Hechos 18:4 - Chayahuita (Shahui)

⁴ Nani chinoto tahuëri cotioroꞌsaꞌ niyontonpiso pëiquë paꞌsahuaton, cotioroꞌsaꞌ aꞌchintërin. Cricoroꞌsantaꞌ aꞌchintaton: “Quisoso natëcoꞌ canpitantaꞌ,” itërin.

Hechos 18:4 ပူးပေါင်းရင်းမြစ်များ

Génesis 9:27

Yosë nohuanton, Cahuito, pancana huaꞌanënchin. Simo yaꞌhuërinquë noya ninicatona yaꞌhuëꞌinaꞌ. Canaansoꞌ, Cahuito piyapinën niin,” tënin.

Lucas 16:31

‘Co Yosë quiricanën natëhuachinahuëꞌ, chimininsontaꞌ nanpiantapirinhuëꞌ, co onporontaꞌ natëapihuëꞌ,’ itërin Apraani,” tënin Quisoso.

Lucas 4:16

Ina quëran Nasaritoquë paantarin. Inaquë soꞌsorin. Chinoto tahuëri nanihuachina, niyontonpiso pëiquë paꞌnin. Nani simana inaquë paꞌnin niꞌton, naporoꞌ paantarin. Inaquë yaꞌconahuaton, Yosë quiricanën nontacaso marëꞌ huanirin.

Juan 7:35

Huaꞌanoꞌsa capini ninontopi. —¿Intohuataꞌ yapaaton naporinsoꞌ? “Co quënanaramacohuëꞌ,” tënin. Nisha piyapiꞌsaꞌ yaꞌhuëpi parti aꞌnaquën cotioroꞌsaꞌ yacapatonpi. Inaquë paaton, nisha piyapiꞌsaꞌ aꞌchintapon nimara.

Hechos 13:14

Paonosoꞌ Pirnapirë chachin paantapi. Piriqui naꞌhuëtahuatonaꞌ, aquë iratopi. Paꞌsápatonaꞌ, aꞌna Antioquiaquë canconpi, Pisitia parti yaꞌhuërinsoꞌ. Chinoto tahuëri nipachina, cotio niyontonpiso pëiquë paꞌpi. Inaquë yaꞌconahuatonaꞌ, huënsëpi.

Hechos 14:1

Paono, Pirnapi, inapita Iconioquë canconpachinara, inachachin niantapi. Inaquëntaꞌ chinoto tahuëri nanihuachina, cotio niyontonpiso pëiquë yaꞌconpi. Nóya aꞌchinpi niꞌton, naꞌa cotioroꞌsari natëpi. Naꞌa nisha piyapiꞌsantaꞌ Quisoso imápi.

Hechos 17:11

Inaquë yaꞌhuëpisopitaso nipirinhuëꞌ nóya yonquipi. Co Tisaronicaquë yaꞌhuëpisopita pochinhuëꞌ. Paonori aꞌchintohuachina, nóya natanpi. “Paonosoꞌ noꞌtëquën aꞌchinamara,” taꞌtonaꞌ, nani tahuëri Yosë quiricanën noyásha nontapi noꞌtëquën nitotacaiso marëꞌ.

Hechos 17:17

Napoaton naꞌcon pënëntërin. Niyontonpiso pëiquë paꞌsahuaton, cotioroꞌsaꞌ aꞌchintërin. Cotioroꞌsa pochin chinotopisopitantaꞌ natanapi. Quisoso nanamën aꞌchintohuachina, ninontápi. Naporahuaton, nani tahuëriya cachiquë paꞌnin. Inaquë aꞌnaya aꞌnaya huëꞌpachinara, nontarin. Nisha piyapiꞌsantaꞌ natanapi.

Hechos 18:13

—Moisësë iráca pënënincoiso pochin Yosë chinotërai. Iso quëmapiso nipirinhuëꞌ nisha aꞌchinarin. Piyapiꞌsaꞌ anishacancantarin, itopi.

Hechos 18:19

Ipisoquë canconpachinara, nonshipi. Aquirosoꞌ saꞌinë chachin inaquë quëparitërin. Paonosoꞌ yapaantahuachina, cotio niyontonpiso pëiquë yaꞌconahuaton, aꞌchintërin. Cotioroꞌsarëꞌ ninontopi.

Hechos 19:26

Paonoso nipirinhuëꞌ isëquë huëcaton, pënëntarin. ‘Aꞌnaíchin Yosë yaꞌhuërin. Piyapiꞌsari nipisoꞌ co inasoꞌ Yosëhuëꞌ,’ tosarin, natanamaꞌ canpitantaꞌ. Yaꞌipi Asia partintaꞌ nahuinin. Naꞌa piyapiꞌsaꞌ natanahuatonaꞌ, natëpi. Natëtonaꞌ, mamanshi aꞌpopi.

Hechos 19:8

Huaꞌquiꞌ inaquë Paono yaꞌhuërin. Cara yoqui pochin cotioroꞌsaꞌ aꞌchintárin. Nani simana niyontonpiso pëiquë paꞌnin. Co tëꞌhuatonhuëꞌ, aꞌchintárin. “Yosë yahuaꞌanëntërinquëmaꞌ. Ina marëꞌ Quisoso aꞌpaimarin. Ina imacoꞌ,” itarin.

Hechos 26:28

—Piꞌpian nontopirancohuëꞌ aꞌnaromarëáchin quëma pochin cantaꞌ Cristo imaꞌi, ¿topiranhuëꞌ ti? itërin Acripari.

Hechos 28:23

Aꞌna tahuëri huënantahuatoi, shaꞌhuitocoi nitochii, itopi. —Noya iyaroꞌsapaꞌ. Naporoꞌ tahuëri huënantacoꞌ yaꞌipinquëmaꞌ shaꞌhuichinquëmaꞌ, itohuachina, paꞌpi. Ina quëran tahuëri nanihuachina, naꞌayaꞌpi huëꞌpi. Paono yaꞌhuërinquë niyontonpi natanacaiso marëꞌ. Tashiramiachin huëꞌpi. Huëꞌpachinara, Paonori aꞌchintárin. —Yosë yahuaꞌanëntërinpoaꞌ. Naꞌcon nohuantërin huëntonënquë chachin ayaꞌcoinpoasoꞌ. Ina marëꞌ huiꞌnin aꞌpaimarin. Inasoꞌ Quisoso itopi. Quiricanën quëran ina naꞌcon ninopi. Moisësë pënëntërinsoꞌ ninshitaton, ninorin. Pënëntonaꞌpiroꞌsantaꞌ ninopi, itërin. Quiricanën quëran naꞌcon aꞌchintërin. Aꞌchintaton, chiníquën pënënin Quisoso natëcaiso marëꞌ. Aꞌchintochináchin iꞌhuatërin.

Hechos 9:20

Shiarahuaton, cotio niyontonpiso pëiquë paꞌsahuaton, pënëntarin. “Quisososoꞌ Yosë huiꞌnin,” itahuaton, naꞌcon aꞌchinarin.

2 Corintios 5:11

Napoaton Yosë tëꞌhuatacasoꞌ yaꞌhuërin. Ina yonquiatoi, yaꞌipi piyapiꞌsaꞌ pënënárai. Co piꞌpian tërantaꞌ nonpintërainquëmahuëꞌ. Yosë niꞌsárincoi niꞌtoi, noꞌtëquën nontërainquëmaꞌ. Noya ninaisoꞌ canpitantaꞌ nitotëramaꞌ, topiraihuëꞌ.