Hechos 18:1 - Chayahuita (Shahui)

¹ Ina quëran Paono pipirahuaton, Corintoquë paꞌnin.

Hechos 18:1 ပူးပေါင်းရင်းမြစ်များ

Hechos 17:15

Atinasëꞌpaꞌ Paono caꞌtanpi. Yapanantahuachinara, —Sirasë, Timotio, cato chachin shaꞌhuitoncoꞌ manóton huëꞌinaꞌ, itërin Paonori. Napotohuachina, yaꞌhuëpiꞌpaꞌ panantapi.

Hechos 17:16

Paonoso nipirinhuëꞌ Atinasëquë Sirasë, Timotio, inapita ninararin. Ninanoꞌ conitaton, notohuaroꞌ mamanshi quënanin. Inapita quënanahuaton, sëtërin. Inapoaton, napion cancantërin.

Hechos 18:8

Cotio niyontonpiso pëiꞌ huaꞌaontaꞌ natanahuaton, natërin, Crispo itopisoꞌ. Ina pëinënquë yaꞌhuëpisopitantaꞌ Quisoso imasapi. Naꞌa yaꞌhuëhuanoꞌsaꞌ Quisoso nanamën natanahuatonaꞌ, natëpi. Natëhuachinara, aporihuanpi.

Hechos 19:1

Aporosë Corintoquë yaꞌhuasoꞌ, Paono huancoro ira paꞌtahuaton, Ipisoquë canconin. Inaquë naꞌamiáchin imapisopita quënanconin.

1 Corintios 1:2

Corintoquë yaꞌhuëramasopita ninshitaranquëmaꞌ. Canpitantaꞌ Yosë huëntonënquë yaꞌconamaꞌ. Quisocristo imapatamaꞌ, anoyacancantërinquëmaꞌ niꞌton, noyápiachin cancantëramaꞌ. Yosë acorinquëmaꞌ piyapinënpita nicacamaso marëꞌ. Nisha nisha parti aꞌnapitantaꞌ Quisocristo imapi. Yaꞌipinpoaꞌ ina huaꞌanëntërinpoaꞌ. Aꞌna huënton pochin ninëhuaꞌ.

2 Corintios 1:1

Ca Paonoco ninshitantaranquëmaꞌ. ¿Noya canpitantaꞌ yaꞌhuaramaꞌ? Noya cantaꞌ yaꞌhuarahuë. Yosë nohuanton, Quisocristo acorinco nanamën aꞌchinaꞌhuaso marëꞌ. Iya Timotioroꞌco nanan aꞌpataranquëmaꞌ. Corintoquë yaꞌhuëramasopita ninshitaranquëmaꞌ. Yosë nohuanton, canpitantaꞌ huëntonënquë yaꞌconamaꞌ. Acaya parti nisha nisha ninanoroꞌsaquë imaramasopita yonquiatënquëmaꞌ, ninshitaranquëmaꞌ.

2 Corintios 1:23

Yaꞌipi yonquirahuësoꞌ Yosë nitotërin. Ina niꞌsárinco niꞌton, noꞌtëquën nontaranquëmaꞌ. Co nohuantërahuëꞌ canpitataquë chiníquën pënënaꞌhuanquëmasoꞌ. Napoaton co iꞌhua niꞌconanquëmahuëꞌ. Naporoꞌ paꞌnahuë naporini, co noyahuëꞌ ninamaso marëꞌ chiníquën pënënaꞌhuanquëmasoꞌ yaꞌhuëꞌitonhuëꞌ.

2 Corintios 6:11

Corintoquë yaꞌhuëramasopita, naꞌcon ninshitarainquëmaꞌ. Nani yaꞌipi yonquiraisoꞌ, iyaroꞌsaꞌ, shaꞌhuitërainquëmaꞌ. Naꞌcon nosororainquëmaꞌ.

2 Timoteo 4:20

Irasito Corintoquë quëparitërin. Tropimo caniorin niꞌton, Miritoquë huëshirahuë.