Hechos 18:25 - Chayahuita (Shahui)

²⁵ Sinioro iranën anitotopi niꞌton, aꞌninquëchin nanamën aꞌchintarin. Yaꞌipi cancanën quëran aꞌchinin. Quisoso naporinsoꞌ noꞌtëquën aꞌchinaponahuëꞌ, Coansha aporintërinsoráchin nitotërin.

Hechos 18:25 ပူးပေါင်းရင်းမြစ်များ

Génesis 18:19

Nani ina huayonahuë huiꞌninpita, shinpita, inapita noya pënënacaso marëꞌ. Aꞌchintërahuësopita natëtonaꞌ, noya nicacaiso marëꞌ pënënarin. Inapohuachin, shaꞌhuitërahuëso chachin quëtarahuë huachi,” tënin yonquiaton.

Salmos 119:1

(-)

Isaías 40:3

Natanco, aꞌna quëmapi chiníquën shaꞌhuirarin: “Sinioro yaoꞌmarin niꞌton, ira tapacoꞌ. Inotëroquë ira yaꞌhuërinso ótëcoꞌ. Panënoꞌsa papatahuatomaꞌ, iconantërinsopita mëntarotocoꞌ. Naꞌpiroꞌsanta chiꞌhuincacoꞌ. Inapochachin canpitantaꞌ, cancanëma anoyatocoꞌ.

Jeremías 6:16

Naquëranchin Siniorori piyapinënpita itapon: “Paꞌnamaquë ira niosërarinsoꞌ quënanconpatamara, chiniconamaꞌ. Noya niꞌsahuatoma iracaya ira huayonamaꞌ. Canpitanta chihuërëso pochin cancantohuatamaꞌ, nontoco noꞌtën ira aꞌnotërëso pochin nichinquëmaꞌ. Inasáchin paꞌtohuatamaꞌ sano cancantaramaꞌ,” itërin. Canpitaso napoaponahuëꞌ: “Co nohuantëraihuëꞌ ina ira paꞌtaꞌhuaisoꞌ,” toconamaꞌ.

Oseas 14:9

Yonquínahuan niꞌtomaꞌ, niyátainpichin yaꞌhuëhuatamaꞌ, isoíchin shaꞌhuitaranquëmasoꞌ yonquicoꞌ: “Onpopinsona nanpicasoꞌ Sinioro pënëninpoaꞌ. Inasoꞌ, noꞌtëquënáchin pënëntërin. Noya nipisopitasoꞌ, ina natëpi. Co noyahuëꞌ nipisopitaso nipirinhuëꞌ, co ina natëpihuëꞌ tënahuë,” tënin Osiasë.

Marcos 1:3

Inotëro parti ina quëmapi pënëntápon: ‘Niꞌcoꞌ iyaroꞌsaꞌ. Huaꞌan chiníquën nanantonaꞌpi niꞌton, aꞌna parti yapaꞌpachina, comisionën aꞌparin ira tapatacaso marëꞌ. Ira otëërin noya paꞌtacaso marëꞌ. Inapochachin iporasoꞌ cancanëmaꞌ anoyatocoꞌ Sinioro oꞌmain,’ itarin,” tënin ninshitaton.

Marcos 12:14

Canconahuatonaꞌ, noyásha nontonpi nonpintacaiso marëꞌ. —Noꞌtëquën Maistro nontërancoi. Co piyapiꞌsaꞌ paꞌyatiinënquënso marëꞌ aꞌchinanhuëꞌ. Co huaꞌan tërantaꞌ tëꞌhuatëranhuëꞌ. Yosë nohuantërinsoꞌ noꞌtëquën aꞌchintërancoi. Napoaton yanatanainquën. Noma copirno nisha piyapi niponahuëꞌ, yaꞌipinpoaꞌ huaꞌanëntërinpoaꞌ. Coriqui maꞌpainpoaso marëꞌ comisionën aꞌparin. Huëꞌpachin, ¿noya ipora quëtacasoꞌ ti? ¿Maꞌtaꞌ Yosë nohuantërin nicaꞌhuaisoꞌ? Shaꞌhuitocoi nitochii, itopi.

Lucas 1:4

Naꞌa piyapiꞌsaꞌ nani shaꞌhuitopirinënquënhuëꞌ, iporasoꞌ cariontaꞌ ninshitaranquën noꞌtëquën nitotamaso marëꞌ.

Lucas 7:29

Nani naꞌa piyapiꞌsari Coansha noya natanpi. Copirno marëꞌ coriqui maꞌpatonaꞌpiroꞌsantaꞌ “Yosë noninsoꞌ noꞌtëquën pënëninpoaꞌ,” taꞌtonaꞌ, aporihuanpi.

Hechos 13:10

—Quëmasoꞌ sopai pochin cancantëran. Yosësoꞌ noya noya nipirinhuëꞌ, yainimicotëran. Tëhuënchachin nonpintënquën, paꞌpi co noya quëmapinquënhuëꞌ. Sinioro noꞌtëquën shaꞌhuitopirinpoahuëꞌ, ¿onpoatontaꞌ quëmari nonpintaton, aꞌnapita anishacancantaran?

Hechos 16:17

Nanonsoꞌ quënanahuatoncoi, imaquiarincoi. Imaritoncoi, chiníquën nonsarin yaꞌipi piyapiꞌsaꞌ natanacaiso marëꞌ. —Isopita quëmapiꞌsasoꞌ Yosë piyapinënpita. Yosë chini chiníquën nanantërinsoꞌ nohuitatonaꞌ, natëpi. Aꞌchintarinënquëmaꞌ canpitantaꞌ nitotatomaꞌ chaꞌëcamaso marëꞌ, itë́riarin.

Hechos 18:26

Cotioroꞌsaꞌ niyontonpiso pëiquë yaꞌconahuaton, chiníquën cancantaton, aꞌchinpirinhuëꞌ. Pirisira, Aquiro, inapitari natanahuatonaꞌ: “Co yaꞌipi Quisoso nanamën nitochátërarinhuëꞌ,” taꞌtonaꞌ, pëinënquë quëpapi. Inaquë yaꞌipi Quisoso nanamën aꞌchintopi noꞌtëquën nitotaton, Yosë iranën paꞌtacaso marëꞌ. Ina natanahuaton, natërin.

Hechos 19:23

Naporoꞌ naꞌa piyapiꞌsaꞌ Sinioro imasapi niꞌton, mamanshi moshanaꞌpiroꞌsaꞌ noꞌhuitopi.

Hechos 19:3

—¿Maꞌtaꞌ natëhuatamara aporihuanamaꞌ? itërin. —Coansha pënëntërinsoꞌ natëtoi, aporihuanai, itopi.

Hechos 19:9

Aꞌnaquënso nipirinhuëꞌ co natantochináchinhuëꞌ cancantatonaꞌ, co yanatëpihuëꞌ. Piyapiꞌsaꞌ niyontonpachinara, noꞌhuitopi. Noꞌhuitatonaꞌ, —Co Quisoso nanamën imacasoꞌ yaꞌhuërinhuëꞌ, toconpi. Napoaton Paonori patërin. Quisoso imapisopita quëparahuaton, iscoira pëiquë paꞌnin. Tirano aꞌchininquë paaton, nani tahuëri aꞌchintárin.

Hechos 9:2

“Quirica ninshitoco piyapi macaꞌhuaso marëꞌ. Tamascoquë quëparahuato, niyontonpiso pëiꞌ huaꞌanoꞌsaꞌ quëtarahuë. Inaquë nasha nanan imapisopita quënanpato, masarahuë. Quëmapiꞌsaꞌ tonporahuato, isëquë chachin quësarahuë. Sanapiꞌsaquë huarëꞌ masarahuë,” tënin Saono. Napohuachina, quirica ninshitahuaton, quëtërin.

Romanos 12:11

Ama chirotomarahuëꞌ, noya sacatocoꞌ. Yaꞌipi cancanëma quëran noya yonquiatomaꞌ, Yosë marëꞌ sacatocoꞌ.

2 Timoteo 2:4

Sontaro yaꞌconpatëra, co huachi aꞌna sacato yonquirëhuëꞌ. Capitanáchin natërëꞌ. Ina nohuantërinsoáchin ninëꞌ. Inapochachin canpoantaꞌ Quisocristoachin natëcasoꞌ yaꞌhuërin.

Santiago 5:16

Napoaton maꞌsona tërantaꞌ co noyahuëꞌ nipatëhuaꞌ, imarëhuasopita capini nishaꞌhuitahuaꞌ. “Ina marëꞌ casoꞌ oshahuanahuë,” nitahuaꞌ. Itohuaran capini Yosë nontahuaꞌ anoyachinpoaꞌ. Yaꞌipi co noyahuëꞌ yonquirëhuasopita naniantohuatëhuaꞌ, chiníquën ina nontohuatëhuaꞌ, naꞌcon catahuarinpoaꞌ.

Jueces 2:22

Inapotaton Siniorosoꞌ, israiroꞌsa yonquipiso yanitotërin: “¿Shimashonëna pochin taꞌma isopitanta natëtonaco imaponaco to?” taꞌton napotërin.

1 Samuel 12:23

Caso nipirinhuëꞌ, canpita marëꞌ orarahuësoꞌ, co tananpitapohuëꞌ. Tananpitohuatosoꞌ, Sinioro co natëtohuëꞌ oshahuanarahuë. Naporahuaton carima aꞌchintáponquëma noya nicatoma noꞌtëquën ina imacamaso marëꞌ.