3:5

“Quisocristoíchin anoyacancantërinco,” topatamaꞌ, Ispirito Santo yaꞌcoancantërinquëmaꞌ. Inapotohuachinquëmaꞌ, achinicancaninquëmaꞌ. Catahuarinquëmaꞌ niꞌton, nani maꞌsha nanitaparamaꞌ. Co iráca pënëntërinsoꞌ natëramaso marëꞌ catahuarinquëmahuëꞌ.

1 Samuel 3:7

Samoiroso Yosë yaꞌhuërinso nitotaponahuëꞌ, co nohuichátërarinhuëꞌ. Napoaton nontopirinhuëꞌ, “Iri nontarinco,” tënin.