Hechos 17:10 - Chayahuita (Shahui)

¹⁰ Quisoso imapisopita pipirahuatonaꞌ, yaꞌhuëpiꞌpaꞌ paantapi. Naporoꞌ tashiꞌ Paono, Sirasë, inapita Piriaquë aꞌpapi. Inaquë canconahuatonaꞌ, cotioroꞌsaꞌ niyontonpiso pëiquë paꞌpi aꞌchinacaiso marëꞌ.

Hechos 17:10 ပူးပေါင်းရင်းမြစ်များ

Hechos 1:15

Ina quëran naꞌa Quisoso imapisopita niyontonpi. Pasa cato shonca piyapiꞌsa pochin yaꞌhuëpi. Pitrori huancánachin huanirahuaton, itërin:

Hechos 15:22

“Noyahuaꞌ. Ina pochin ninshitahuaꞌ,” topi yaꞌipiya. Ina quëran caꞌtanoꞌsaꞌ, ansianoꞌsaꞌ, inapita yonquipi catoyaꞌpi aꞌpatacaiso marëꞌ. “Paono, Pirnapi, inapita panantahuachinaꞌ, inahuantaꞌ caꞌtainaꞌ,” topachinara, “Inantaꞌ noya,” topi yaꞌipi imapisopita. Napoaton catoꞌ quëmapiꞌsaꞌ nóya nipisopita huayonpi paatonaꞌ shaꞌhuitacaiso marëꞌ. Aꞌnasoꞌ Sirasë. Aꞌnantaꞌ Cotasë. Parsapasë itopi antaꞌ.

Hechos 17:1

Ina quëran Anpiporisë naꞌhuëtahuatonaꞌ, Aporoniantaꞌ naꞌhuëtaantapi. Ina quëran Tisaronicaquë canconpi. Inaquë cotioroꞌsaꞌ niyontonpiso pëiꞌ yaꞌhuërin.

Hechos 17:2

Inachintërin nichinapon chachin cara chinoto tahuëri inaquë Paono Yosë quiricanën aꞌchinin.

Hechos 17:4

Aꞌnaquën natanahuatonaꞌ, natëpi. Natëtonaꞌ, imasapi. Naꞌa Crico piyapiꞌsantaꞌ imasapi. Nisha piyapiꞌsaꞌ niponaraihuëꞌ, Yosë chinotopi. Paono aꞌchininsoꞌ natanahuatonaꞌ, Quisoso imasapi. Naꞌamiachin sanapiꞌsantaꞌ chiníquën nanantopisopita imasapi.

Hechos 17:6

co Paono yaꞌhuërinhuëꞌ. Co ina quënanatonahuëꞌ, Casono mapi. Aꞌnapita Quisoso imapisopitantaꞌ masahuatonaꞌ, ninano huaꞌanoꞌsaquë quëpapi. —Paono yaꞌipi parti paꞌsárin. Aꞌchintaton, notohuaroꞌ piyapiꞌsaꞌ anishacancantarin. Sirasëntaꞌ inachachin nisarin. Isëquëntaꞌ huëꞌpachinara,

Hechos 20:4

Naꞌa piyapiꞌsari caꞌtanpi. Sopatiro (Pirro huiꞌnin, Piriaquë yaꞌhuërinsoꞌ), Aristarco, Siconto, (Tisaronicaquë yaꞌhuëpisoꞌ), Acayo (Tirpiquë yaꞌhuërinsoꞌ), Timotio, Tiquico, Tropimo (Asia parti yaꞌhuëpisoꞌ) inapita Paono caꞌtanpi.

Hechos 9:20

Shiarahuaton, cotio niyontonpiso pëiquë paꞌsahuaton, pënëntarin. “Quisososoꞌ Yosë huiꞌnin,” itahuaton, naꞌcon aꞌchinarin.

Hechos 9:25

Aꞌna tashiso nipirinhuëꞌ, imapisopitari huëcatonaꞌ Saono quëpapi. Ninano pairapipi quëran anohuaramapi. Nantipi pochin nininquë anohuaramahuachinara, paꞌnin huachi.

1 Tesalonicenses 2:2

Piriposëquë aꞌchinapiraihuëꞌ, noꞌhuitonacoi, chiníquën aparisitërinacoi. Inapotopirinacoihuëꞌ, canpitataquë canconpatëira, co tëꞌhuaraihuëꞌ. “Yosë catahuarincoi,” taꞌtoi, Quisocristo nanamën aꞌchintërainquëmaꞌ. Aꞌnapita noꞌhuipirinacoihuëꞌ, chiníquën cancantatoi, pënënainquëmaꞌ.

1 Samuel 20:42

Napoin quëran Conatani itapon: —Noya paquë huachi. Catonpo chachin Yoscoarëꞌ taꞌtë nishaꞌhuitërë niꞌton, ama tëꞌhuatëquësohuëꞌ. Noya nipayatë yaꞌhuëcaso marëꞌ nani Yosë nontërëꞌ. Shinpopitanta noya ninicatona yaꞌhuëcaiso marëꞌ nani anoyatërëꞌ, itërin. Nani ninontohuachinara, Tapisoꞌ paꞌnin huachi. Yaꞌhuërëꞌ Conataontaꞌ, yaꞌhuërinquë paantarin.