Hechos 18:9 - Chayahuita (Shahui)

⁹ Aꞌna tashiꞌ Yosë nohuanton, Paono huaꞌnarëso pochin niantarin. Siniorori chachin itapon: “Ama tëꞌhuaton, copitëquësohuëꞌ. Aꞌchináquëꞌ.

Hechos 18:9 ပူးပေါင်းရင်းမြစ်များ

Isaías 58:1

Sinioro shaꞌhuitërinco: “Ama manta tëꞌhuatonhuëꞌ chiníquën nonquëꞌ. Tronpita pihuihuachina irininso pochin niquëꞌ. Piyapinëhuëpita co noyahuëꞌ nipiso marëꞌ pënënquëꞌ. Cacopo quëran pipipisopita oshahuanpiso marëꞌ inapotëquëꞌ.

Jeremías 1:17

Quëmasoꞌ, chiníquën cancantaton paꞌsaran. Carinquën shaꞌhuitëranquënsoꞌ shaꞌhuicoanan. Ama manta inapita tëꞌhuatëquësohuëꞌ. Tëꞌhuatohuatan inapita niꞌtonënaquë aropátaranquën.

Jonás 3:2

“Ninihuiso panca ninanoꞌ. Inaquë paꞌsahuaton nanan shaꞌhuitaranquënso shaꞌhuiconquëꞌ,” itërin.

Miqueas 3:8

Caso nipirinhuëꞌ, noꞌtëquën Sinioro marëꞌ pënëntarahuë niꞌto, achinirinco. Catahuarinco noya nicaꞌhuasoꞌ. Chiníquën cancantato, israiroꞌsa pënënarahuë: “Canpitaso co Yosë natëtomarahuëꞌ, naꞌcon oshahuanamaꞌ,” itárahuë.

Hechos 16:9

Inaquë Yosë nohuanton, tashiꞌ Paono huaꞌnarëso pochin quënanin. Masitonia piyapi huaniarin, quënanin. “Huëquëꞌ isëquë. Nosoroatoncoi, catahuacoi,” itërin.

Hechos 18:10

Carinquën catahuaranquën. Aꞌnaquën noꞌhuipirinënquëontaꞌ, noya aꞌpaiaranquën. Co insontaꞌ nanitapaponhuëꞌ maꞌsha onpotinquënsoꞌ. Naꞌa piyapiꞌsaꞌ isëquë yaimarinaco. Napoaton aꞌchintáquëꞌ,” itërin.

Hechos 22:18

Quisoso nontaantarinco. ‘Manorahuaton, Quirosarin quëran pipiquëꞌ. Ca nanamëhuë shaꞌhuihuatan, co natëarinënquënhuëꞌ,’ itërinco.

Hechos 23:11

Naporoꞌ tashiꞌ Siniorori yaꞌnotimarahuaton, Paono itapon: “¡Ama tëꞌhuatonhuëꞌ, chiníquën cancantëquëꞌ! Quirosarinquë nanamëhuë nani shaꞌhuiran. Inapochachin Nomaquëntaꞌ paaton, shaꞌhuiantamasoꞌ yaꞌhuërin,” itërin.

Hechos 9:10

Ina ninanoquë chachin aꞌna quëmapi yaꞌhuërin, Quisoso imarinsoꞌ. Ananiasë itopi. Yosë nohuanton, co huëꞌëponahuëꞌ, huaꞌnarëso pochin niꞌnin. Nontërinsontaꞌ natanin. “Ananiasë, ¿yaꞌhuaran?” itërin Quisosori. “Yaꞌhuarahuë Sinioro,” itërin inarintaꞌ.

1 Corintios 9:1

Co inso piyapi tërantaꞌ camairincohuëꞌ. Quisocristo chachin acorinco nanamën aꞌchinaꞌhuaso marëꞌ. Inápaquë panantarinsoꞌ piquëran cari niꞌnahuë. Ina catahuarinco aꞌchinaꞌhuasoꞌ. Aꞌchintohuatënquëmara, canpitantaꞌ imaramaꞌ.

1 Tesalonicenses 2:2

Piriposëquë aꞌchinapiraihuëꞌ, noꞌhuitonacoi, chiníquën aparisitërinacoi. Inapotopirinacoihuëꞌ, canpitataquë canconpatëira, co tëꞌhuaraihuëꞌ. “Yosë catahuarincoi,” taꞌtoi, Quisocristo nanamën aꞌchintërainquëmaꞌ. Aꞌnapita noꞌhuipirinacoihuëꞌ, chiníquën cancantatoi, pënënainquëmaꞌ.