Hechos 16:10 - Chayahuita (Shahui)

¹⁰ Ina natanahuaton, “Yosë nohuantërincoi inatohuaꞌ noya nanan shaꞌhuicaꞌhuaisoꞌ,” taꞌtoi, manorai inatohuaꞌ pacaꞌhuaisoꞌ.

Hechos 16:10 ပူးပေါင်းရင်းမြစ်များ

Génesis 5:18

Carito pasa saota shonca cato piꞌipitasoꞌ, huiꞌnin nasitërin. Nasitohuachina, Inoco itopi.

Hechos 10:29

Napoaton amatohuatancora, noya huëꞌnahuë. ¿Maꞌmarëtaꞌ amatëranco? itërin.

Hechos 14:7

Inatohuaꞌ paatonaꞌ, noya nanan shaꞌhuiantarapi. Yaꞌcariyantaꞌ aꞌchinapi.

Hechos 16:9

Inaquë Yosë nohuanton, tashiꞌ Paono huaꞌnarëso pochin quënanin. Masitonia piyapi huaniarin, quënanin. “Huëquëꞌ isëquë. Nosoroatoncoi, catahuacoi,” itërin.

Hechos 26:13

camotëchin iratërasoco, inápa quëran chiníquën aꞌpintimarincoi. Piꞌi quëran chini chiníquën aꞌpintërincoi. Huënaráchin huënaráchin niꞌnahuë. Caꞌtanincosopitantaꞌ niꞌpi.

Hechos 27:1

Ina quëran Pisto yaaꞌparincoi. Aꞌnapita apiroꞌsantaꞌ yaaꞌparin. Noma copirno Itaria parti yaꞌhuërin niꞌton, Noma sontaroꞌsaꞌ capitan Orio itopisoꞌ nontërin inatohuaꞌ quëpacaiso marëꞌ. “Paono, apiroꞌsaꞌ, inapita quëpacoꞌ,” itohuachina, “Noyahuaꞌ. Quëpaꞌi nipachin,” tënin.

Hechos 9:10

Ina ninanoquë chachin aꞌna quëmapi yaꞌhuërin, Quisoso imarinsoꞌ. Ananiasë itopi. Yosë nohuanton, co huëꞌëponahuëꞌ, huaꞌnarëso pochin niꞌnin. Nontërinsontaꞌ natanin. “Ananiasë, ¿yaꞌhuaran?” itërin Quisosori. “Yaꞌhuarahuë Sinioro,” itërin inarintaꞌ.