Hechos 15:7 - Chayahuita (Shahui)

⁷ Huaꞌquiꞌ ninontohuachinara, Pitro huanirahuaton, itërin: —Cantaꞌ iyaroꞌsaꞌ piꞌpian shaꞌhuichinquëmaꞌ. Nani iráca Yosë acorinco nisha piyapiꞌsaꞌ shaꞌhuitaꞌhuaso marëꞌ. Ina nohuanton, Quisoso nanamën shaꞌhuitërahuë. Inapitantaꞌ natanahuatonaꞌ, natëpi. Natëtonaꞌ, imasapi. Ina nitotëramaꞌ canpitantaꞌ.

Hechos 15:7 ပူးပေါင်းရင်းမြစ်များ

Éxodo 4:12

Napoaton, Iquipitoquë noya paquëꞌ. Noya nonacasosoꞌ, carinquën catahuaranquën. Maꞌsona taꞌcasontaꞌ, anitotaranquën, itërin.

Jeremías 1:9

Ina quëran imirin ihuësahuaton cariananinco. Inapotahuatonco nontaantarinco:

Juan 15:16

Co canpitaora nohuanton imaramacohuëꞌ. Ca nohuanto, imaramaco. Carinquëmaꞌ huayonanquëmaꞌ. Nani acoranquëma opa sëꞌpaquën naꞌcon nitërinso pochin nisápamaso marëꞌ. Inapohuatamaꞌ: ‘Quisoso nanan quëtërinco,’ taꞌtomaꞌ, Yosë nontocoꞌ catahuainquëmaꞌ. Ca pochin yonquiatomaꞌ, maꞌsona nipatamaꞌ, acochinquëmaꞌ.

Juan 3:27

—Co Yosë nohuantërinhuëꞌ naporini, co napoꞌitonahuëꞌ. Yaꞌipinpoaꞌ Yosë acorinpoaꞌ maꞌsona nicacasoꞌ.

Hechos 1:16

“Shonca catoyaꞌpicoi iyaroꞌsaꞌ Quisoso nani acorincoi aꞌnapita aꞌchintaꞌhuaiso marëꞌ. Cotasëntaꞌ acorin niꞌton, quiyapitarëꞌ Quisoso caꞌtanpirinhuëꞌ, inimiconënpitari yamapachina, shaꞌhuirapirin. Aꞌnotonpachina, mapi. Iráca Ispirito Santo nohuanton, Cotasë napocasoꞌ ninorin. Tapiri ninoton, Yosë quiricanënquë ninshitërin. Iráca ninorinso chachin naporin.

Hechos 1:24

Ina quëran Yosë nontopi. “Quëmasáchin Sinioro, yaꞌipi cancanëhuëi quëran yonquiraisoꞌ nitotëran. ¿Insotaꞌ nohuantëran acoaꞌhuaisoꞌ,

Hechos 10:19

Pitroso nipirinhuëꞌ co nataninhuëꞌ. Huaꞌnarëso pochin niꞌninsoꞌ yonquirárin. Yonquiasoꞌ, Ispirito Santori itërin: “Apira cara quëmapi yonisarinquën.

Hechos 10:20

Nohuaramarahuaton, paquëꞌ. Ama nisha nisha yonquiatonhuëꞌ, imaquëꞌ. Ca nohuanton, huëꞌpi niꞌton, noya imaquëꞌ,” itërin.

Hechos 13:2

Aꞌna tahuëri co coshatatonaraihuëꞌ, Sinioro chinotopi. Napohuachinara, Ispirito Santori shaꞌhuitërin: “Pirnapi, Saono inapita nohuantërahuë paatonaꞌ, piyapiꞌsaꞌ aꞌchintacaiso marëꞌ. Ina marëꞌ inapita acorahuatomaꞌ, aꞌpacoꞌ paꞌinaꞌ,” itërin.

Hechos 15:14

Iya Simon nani shaꞌhuitërinpoaꞌ. Yosë nohuanton, inaꞌton nisha piyapiꞌsaꞌ aꞌchintërin. Aꞌchintohuachina, aꞌnaquën imasapi, Yosëri huëntonënquë ayaꞌconin. Inapitantaꞌ piyapinënpita pochachin niꞌsarin.

Hechos 15:2

Paonosoꞌ, co ina pochin yonquirinhuëꞌ. “Co niacotacasoꞌ yaꞌhuërinhuëꞌ,” tënin. Pirnapintaꞌ inachachin yonquirin. Napoaton canquipisopitarëꞌ ninontopi. “Co noꞌtëquën aꞌchinamahuëꞌ,” nitatonaꞌ, chiníquën ninontopi. Napoaton imapisopitari itaponaꞌ: “Quirosarinquë pacoꞌ. Caꞌtanoꞌsaꞌ, ansianoꞌsaꞌ, inapita natancoꞌ. ¿Maꞌtamaꞌ shaꞌhuichinënquëmapaꞌ?” taꞌtonaꞌ, Paono, Pirnapi, inapita aꞌpapi. Aꞌnapitantaꞌ inapitarëꞌ aꞌpapi.

Hechos 15:39

Huaꞌquiꞌ ninontopirinahuëꞌ, co napopianachin yonquiatonahuëꞌ, nisha nisha paꞌpi. Pirnapisoꞌ Coansharë chachin nanchaquë paꞌsahuaton, Chipriquë canconpi.

Hechos 20:24

Yatëpapirinacohuëntaꞌ, co casoꞌ tëꞌhuatërahuëꞌ. Co ina yonquirahuëꞌ. Sinioro Quisoso natëaꞌhuasoáchin cancantërahuë. Iráca ina shaꞌhuitërinco aꞌchinaꞌhuaso marëꞌ. ‘Yosëri yaꞌipi piyapi nosoroaton, anoyacancantacasoꞌ nohuantërin. Ina noya nanan chachin aꞌchintonquëꞌ,’ itërinco. Napoaton paato, aꞌchintárahuë. Co chiminaꞌhuasoꞌ tëꞌhuatërahuëꞌ.

Hechos 21:16

Paꞌpatoira, aꞌnaquën imapisopita caꞌtaninacoi. Mason pëinënquë quëparinacoi yacapataꞌhuaiso marëꞌ. Inasoꞌ Chipri quëran huëꞌnin, iráca imarinsoꞌ.

Hechos 3:18

Iráca pënëntonaꞌpiroꞌsaꞌ ninotonaꞌ, ninshitopi. ‘Aꞌna tahuëri Cristo parisitapon,’ topi. Yosë nohuanton, ninopi. Ninopiso pochachin parisitërin.

Hechos 4:25

Quëma nohuanton, iráca Tata masho Tapi ninshitërin. Inasoꞌ noya natërinquënsoꞌ. Ispirito Santori ayonquirin niꞌton, noꞌtëquën ninshitaton, itapon: ‘Inpio nacionoꞌsaquë yaꞌhuëpisopita, co noꞌtëquën yonquipihuëꞌ. Sinioro co quëꞌyatonaraihuëꞌ pinosapi: “Huëco canpoari minsëahuaꞌ,” taꞌtonaꞌ, maꞌsha onpotacaisoꞌ yonquirapi.

Hechos 9:15

“Iꞌhua mini co noyahuëꞌ yonquipirinhuëꞌ, nani huayonahuë ca nanamëhuë aꞌchinacaso marëꞌ. Nisha nisha piyapiꞌsaꞌ aꞌchintarin imainacoso marëꞌ. Huaꞌanoꞌsanënpitantaꞌ shaꞌhuitarin. Israiroꞌsantaꞌ aꞌchintarin imainacoso marëꞌ.

Filipenses 2:14

Noya ninicatomaꞌ iyaroꞌsaꞌ yaꞌhuëcoꞌ. Ama ninoꞌhuicosohuëꞌ. Maꞌsona tërantaꞌ nipatamaꞌ, noya cancantatomaꞌ, nicoꞌ.