Hechos 17:16 - Chayahuita (Shahui)

¹⁶ Paonoso nipirinhuëꞌ Atinasëquë Sirasë, Timotio, inapita ninararin. Ninanoꞌ conitaton, notohuaroꞌ mamanshi quënanin. Inapita quënanahuaton, sëtërin. Inapoaton, napion cancantërin.

Hechos 17:16 ပူးပေါင်းရင်းမြစ်များ

1 Reyes 19:10

“Quëmaso Sinioro Yosënquën, yaꞌipi nanitaparan. Napoaton paꞌpi aꞌpitëranquën. Israiroꞌsarëꞌquën anoyatëranso aꞌpopi. Artaronënpitantaꞌ, ohuatopi. Quëma marëꞌ pënëntopisopitantaꞌ, sahuëniquë tëpapi. Casáchin nipirinhuëꞌ, tëpainacoso marëꞌ yonisarinaco,” itërin Iniasëri.

1 Reyes 19:14

Napotohuachina: “Quëmasoꞌ Sinioro Yosënquën, yaꞌipi nanitaparan. Napoaton paꞌpi aꞌpitëranquën. Israiroꞌsarëꞌquën anoyatëranso aꞌpopi. Artaronënpitantaꞌ, ohuatopi. Quëma marëꞌ pënëntopisopitantaꞌ, sahuëniquë tëpapi. Casáchin quëparitopirahuë, tëpainacoso marëꞌ yonisarinaco,” itërin.

Salmos 119:136

Quëma aꞌchinansopita co piyapiꞌsa natëpihuëꞌ. Ina marëꞌ sëtato naꞌnërárahuë.

Salmos 69:9

Quëma pëinën Sinioro paꞌpi aꞌpitërahuë. Napoaton quëma inimiconënpita noꞌhuirinaco cantaꞌ.

Jeremías 20:9

Amiato: “Ama huachi Sinioro yonquiꞌisohuëꞌ. Nanan quëtopirincohuë tërantaꞌ, ama huachi noinsohuëꞌ,” tënahuë. Taporahuëꞌ, quëma nanamën yaꞌcoancantërinco niꞌton, pën maꞌsha ahuiquitërinso pochin nitárinco. Nansëanaquë huarëꞌ piꞌcarincoso pochin natanahuë. “Chinitato nipachin ama noinsohuëꞌ,” taporahuëꞌ, ¡coꞌchi nanitërahuëꞌ cacotaꞌhuaso paya!

Miqueas 3:8

Caso nipirinhuëꞌ, noꞌtëquën Sinioro marëꞌ pënëntarahuë niꞌto, achinirinco. Catahuarinco noya nicaꞌhuasoꞌ. Chiníquën cancantato, israiroꞌsa pënënarahuë: “Canpitaso co Yosë natëtomarahuëꞌ, naꞌcon oshahuanamaꞌ,” itárahuë.

Marcos 3:5

Co aꞌpanitohuachinarahuëꞌ, aꞌnaya aꞌnaya niꞌsarin. Co natantochináchinhuëꞌ cancantopi niꞌton, noꞌhuirë pochin cancantaton, co noyahuëꞌ niꞌnin. “Co nosoropihuëꞌ,” taꞌton, paꞌpi sëtërin. —Imiran iyasha ihuëquëꞌ, itërin. Ihuëhuachina, aꞌnaroáchin noyatërin.

Juan 2:13

Pascoa tahuëri cotioroꞌsaꞌ niyontonpi Yosëri Iquipito quëran nichaꞌërinsoꞌ yonquiantacaiso marëꞌ. Ina naniriahuachina, Quirosarinquë paantarai.

Hechos 17:15

Atinasëꞌpaꞌ Paono caꞌtanpi. Yapanantahuachinara, —Sirasë, Timotio, cato chachin shaꞌhuitoncoꞌ manóton huëꞌinaꞌ, itërin Paonori. Napotohuachina, yaꞌhuëpiꞌpaꞌ panantapi.

Hechos 17:21

Inaquë yaꞌhuëpisopita nasha nananoꞌsaꞌ paꞌyatopi. Nisha nisha aꞌchinpisoꞌ yanatanpi. Nisha piyapiꞌsaꞌ huëꞌpisopitantaꞌ yanatanpi.

Hechos 17:23

Cachiquë paꞌpatora, yaꞌipi moshatëramasoꞌ niꞌnahuë. Aꞌna artaro quënanahuë. Inaquë ninshitëramaꞌ. ‘isoso yosë co nohuitopirëhuahuëꞌ, moshahuaꞌ,’ tënamaꞌ ninshitatomaꞌ. Co nohuitapomarahuëꞌ, mosharamaꞌ. Apira carinquëmaꞌ aꞌchinchinquëmaꞌ, nohuitocoꞌ.

Hechos 18:1

Ina quëran Paono pipirahuaton, Corintoquë paꞌnin.

Hechos 20:22

Iporaso nipirinhuëꞌ Ispirito Santo natëto, Quirosarinquë paꞌsarahuë. Maꞌsona onpotaponaco nimara, co casoꞌ nitotërahuëꞌ.

1 Tesalonicenses 3:1

Huaꞌquiꞌ co niꞌnainquëmahuëꞌ. Co nanan tërantaꞌ natantëraihuëꞌ. Napoaton co huachi ahuantatoihuëꞌ, “Quiyaora Atinasëquë quëparichii,” taꞌtoi,

2 Pedro 2:7

Sotomaquë yaꞌhuëpisopita paꞌpi co noyahuëꞌ cancantopi. Monshihuanacaisoáchin yonquipi. Aꞌnaratipita co noyahuëꞌ nipi. Inaquë aꞌna quëmapiíchin noya ninin, Loto itopisoꞌ. Nani tahuëri, nani tahuëri co noyahuëꞌ nipiso nicaton, sëtërin. Taparoꞌ nonpachinara, co noya nataninhuëꞌ. Sëtacasoáchin cancantërin. Sacaiꞌ niponahuëꞌ, inaora Yosë yonquirin. Ina marëꞌ Yosëri nichaꞌërin.