Hechos 15:30 - Chayahuita (Shahui)

³⁰ Nani aꞌpahuachinara, paꞌsahuatonaꞌ, Antioquiaquë canconpi. Imapisopita niyontonpachinara, quirica quëtopi.

Hechos 15:30 ပူးပေါင်းရင်းမြစ်များ

Hechos 11:19

Iꞌhua chachin Istipan tëpahuachinara, Quisoso imapisopita aparisitopi niꞌton, aquë yanquëëpi. Aꞌnaquën Pinisia parti paꞌpi. Aꞌnaquëontaꞌ Chipriquë paꞌpi. Aꞌnapitantaꞌ Antioquiaquëꞌpaꞌ paꞌpi. Nisha nisha parti paatonaꞌ, Quisoso nanamën shaꞌhuipi. Shaꞌhuiponaraihuëꞌ, cotioroꞌsaráchin shaꞌhuitopi.

Hechos 11:20

Aꞌnaquënso nipirinhuëꞌ Antioquiaquë canconahuatonaꞌ, nisha piyapiꞌsantaꞌ shaꞌhuitopi. Sinioro Quisoso naporinsoꞌ aꞌchintopi. “Oshanëmaꞌ inquitatënquëmaꞌ, anoyacancantarinquëmaꞌ,” itopi. Chipri quëran huëꞌpisopita, Sirini quëran huëꞌpisopita, inapita napopi.

Hechos 11:27

Naporoꞌ tahuëriꞌsaꞌ pënëntonaꞌpiroꞌsaꞌ Quirosarin quëran Antioquiaquë huëꞌpi.

Hechos 15:22

“Noyahuaꞌ. Ina pochin ninshitahuaꞌ,” topi yaꞌipiya. Ina quëran caꞌtanoꞌsaꞌ, ansianoꞌsaꞌ, inapita yonquipi catoyaꞌpi aꞌpatacaiso marëꞌ. “Paono, Pirnapi, inapita panantahuachinaꞌ, inahuantaꞌ caꞌtainaꞌ,” topachinara, “Inantaꞌ noya,” topi yaꞌipi imapisopita. Napoaton catoꞌ quëmapiꞌsaꞌ nóya nipisopita huayonpi paatonaꞌ shaꞌhuitacaiso marëꞌ. Aꞌnasoꞌ Sirasë. Aꞌnantaꞌ Cotasë. Parsapasë itopi antaꞌ.

Hechos 15:31

Nani nontohuachinara: “Ma noyacha pënëninpoa paya,” taꞌtonaꞌ, nóya cancantopi.

Hechos 16:4

Aꞌna ninanoquë, aꞌna ninanoquë paꞌsahuatonaꞌ, pënënaꞌpiapi. Caꞌtanoꞌsaꞌ, ansianoꞌsaꞌ, inapita Quirosarinquë yaꞌhuëpisopita ninshitopisoꞌ shaꞌhuirapi imacaiso marëꞌ.

Hechos 21:22

¿Maꞌtaꞌ iporasoꞌ onpoaꞌahuaꞌ nonpintopisoꞌ ama natëcaiso marëhuëꞌ? Huëꞌnansoꞌ onpopiontaꞌ piyapiꞌsaꞌ nitotaponaꞌ.

Hechos 23:33

Sisariaquë canconahuatonaꞌ, quirica huaꞌan quëtonpi. Paonontaꞌ yoꞌconpi.

Hechos 6:2

Ina natanahuatonaꞌ, caꞌtanoꞌsari yaꞌipi Quisoso imapisopita ayontonpi. Niyontonpachinara, itopi: —Natancoi iyaroꞌsaꞌ piꞌpian shaꞌhuichinquëmaꞌ. Yosë nanamën aꞌchinaꞌhuaiso marëꞌ Quisocristo acorincoi. Inaso nipirinhuëꞌ, nani tahuëri cosharoꞌ yoꞌsápatoi, co nanitëraihuëꞌ Yosë nanamën aꞌchinaꞌhuaisoꞌ. Co aꞌchinpatoihuëꞌ, co noyahuëꞌ nisarai, tënai.