Hechos 17:20 - Chayahuita (Shahui)

²⁰ Co onporontaꞌ natanchinaihuëꞌ. Aꞌchintocoi quiyantaꞌ nitochii, itopi.

Hechos 17:20 ပူးပေါင်းရင်းမြစ်များ

Marcos 9:10

Napoaton co insontaꞌ shaꞌhuitopihuëꞌ. Inahua capini ninontapi. “¿Onporahuatontaꞌ nanpiantaponsoꞌ?” nitopi.

Juan 6:60

Naꞌa piyapiꞌsaꞌ Quisoso imasapirinahuëꞌ, ina nanan natanahuatonaꞌ aꞌnaquën nisha yonquipi. —Aꞌchininsoꞌ sacaiꞌ imacasoꞌ. ¿Incaricha nitotaton, natërëꞌpoya? nitopi.

Hechos 10:17

Pitrosoꞌ yonquirárin. “Yosë nohuanton huaꞌnarëso pochin quënanahuë. ¿Maꞌtaꞌ tapon ina pochin aꞌnotërinco nica?” tënin yonquiaton. Naporoꞌ Corniriori aꞌparinsopita canquirapi. Natantiirahuatonaꞌ, Simon pëinën yaꞌcoananënquë canquipi.

Hechos 17:19

Aꞌnaquënso natanahuatonaꞌ, Ariopaco itopiquë quëpapi. Inasoꞌ huaꞌanoꞌsa niyontoyantopiquë. Paono inaquë quëparahuatonaꞌ, itopi: —¿Ma nisha nanan chachintaꞌ aꞌchinan? Yanitotërai quiyantaꞌ.

Hechos 17:21

Inaquë yaꞌhuëpisopita nasha nananoꞌsaꞌ paꞌyatopi. Nisha nisha aꞌchinpisoꞌ yanatanpi. Nisha piyapiꞌsaꞌ huëꞌpisopitantaꞌ yanatanpi.

Hechos 2:12

Maꞌpitataꞌ napopi,” taꞌtonaꞌ, paꞌyanpi. —¿Onporahuatonataꞌ naponontërinënpoaꞌ? topi.

1 Corintios 1:18

Aꞌchinpatëra, “Quisocristo corosëquë chiminin nichaꞌëinpoaso marëꞌ,” itërahuë. Aꞌnaquën natanpachinara, tëhuapi. Naporinsopita chiminpachinaꞌ, parisitomiatapi. Canpoaso nipirinhuëꞌ noya natanëhuaꞌ. Nani Yosë anoyacancantërinpoaꞌ. Yosëíchin nanitaparin nichaꞌëinpoasoꞌ.

1 Corintios 1:23

Quiyaso nipirinhuëꞌ Quisocristo nanamënáchin aꞌchinai: “Corosëquë canpoa marëꞌ chiminin,” tënai. Cotioroꞌsasoꞌ co natëtopihuëꞌ: “Inasoꞌ Yosë huiꞌnin naporini, co chimiintonhuëꞌ,” toconpi. Nisha piyapiroꞌsarintaꞌ co nohuantatonaraihuëꞌ, tëhuapi.

1 Corintios 2:14

Aꞌnaquënso nipirinhuëꞌ piyapi yonquirinsoráchin nitotatonaꞌ, co nohuantopihuëꞌ Yosë nanamën natanacaisoꞌ niꞌton, tëhuaconpi. Ispirito Santoráchin catahuarinpoaꞌ natëtacasoꞌ. Napoaton co imarinsopitasohuëꞌ natanaponaraihuëꞌ, co nanitopihuëꞌ noꞌtëquën yonquicaisoꞌ.

Hebreos 5:11

Iráca ninopisoꞌ naꞌcon yaaꞌchintopiranquëmahuëꞌ. Co natantochináchinhuëꞌ cancantatomaꞌ, co yanatantëramahuëꞌ niꞌton, sacaiꞌ aꞌchintaꞌhuanquëmasoꞌ.

1 Pedro 4:4

Iporaso nipirinhuëꞌ imaramaꞌ. Aꞌnapita yanoꞌpihuachinara, amatopirinënquëmahuëꞌ. Co yanoꞌpihuatamarahuëꞌ, noꞌhuirinënquëmaꞌ. “¿Onpoatomataꞌ pita nipatëira, co yaniꞌnamacoihuëꞌ?” itatënënquëmaꞌ, pinorinënquëmaꞌ.