Hechos 17:27 - Chayahuita (Shahui)

²⁷ Yaꞌipinpoaꞌ acorinpoaꞌ ina nohuitacaso marëꞌ. Co quënanarihuarahuëꞌ, ina naꞌcon yonquicasoꞌ yaꞌhuërin. Co inasoꞌ aquë patërinpoahuëꞌ. Co naniantërinpoahuëꞌ.

Hechos 17:27 ပူးပေါင်းရင်းမြစ်များ

1 Reyes 8:27

Pëi mini nitopiranquënhuëꞌ, co quëmasoꞌ inaquë naniaranhuëꞌ. Co piꞌiroꞌtëquë tëranta naniranhuëꞌ nichinapon chachin, aquëtë huarëꞌ iso pëi nitëranquënquësoꞌ, co naniponhuëꞌ.

Hechos 14:17

Nipirinhuëꞌ, nosoroatonpoaꞌ, nani maꞌsha acotërinpoaꞌ ina nohuitacaso marëꞌ. Ina nohuanton, oꞌnanin. Ina nohuanton, maꞌsha papotërin. Ina nohuanton, cosharoꞌ yaꞌhuëtërinpoaꞌ caꞌpatëhuaꞌ noya cancantacaso marëꞌ. Inapoaton, noya yonquirinpoasoꞌ anitotërinpoaꞌ, itopi.

Hechos 15:17

Aꞌnapita piyapiꞌsantaꞌ nohuitiinacoso marëꞌ napoarahuë. Nisha piyapiꞌsantaꞌ nohuitohuachinaco, chinotarinaco. Ca nohuanto, aꞌnaquën imasarinaco,’

Romanos 1:20

Isoroꞌpaꞌ ninin quëran huarëꞌ piyapiꞌsaꞌ nitotopi. Yosësoꞌ co quënanpirëhuahuëꞌ, nani maꞌsha ninin. Ina nicatonaꞌ, “Tëhuënchachin Yosë yaꞌhuërin. Yaꞌipiya nanitaparin niꞌton, ina chinotahuaꞌ,” taꞌcaso nipirinhuëꞌ, co nohuantopihuëꞌ. Napoaton naꞌinpi.

Romanos 2:4

Yosë nosororinpoasoꞌ co noꞌtëquën yonquiramahuëꞌ. “Co aꞌnaroáchin noꞌhuirinpoahuëꞌ,” taꞌtomaꞌ, co noyahuëꞌ ninamaꞌ. Tëhuënchachin co aꞌnaroáchin anaꞌintërinquëmahuëꞌ. “Oshaquëran co noyahuëꞌ yonquipisopita naniantaponaꞌ nimara,” taꞌton, ninarárin.

Deuteronomio 4:7

¡Co inso nacion tërantaꞌ, canpoa pochin Yosë imapihuëꞌ! Inahuasoꞌ, mamanshinënari catahuacaso marëꞌ nontopirinahuëꞌ, co catahuarinhuëꞌ. Canpoaso nipirinhuëꞌ, onporosoꞌ nontohuatëhuara, aꞌnaroáchin aꞌpanirinpoaꞌ.