Hechos 17:26 - Chayahuita (Shahui)

²⁶ Iráca aꞌna quëmapiraꞌ ninin. Inaya quëranchin yaꞌipi piyapiꞌsaꞌ naꞌapi. Nisha nisha nipisopita naꞌapi yaꞌipiroꞌpaquë yaꞌhuëcaiso marëꞌ. Coꞌhuara yaꞌhuëyatërasëhuahuëꞌ, yonquirinpoaꞌ. Nisha nisha parti yaꞌhuëcaso marëꞌ acorinpoaꞌ. Onporosona nanpicahuasontaꞌ yonquirin. Ina nohuanton, nanpirëhuaꞌ.

Hechos 17:26 ပူးပေါင်းရင်းမြစ်များ

Génesis 3:20

Atansoꞌ, saꞌin nininën acotërin, Ipa itërin. Ina quëran yaꞌipi piyapi naꞌacaiso niꞌton, ina pochin nohuitërin.

Génesis 9:19

Caramiáchin Noi huiꞌninpita nipirinahuëꞌ, inayaquëranchin isoroꞌpaquë piyapiꞌsa naꞌantapi.

Copo naporinso' 14:5

Onposona nanpicaꞌhuaisoꞌ, quëma isoroꞌpaquë quëtërancoi. Chiminaꞌhuaiso nanihuachin, co piꞌpisha tëranta naꞌhuëarinhuëꞌ.

Isaías 45:21

Huëco paꞌahua coisëquë. Noꞌtëquën yonquihuatamaꞌ, aꞌpaniaramaco: ¿Inta caniaritërin quëran maꞌpitaso onpocasoꞌ nani shaꞌhuirin? ¿Inta iráca quëran huarëꞌ inapita shaꞌhuirin? Ca mini Sinioroco niꞌto, inapita nani shaꞌhuirahuë. Co aꞌna Yosë ca pochin yaꞌhuërinhuëꞌ. Casáchin noꞌtëquën yonquirahuë. Casáchin nanitërahuë minsëtato nichaꞌëtaꞌhuasoꞌ.

Malaquías 2:10

Iporasoꞌ ca Maraquiasëco Yosë ayonquirinco niꞌton, pënënaranquëmaꞌ: Tëhuënchachin canpoasoꞌ, yaꞌipinpoaꞌ aꞌna tataíchin pochin yaꞌhuëtërinpoaꞌ. Inasoꞌ Yosë. Yaꞌipinpoa acorinpoaꞌ. Napoaton co canpoa capini ninonpitacaso yaꞌhuërinhuëꞌ. Ninonpintohuatëhuaꞌ, Yosë shimashonënpoapitarëꞌ anoyatërinso tapiarihuaꞌ.

Hechos 14:17

Nipirinhuëꞌ, nosoroatonpoaꞌ, nani maꞌsha acotërinpoaꞌ ina nohuitacaso marëꞌ. Ina nohuanton, oꞌnanin. Ina nohuanton, maꞌsha papotërin. Ina nohuanton, cosharoꞌ yaꞌhuëtërinpoaꞌ caꞌpatëhuaꞌ noya cancantacaso marëꞌ. Inapoaton, noya yonquirinpoasoꞌ anitotërinpoaꞌ, itopi.

Hechos 15:18

tënin Yosë. Iráca quëran huarëꞌ yonquirin nisha nisha piyapiꞌsaꞌ nichaꞌëcasoꞌ. Ina yonquiaton, anitotërinpoaꞌ,” tënin pënëntonaꞌpi.

1 Corintios 15:22

Atan pochin cancantatëhuaꞌ, yaꞌipinpoaꞌ chiminëhuaꞌ. Napoaponahuëꞌ, Quisocristo imapatëhuaꞌ, yaꞌipinpoaꞌ ananpitaantarinpoaꞌ.

1 Corintios 15:47

Atansoꞌ noꞌpa quëran ninin isoroꞌpaquë nanpicaso marëꞌ. Quisocristoso nipirinhuëꞌ Yosë yaꞌhuërin quëran oꞌmarin niꞌton, noya noya ninin.

Hebreos 2:3

Iporaso nipirinhuëꞌ, Quisocristo aꞌpaimarin noya nanan shaꞌhuitiinpoaso marëꞌ. Naꞌcon nosoroatonpoaꞌ, yanichaꞌërinpoaꞌ. Huiꞌnin chachin niꞌton, co ina natëhuatëhuahuëꞌ, naꞌcon naꞌcon anaꞌintinpoasoꞌ yaꞌhuërin. Quisocristo chachin noya nanan shaꞌhuirin. Ina quëran caꞌtanoꞌsanënpitari natanahuatonaꞌ, inachachin shaꞌhuitaantarinënpoaꞌ.