Hechos 18:21 - Chayahuita (Shahui)

²¹ “Aꞌna tahuëri Yosë nohuantohuachin, huëantarahuë,” tënin. Ina quëran nanchaquë yaꞌcoantarahuaton, paantarin.

Hechos 18:21 ပူးပေါင်းရင်းမြစ်များ

Mateo 26:39

Amashamiachin paꞌsahuaton, isonconin. Noꞌpaquë huarëꞌ monshomarahuaton, Yosë nontërin: “Quëma nohuantohuatan Tata, nichaꞌëco ama maꞌsha onpoꞌisohuëꞌ. Main oꞌorëso pochin parisitaꞌhuasoꞌ yaꞌhuërin. Co parisitaꞌhuasoꞌ nohuantopirahuëꞌ, quëma nohuantohuatan, noya, tënahuë. Noꞌtëquën yanatëranquën,” itërin.

Marcos 6:46

Nani nontohuachina, inaora paꞌnin aꞌna motopiaꞌhuayaquë Yosë nontacaso marëꞌ.

Lucas 9:61

Aꞌna quëmapintaꞌ huëcaton: —Aꞌna tahuëri Sinioro imasaranquën, topirahuëꞌ. Ipora quëmopinëhuëpita nontëriꞌi. Nani nontohuato imainquën, itopirinhuëꞌ,

Hechos 15:29

Aꞌnaquën maꞌsha tëpapi mamanshi moshacaiso marëꞌ. Ina nosha tananpitocoꞌ, tënai. Naporahuaton, aꞌnaquën maconorahuatonaꞌ, maꞌsha tëpapi. Co huënainën noya inquipirinhuëꞌ, caꞌpi. Ina noshantaꞌ ama caꞌcosohuëꞌ. Naporahuaton, ama monshihuancosohuëꞌ. Moisësë naꞌcon pënëntopirinhuëꞌ, inaíchin natëcasoꞌ yaꞌhuërin, tënai. Cotasë, Sirasë, inapitantaꞌ inachachin pënënarinënquëmaꞌ. Natëhuatamaꞌ iyaroꞌsaꞌ, noya nisaramaꞌ. Nani huachi,” topi quiricatatonaꞌ.

Hechos 18:19

Ipisoquë canconpachinara, nonshipi. Aquirosoꞌ saꞌinë chachin inaquë quëparitërin. Paonosoꞌ yapaantahuachina, cotio niyontonpiso pëiquë yaꞌconahuaton, aꞌchintërin. Cotioroꞌsarëꞌ ninontopi.

Hechos 18:20

“Huaꞌquiꞌ yaꞌhuaton, aꞌchintaantacoi,” itopirinahuëꞌ, co nanitërinhuëꞌ.

Hechos 18:24

Naporoꞌ tahuëriꞌsaꞌ aꞌna cotio quëmapi Ipisoquë paꞌnin, Aporosë itopisoꞌ. Aricantriaquë nasitërin. Noyá nitotërin aꞌchinacasoꞌ. Yosë quiricanën iráca ninshitopisontaꞌ noya nitotërin.

Hechos 19:1

Aporosë Corintoquë yaꞌhuasoꞌ, Paono huancoro ira paꞌtahuaton, Ipisoquë canconin. Inaquë naꞌamiáchin imapisopita quënanconin.

Hechos 19:17

Yaꞌipi ninanoquë nahuinin. Cotioroꞌsaꞌ, nisha piyapiꞌsaꞌ, inapita natanahuatonaꞌ, paꞌyanpi. “Sinioro Quisoso chini chiníquën nanantërin,” topi.

Hechos 19:21

Ina quëran Paono yonquirin aꞌnapita imapisopita niꞌcoantacaso marëꞌ: “Masitonia parti niꞌcoantarahuë. Acaya partintaꞌ nisha nisha ninanoquë imapisopita niantarahuë. Nani pënëantahuato, Quirosarinquë paantarahuë. Ina quëran Nomaquëꞌpaꞌ pacaꞌhuasoꞌ yaꞌhuërin,” tënin.

Hechos 20:16

“Nanitohuato, Quirosarinquë Pinticostisë tahuëri yanaꞌhuërahuë,” taꞌton, co Paono nohuantërinhuëꞌ Asia parti huaꞌquicasoꞌ. Napoaton manorahuatoi, co Ipisoquë nonshiraihuëꞌ.

Hechos 21:14

Huaꞌquiꞌ nontopiraihuëꞌ, inachachin yonquirin niꞌton: —Noyahuaꞌ. Sinioro nohuantohuachin, paquë nipachin, itërai.

Hechos 21:29

Iꞌhua Paonori Toropimo quëparahuaton, ninanoꞌ paꞌtërin, cotioroꞌsari quënanpi. Ipisoquë yaꞌhuërin niꞌton, Crico piyapi inasoꞌ. “Nisha piyapi nipirinhuëꞌ, Yosë chinotopiso pëiquë ichiyaꞌconin,” tëcatona napopi.

Romanos 1:10

Yosë nontarahuë. “Noya catahuaquëꞌ,” itërahuë. Iráca quëran huarëꞌ nicapënquëmaꞌ yapaꞌpirahuëꞌ, co nanitërahuëꞌ. Ipora huantaꞌ pacaꞌhuasoꞌ yonquiarahuë. “Quëma nohuantohuatan, Sinioro, catahuaco onpopiontaꞌ paꞌi,” tënahuë, Yosë nontato.

Romanos 15:32

Ina quëran Yosë nohuanton, canpitataquë paꞌsarahuë. Noya cancantato, nontaranquëmaꞌ. Noya ninontohuatëhuaꞌ, chiníquën cancantarahuë.

1 Corintios 15:32

Ipisoquë aꞌchinahuëso marëꞌ chiníquën noꞌhuirinaco. Niꞌni pochin cancantatonaꞌ, yatëparinaco. Ahuantaporahuëꞌ, ¿maꞌtaꞌ ina marëꞌ canarahuë? Isoroꞌpaquëráchin yaꞌhuërëhuaꞌ naporini, co mantaꞌ canaitërihuahuëꞌ. Co nanpiantacasoꞌ yaꞌhuërinhuëꞌ naporini, co Yosë yonquicasoꞌ yaꞌhuëꞌitonhuëꞌ. “¡Huëcoꞌ coshatahuaꞌ. Huëcoꞌ oꞌoahuaꞌ. Co huaꞌquiya quëranhuëꞌ chiminarihuaꞌ niꞌton, capa cancantahuaꞌ!” topiso pochin nichitërihuahuëꞌ.

1 Corintios 16:7

Co topinan niraponquëmahuëꞌ. Aꞌna tahuëri Yosë nohuantohuachin, huaꞌquiꞌ yacaparanquëmaꞌ.

1 Corintios 16:8

Iporaso nipirinhuëꞌ Ipisoquë yaꞌhuato, aꞌchinárahuë. Pinticostisë tahuëri huarëꞌ isëquë yaꞌhuapo.

1 Corintios 4:19

Tëhuënchachin nicaponquëmaꞌ yapaꞌsarahuë. Yosë nohuanton, co huaꞌquiya quëranhuëꞌ paꞌsarahuë. Naporoꞌ nocaninacosopita niꞌsarahuë. Naꞌcon nonpirinahuëꞌ, co nimara nanitapapihuëꞌ Yosë marëꞌ noya sacatacaisoꞌ.

2 Corintios 13:11

Nani iyaroꞌsaꞌ ninshitëranquëmaꞌ. Noya cancantocoꞌ, tënahuë. Yaꞌipi cancanëma quëran Yosë imacoꞌ. Pënënanquëmasoꞌ noya natëtomaꞌ, niachinicancancoꞌ. Napopináchin yonquicoꞌ. Noya niniꞌtomaꞌ, yaꞌhuëcoꞌ. Inapohuatamaꞌ, Yosë catahuarinquëmaꞌ. Inasáchin nosoroatonpoaꞌ, catahuarinpoaꞌ sano cancantacaso marëꞌ.

Efesios 1:1

Ca Paonoco ninshitaranquëmaꞌ, niꞌcoꞌ. ¿Noyanquëmaꞌ canpitantaꞌ? Noya cantaꞌ yaꞌhuarahuë. Yosë nohuanton, Quisocristo acorinco nanamën aꞌchinaꞌhuaso marëꞌ. Canpitantaꞌ Quisocristo noya imaramaꞌ niꞌton, Yosë noya niꞌninquëmaꞌ. Ipisoquë yaꞌhuëramasopita ninshitaranquëmaꞌ.

Hebreos 6:3

Yaꞌipi Quisocristo nanamën yonquiaꞌahuaꞌ noya noya imacaso marëꞌ. Yosë nohuantohuachin, oshaquëran ina aꞌchintantaꞌinquëmaꞌ.

Santiago 4:15

“Yosë nohuantohuachin nanpihuatoi, maꞌsha nisarai,” taꞌcaso nipirinhuëꞌ.

1 Pedro 3:17

Co noyahuëꞌ nipatëra, parisitacasoꞌ yaꞌhuërin. Aꞌna tahuëriso nipirinhuëꞌ Yosë nohuanton, imarëhuasopitantaꞌ parisitarëhuaꞌ. Noya nipirëhuahuëntaꞌ, piyapi aparisitarinënpoaꞌ. Ina pochin parisitacasoꞌ Yosë nohuantërin.

Apocalipsis 1:11

Nontatonco, shaꞌhuitërinco: —Apira nani maꞌsha aꞌnotaranquën, quiricaquë ninshitëquëꞌ. Ina quëran canchisë ninanoroꞌsaquë aꞌpatëquëꞌ imarinacosopita nonchinaꞌ. Ipisoquë, Ismirinaquë, Pircamoquë, Tiatiraquë, Sartisiquë, Piratiripiaquë, Naotisiaquë inaquëpita yaꞌhuëpisopita aꞌpatëquëꞌ nitochinaꞌ, itërinco.

Apocalipsis 2:1

Ina quëran shaꞌhuitërinco: —Aꞌna quiricaquë ninshitaton, ansiano Ipisoquë yaꞌhuërinsoꞌ aꞌpatëquëꞌ nontohuachin imapisopita natainaꞌ. “Ca Quisosoco quirica aꞌpataranquëmaꞌ, niꞌcoꞌ. Inchinanëhuë quëran canchisë tayoraroꞌsaꞌ sëꞌquërahuë. Canchisë sëꞌparahuan nanparin pochin nininsopita huancánachin paꞌsárahuë.