Hechos 18:26 - Chayahuita (Shahui)

²⁶ Cotioroꞌsaꞌ niyontonpiso pëiquë yaꞌconahuaton, chiníquën cancantaton, aꞌchinpirinhuëꞌ. Pirisira, Aquiro, inapitari natanahuatonaꞌ: “Co yaꞌipi Quisoso nanamën nitochátërarinhuëꞌ,” taꞌtonaꞌ, pëinënquë quëpapi. Inaquë yaꞌipi Quisoso nanamën aꞌchintopi noꞌtëquën nitotaton, Yosë iranën paꞌtacaso marëꞌ. Ina natanahuaton, natërin.

Hechos 18:26 ပူးပေါင်းရင်းမြစ်များ

Proverbios 1:5

Yonquínahuan nipisopitasoꞌ, pënëinpoaso marëꞌ ninshitopisoꞌ, paꞌyatapona natanacaisoꞌ. Inapoatonaꞌ, yonqui yonquínahuanoꞌsa nicaponaꞌ.

Isaías 58:1

Sinioro shaꞌhuitërinco: “Ama manta tëꞌhuatonhuëꞌ chiníquën nonquëꞌ. Tronpita pihuihuachina irininso pochin niquëꞌ. Piyapinëhuëpita co noyahuëꞌ nipiso marëꞌ pënënquëꞌ. Cacopo quëran pipipisopita oshahuanpiso marëꞌ inapotëquëꞌ.

Marcos 10:15

Tëhuënchachin carinquëmaꞌ itaranquëmaꞌ, huaꞌhuaroꞌsaꞌ aꞌnaroáchin yaimarinaco. Coꞌsoꞌ inapita pochin cancantohuatamahuëꞌ, co onporontaꞌ Yosë huaꞌanëntërinquë yaꞌconaramahuëꞌ, itërin.

Lucas 19:26

‘Ina mini quëtëquëꞌ. Noya natërinco niꞌton, naꞌcon yaꞌhuëtarin. Naꞌcon naꞌcon quëtantarahuë. Aꞌnaso nipirinhuëꞌ co natërincohuëꞌ niꞌquëhuarëꞌ, piꞌpian yaꞌhuëtërinso tërantaꞌ osërëtarahuë.

Lucas 24:27

Ina quëran Yosë quiricanënquë ninotona ninshitopisoꞌ, aꞌchintarin. Moisësëꞌton ninoton, Yosë quiricanënquë ninshitërin. Ina piquëran naꞌa pënëntonaꞌpiroꞌsaꞌ ninoantapi. Yaꞌipi Cristo ninopisoꞌ noꞌtëquën aꞌchintarin.

Juan 7:17

Cancanëma quëran huarëꞌ Yosë yanatëhuatamaꞌ, noꞌtëquën anitotarinquëmaꞌ: “Co inaora yonquinën quëran aꞌchininhuëꞌ. Yosë nanamën chachin aꞌchinarin,” tosaramaꞌ.

Hechos 14:3

Huaꞌquiꞌ inaquë Paono yacapatërin. Pirnapirë chachin inaquë yaꞌhuëpi. Chiníquën cancantatonaꞌ, Siniorori nosororinsoꞌ shaꞌhuirápi. Noꞌtëquën shaꞌhuipi niꞌton, Siniorori catahuarin caniaꞌpiroꞌsaꞌ aꞌnaroáchin anoyatacaisoꞌ. Ina niꞌsahuatonaꞌ, “Tëhuënchachin Yosë catahuarinquëmaꞌ,” itopi.

Hechos 18:18

Huaꞌquiꞌ Paono inaquë yaꞌhuantarin. Ina quëran Quisoso imapisopita nontahuaton, paꞌnin huachi. Aquiro saꞌinë chachin paꞌpi antaꞌ. Nanchaquë Siria parti yapantapirinahuëꞌ. Sincriaquë canconahuaton, Paono noyá niyaꞌitërin. Yosë shaꞌhuitërinsoꞌ nanirin niꞌton, naporin. Ina quëran nanchaquë yaꞌconpi.

Hechos 18:25

Sinioro iranën anitotopi niꞌton, aꞌninquëchin nanamën aꞌchintarin. Yaꞌipi cancanën quëran aꞌchinin. Quisoso naporinsoꞌ noꞌtëquën aꞌchinaponahuëꞌ, Coansha aporintërinsoráchin nitotërin.

Hechos 19:8

Huaꞌquiꞌ inaquë Paono yaꞌhuërin. Cara yoqui pochin cotioroꞌsaꞌ aꞌchintárin. Nani simana niyontonpiso pëiquë paꞌnin. Co tëꞌhuatonhuëꞌ, aꞌchintárin. “Yosë yahuaꞌanëntërinquëmaꞌ. Ina marëꞌ Quisoso aꞌpaimarin. Ina imacoꞌ,” itarin.

Hechos 28:23

Aꞌna tahuëri huënantahuatoi, shaꞌhuitocoi nitochii, itopi. —Noya iyaroꞌsapaꞌ. Naporoꞌ tahuëri huënantacoꞌ yaꞌipinquëmaꞌ shaꞌhuichinquëmaꞌ, itohuachina, paꞌpi. Ina quëran tahuëri nanihuachina, naꞌayaꞌpi huëꞌpi. Paono yaꞌhuërinquë niyontonpi natanacaiso marëꞌ. Tashiramiachin huëꞌpi. Huëꞌpachinara, Paonori aꞌchintárin. —Yosë yahuaꞌanëntërinpoaꞌ. Naꞌcon nohuantërin huëntonënquë chachin ayaꞌcoinpoasoꞌ. Ina marëꞌ huiꞌnin aꞌpaimarin. Inasoꞌ Quisoso itopi. Quiricanën quëran ina naꞌcon ninopi. Moisësë pënëntërinsoꞌ ninshitaton, ninorin. Pënëntonaꞌpiroꞌsantaꞌ ninopi, itërin. Quiricanën quëran naꞌcon aꞌchintërin. Aꞌchintaton, chiníquën pënënin Quisoso natëcaiso marëꞌ. Aꞌchintochináchin iꞌhuatërin.

Hechos 8:31

—¡Coꞌchi iyasha, nitotërahuë paya! Co insontaꞌ aꞌchintërincohuëꞌ niꞌton, co nanitërahuëꞌ. Huëquëꞌ huënsëiquëꞌ. Shaꞌhuitoco nitochi, itërin. Napotohuachina, inaquë huënsërin. Papona pochin ninontërapi.

1 Corintios 12:21

Isontaꞌ yonquicoꞌ. Yaꞌpirari imira nocanin naporini, “Quëmasoꞌ napoonan. Co nohuantëranquënhuëꞌ,” itërin naporini, co noꞌtëquën nonchitonhuëꞌ. Motënpoantaꞌ co nantënpoaꞌ nocanacasoꞌ yaꞌhuërinhuëꞌ. Yaꞌpiranpoaꞌ, imiranpoaꞌ, motënpoaꞌ, nantënpoaꞌ, yaꞌipi nohuantërëhuaꞌ.

1 Corintios 3:18

Ama inquëma tërantaꞌ isoroꞌparáchin yonquiatomaꞌ, ninonpintocosohuëꞌ. “Caora noya noya nitotërahuë,” co taꞌcasoꞌ yaꞌhuërinhuëꞌ. Ama ina pochin yonquicosohuëꞌ. “Caora co noꞌtëquën yonquirahuëꞌ. Catahuaco Sinioro noya yonquiꞌi,” topatamaꞌ, Yosë catahuarinquëmaꞌ noya noya yonquicasoꞌ.

1 Corintios 8:2

Aꞌnaquënsoꞌ: “Yaꞌipi nitotërai” topirinahuëꞌ, naꞌcon pahuantarin noꞌtëquën yonquicaisoꞌ.

Hebreos 6:1

Napoaton noya soꞌsorinso pochin noya noya imahuaꞌ. Yaꞌipi Quisocristo nanamën yonquiaꞌahuaꞌ. Yaꞌnan aꞌchintohuatëinquëmara, co sacaihuëꞌ nininsopitaꞌton aꞌchintërainquëmaꞌ. “Co noyahuëꞌ nipatamaꞌ, parisitopiquë pacacasoꞌ yaꞌhuërin niꞌton, yaꞌipi co noyahuëꞌ yonquiramasopita naniantocoꞌ. Naporahuaton, Yosëíchin natëcoꞌ,” itërainquëmaꞌ.

2 Pedro 3:18

Canpitaso nipirinhuëꞌ, Sinioro Quisocristoíchin yonquicoꞌ. Inaora nohuanton, nosororinquëmaꞌ niꞌton, nani tahuëri yacatahuarinquëmaꞌ. Inasáchin yonquihuatamaꞌ, oshaquëran noya noya nohuitaramaꞌ. Inasoꞌ nichaꞌësarinpoaꞌ. Yaꞌipi piyapiꞌsari chinochinaꞌ. Ayaroꞌ tahuëriquë huarëꞌ inasáchin yonquiaꞌahuaꞌ. Amen. Nani ninshitëranquëma huachi. Pitro