Hechos 18:6 - Chayahuita (Shahui)

⁶ Inapitaso nipirinhuëꞌ noꞌhuitonaꞌ, Paono pinopi. Napoaton tananpitërin. —Tëhuënchachin Yosë anaꞌintarinquëmaꞌ. Nani yaꞌipi aꞌchintopiranquëmahuëꞌ, co yanatëramahuëꞌ niꞌton, canpitaora tëhuënëmaquë ninaꞌintaramaꞌ. Iporaso nisha piyapiꞌsaꞌ aꞌchintarahuë huachi, tënin Paono.

Hechos 18:6 ပူးပေါင်းရင်းမြစ်များ

2 Samuel 1:16

Ina chiminasoꞌ, Tapiri itapon: —Quëmaora tëhuënënquë chiminaran: “Siniorori copirno huayoninsoꞌ tëparahuë,” tënanso marëꞌ ninaꞌintëran, itërin.

Ezequiel 18:13

Coriqui aꞌnanpachinarantaꞌ, naꞌcon naꞌcon ananpërin. Ina pochin nipachinaꞌ, co nanpicaso yaꞌhuërinhuëꞌ. Yaꞌipi inapita co costapirahuëꞌ, naporinso marëꞌ onpopionta chiminapon. Inaora tëhuënënquë napoapon.

Ezequiel 33:4

Inso tëranta aꞌpaitonaꞌpi pomon pihuirinsoꞌ natanaponahuëꞌ, co natëtohuachinhuëꞌ, inimicoroꞌsari huëꞌsahuaton tëpapon. Napohuachin, inaora tëhuënënquë chiminapon.

Ezequiel 33:6

Aꞌpaitonaꞌpisoꞌ, inimicoroꞌsa huëꞌsarinso nicaponahuëꞌ, co pomon pihuirinhuëꞌ. Inapitaso canquirahuatona inso tëranta tëpahuachinaꞌ, inasoꞌ, inaora oshanën marëꞌ chiminapon. Napoaponahuëꞌ ina chimininso marëꞌ, aꞌpaitonaꞌpintaꞌ anaꞌintaꞌhuaso yaꞌhuërin.

Mateo 10:14

Insëquësona paꞌpatamaꞌ, ‘Ama isëquë huëcosohuëꞌ. Co yanatanainquëmahuëꞌ,’ itohuachinënquëmaꞌ, patocoꞌ. Yapaꞌpatamaꞌ, pënëncoꞌ. ‘Nani shaꞌhuitopiranquëmahuëꞌ. Co nohuantëramahuëꞌ niꞌton, canpitaora tëhuënëmaquë ninaꞌintaramaꞌ,’ itocoꞌ. Ina quëran aꞌna parti paco huachi.

Mateo 21:41

—Paꞌpi co noyahuëꞌ nipi niꞌton, chiníquën noꞌhuiton, aꞌnaroáchin tëpapon. Ina quëran nasha inpriatoroꞌsaꞌ acoantarin. Inapitasoꞌ opa nitohuachin, noꞌtëquën quëtapi huachi, itopi.

Mateo 21:43

Napoaton itaranquëmaꞌ, Yosë yahuaꞌanëntopirinquëmahuëꞌ, co nohuantëramahuëꞌ niꞌton, aꞌpoarinquëmaꞌ. Nisha piyapiroꞌsaꞌ piyapinënpita pochin niꞌsarin. Inapitasoꞌ noya natëapi. [

Mateo 22:10

Piyapinënpita paꞌsahuatonaꞌ, naꞌa piyapiꞌsaꞌ shaꞌhuitëraꞌpiapi. Noya nipisopita, co noyahuëꞌ nipisopitantaꞌ shaꞌhuitëraꞌpiapi. Pita pëiꞌ noyá yaꞌsotopi.

Mateo 27:25

—Tëhuënchachin quiya yonquirai tëpacaꞌhuaisoꞌ. Yosë yaanaꞌintohuachincoi, huiꞌnahuëipitarëꞌcoi chachin anaꞌinchincoi, topi.

Mateo 8:11

Iporaso huachi nisha nisha parti quëran huëꞌsapi. Nisha piyapiꞌsaꞌ niponaraihuëꞌ, imatonaꞌ, Yosë huaꞌanëntërinquë yaꞌconapi. Inápaquë paꞌpachinaꞌ, Apraan, Isaco, Cacopo, inapita nohuitapi. Inapitarëꞌ huënsëapi coshatacaiso marëꞌ. Nóya yaꞌhuërapi huachi, tënahuë.

Lucas 22:65

“¿Quëmasoꞌ huaꞌanquën ti?” itatonaꞌ, tëhuapi. Nisha nisha itatonaꞌ, noꞌhuipi.

Lucas 9:5

Aꞌna ninanoquë paꞌpatamaꞌ, “Ama isëquë huëcosohuëꞌ. Co yanatanainquëmahuëꞌ,” itohuachinënquëmaꞌ, patocoꞌ. Yapaꞌpatamaꞌ, pënëncoꞌ. “Nani shaꞌhuitopirainquëmahuëꞌ. Co nohuantëramahuëꞌ niꞌton, canpitaora tëhuënëmaquë ninaꞌintaramaꞌ,” itocoꞌ. Ina quëran aꞌna parti pacoꞌ, itërin Quisosori.

Hechos 13:51

“Nani shaꞌhuitopiranquëmahuëꞌ, co nohuantaramahuëꞌ niꞌton, canpitaora tëhuënëmaquë ninaꞌintaramaꞌ,” itahuatonaꞌ, Iconioquë paꞌpi.

Hechos 26:11

Niyontonpiso pëiroꞌsaquë yaꞌconahuato, naꞌaroꞌ aparisitërahuë. Quisoso aꞌpocaiso marëꞌ naporahuë. Chiníquën noꞌhuito, nisha piyapiꞌsaꞌ yaꞌhuëpiquë huarëꞌ paato, aparisitërahuë.

Hechos 26:20

Tamascoquë yaꞌhuëpisoꞌton shaꞌhuitërahuë. Ina quëran Quirosarinquëntaꞌ shaꞌhuiantarahuë. Yaꞌipi Cotia partintaꞌ inachachin shaꞌhuiantarahuë. Nisha piyapiꞌsantaꞌ aꞌchintërahuë. ‘Co noyahuëꞌ yonquiramasopita naniantatomaꞌ, Yosë chachin tahuërëtaantacoꞌ. Tëhuënchachin imapatamaꞌ, noya nisaramaꞌ,’ itërahuë.

Hechos 28:28

Napoaton shaꞌhuichinquëmaꞌ nitotocoꞌ. Yosëri nisha piyapiꞌsaꞌ nani shaꞌhuitërin cancanënaꞌ anoyatacaso marëꞌ. Inapitasoꞌ natërapi, tënin Paono. [

Romanos 3:29

Yosë yaꞌipi piyapinpoaꞌ nohuantërinpoaꞌ. Co cotioroꞌsaráchin nosororinhuëꞌ. Nisha piyapiꞌsantaꞌ nosororin. Yaꞌipinpoaꞌ nosororinpoaꞌ.

1 Timoteo 5:22

Ansiano yaacohuatan, noya yonquiaton, oshaquëran acoquëꞌ. Aꞌnaroáchin acohuatan, co noyahuëꞌ nipachina, quëmantaꞌ naꞌianan. Noyasáchin niquëꞌ.

2 Timoteo 2:25

Nisha nanan imapachina, oshaquëran pënëanhuanꞌ. Ama noꞌhuitatëhuahuëꞌ, aꞌchintahuaꞌ. Yosëri catahuahuachin, oshaquëran co noyahuëꞌ yonquipisopita naniantatonaꞌ, noꞌtëquën yonquiaponaꞌ nimara.

1 Pedro 4:14

Imaramaso marëꞌ pinopachinënquëmaꞌ, Yosë noya niꞌsarinquëmaꞌ. Ispirito Santo yaꞌcoancantatënquëmaꞌ achinicancanarinquëmaꞌ niꞌton, noya cancantocoꞌ.

1 Pedro 4:4

Iporaso nipirinhuëꞌ imaramaꞌ. Aꞌnapita yanoꞌpihuachinara, amatopirinënquëmahuëꞌ. Co yanoꞌpihuatamarahuëꞌ, noꞌhuirinënquëmaꞌ. “¿Onpoatomataꞌ pita nipatëira, co yaniꞌnamacoihuëꞌ?” itatënënquëmaꞌ, pinorinënquëmaꞌ.